ಬುಕ್ಕಾಂಬುಧಿ ಗ್ರಾ.ಪಂ.ಕಟ್ಟಡ ಶಿಥಿಲ

 

1988 ರಲ್ಲಿ ಮಂಡಲ ಪಂಚಾಯಿತಿ ಇದ್ದಾಗ ಪಂಚಾಯಿತಿ ಕಟ್ಟಡ ನಿರ್ಮಾಣ ಗೊಂಡಿತ್ತು. ಅಂದಿನ ಪರಿಸ್ಥಿತಿಗೆ ಅನು ಗುಣವಾಗಿ ರೂಪುಗೊಂಡಿರುವ ಪಂಚಾ ಯಿತಿ ಕಟ್ಟಡ ಕೇವಲ ಸಭಾಂಗಣ ಮತ್ತು ದಾಸ್ತಾನು ಕೊಠಡಿಯನ್ನು ಹೊಂದಿತ್ತು. ಈಗಲೂ ಇರುವ ಅಷ್ಟೇ ಕಿರಿದಾದ ಸ್ಥಳದಲ್ಲಿ ಸಭಾಂಗಣ ಹಾಗೂ ದಾಖಲೆ ಗಳ ದಾಸ್ತಾನು ಜತೆಗೆ ಕಂಪ್ಯೂಟರ್ ಇರಿಸಲಾಗಿದೆ.

 

ಗ್ರಾಮ ಪಂಚಾಯಿತಿ, ಬುಕ್ಕಾಂ ಬುಧಿ, ಢಣಾಯಕಪುರ, ಚಿಕ್ಕಾನ ವಂಗಲ, ನಾಗಬೋವನಹಳ್ಳಿ, ಹರಿಯನ ಹಳ್ಳಿ, ಕಣಬಗಟ್ಟೆ, ಕೆಂಚಾ ಪುರ, ಮಾಕನಹಳ್ಳಿ ಸೇರಿದಂತೆ ಒಟ್ಟು 8 ಗ್ರಾಮ ಗಳನ್ನು ಒಳಗೊಂಡಿದ್ದು, 17 ಸದಸ್ಯರನ್ನು ಹೊಂದಿದೆ. ಗ್ರಾಮ ವೊಂದರಲ್ಲಿಯೇ 4,653ಕ್ಕೂ ಅಧಿಕ ಜನಸಂಖ್ಯೆ ಇದೆ. ಇನ್ನು ಇಡೀ ಪಂಚಾ ಯಿತಿಗೆ ಒಳಪಡುವ ಜನ ಸಾಮಾನ್ಯರು ವಿವಿಧ ಕೆಲಸ ಕಾರ್ಯಗಳಿಗಾಗಿ ಪಂಚಾಯಿತಿಗೆ ದಿನನಿತ್ಯ ಭೇಟಿ ನೀಡುವವರಿಗೆ ಕಿರಿದಾದ ಕಟ್ಟಡದಲ್ಲಿ ಸ್ದಳಾವಕಾಶದ ಕೊರತೆಯಿದೆ.

 

ಮಳೆಗಾಲದಲ್ಲಿ ಸೋರುವ, ಸಭೆ-ಸಮಾರಂಭಕ್ಕೆ, ವಿವಿಧ ಕಾರ್ಯಗಳಿಗಾಗಿ ಪಂಚಾಯಿತಿ ಬರುವ ಜನಸಾಮಾನ್ಯರಿಗೆ, ಮಾಹೇವಾರು ಸರ್ವ ಸದಸ್ಯರ ಸಭೆ ನಡೆಸಲೂ ಸ್ಥಳಾವಕಾಶದ ಕೊರತೆ ಎದುರಿಸುತ್ತಿರುವ ಹಾಗೂ ಶಿಥಿಲ ಗೊಂಡಿರುವ ಪಂಚಾಯಿತಿ ಕಟ್ಟಡವನ್ನು ತೆರವುಗೊಳಿಸಬೇಕು. ಹಾಗೂ   ವಿಶಾಲ ಸಭಾಂಗಣ, ಅಧ್ಯಕ್ಷ, ಪಿಡಿಒ, ಕಾರ್ಯ ದರ್ಶಿ, ಕಂಪ್ಯೂಟರ್, ದಾಖಲೆ ಇರಿಸಲು ದಾಸ್ತಾನು ಕೊಠಡಿ, ಶೌಚಾಲಯ ಸೇರಿದಂತೆ ಹಲವು ಪ್ರತ್ಯೇಕ ಕೊಠಡಿ ಗಳನ್ನು ಒಳಗೊಂಡ ವ್ಯವಸ್ಥಿತ ಪಂಚಾ ಯಿತಿ ಕಟ್ಟಡವನ್ನು ನಿರ್ಮಿಸಲು ಸಂಬಂಧಪಟ್ಟವರು ಮುಂದಾಗಬೇಕು ಎಂದು ಬುಕ್ಕಾಂಬುಧಿ ಗ್ರಾಮ ಪಂಚಾ ಯಿತಿ ಅಧ್ಯಕ್ಷ ಮಹೇಶ್ವರಪ್ಪ ಹಾಗೂ ಸದಸ್ಯರು ಆಗ್ರಹಿಸಿದ್ದಾರೆ.

 

**

ಕಟ್ಟಡದಲ್ಲಿ ಕೆಲಸ ಕಷ್ಟ