<p><strong>ಗುಡಗಾಂವ್, ಹರಿಯಾಣ (ಪಿಟಿಐ):</strong> ರಿಯೊ ಪ್ಯಾರಾಲಿಂಪಿಕ್ಸ್ ಪದಕವಿಜೇತ ಕ್ರೀಡಾ ಪಟು ದೀಪಾ ಮಲಿಕ್ ಅವರಿಗೆ ಮಂಗಳವಾರ ಪ್ರಧಾನಿ ನರೇಂದ್ರ ಮೋದಿ ಅವರು ₹ 4 ಕೋಟಿ ಪುರಸ್ಕಾರ ನೀಡಿದರು. ಇಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಹರಿಯಾಣದ ದೀಪಾ ಅವರಿಗೆ ನಗದು ಬಹುಮಾನದ ಚೆಕ್ ನೀಡಿ ಸನ್ಮಾನಿಸಲಾಯಿತು.<br /> <br /> ಪ್ರಧಾನಿ ಮೋದಿ ಅವರು ಗಾಲಿ ಕುರ್ಚಿಯಲ್ಲಿ ಬಂದ ದೀಪಾ ಮಲಿಕ್ ಅವರ ಚೆಕ್ ನೀಡಲು ಎತ್ತರದ ವೇದಿಕೆ ಯಿಂದ ಕೆಳಗೆ ಇಳಿದು ಬಂದರು. ಅವರೊಂದಿಗೆ ಹರಿಯಾಣ ಮುಖ್ಯ ಮಂತ್ರಿ ಮನೋಹರ್ ಲಾಲ್ ಖಟ್ಟರ್ ಮತ್ತು ರಾಜ್ಯಪಾಲ ಕಪ್ತಾನ್ ಸಿಂಗ್ ಸೋಳಂಕಿ ಹಾಜರಿದ್ದರು.<br /> <br /> ಈ ಸಂದರ್ಭದಲ್ಲಿ ಮಾತನಾಡಿದ ಮೋದಿ, ‘ಹರಿಯಾಣದ ವನಿತೆಯರು ಇಡೀ ದೇಶವೇ ಹೆಮ್ಮೆಪಡುವಂತಹ ಸಾಧನೆಯನ್ನು ಒಲಿಂಪಿಕ್ಸ್ನಲ್ಲಿ ಮಾಡಿ ದ್ದಾರೆ. ಇದು ಎಲ್ಲರಿಗೂ ಮಾದರಿ ಯಾಗಬೇಕು. ಹರಿಯಾಣದ ಜನರು ಹೆಣ್ಣುಮಕ್ಕಳ ರಕ್ಷಣೆ ಮತ್ತು ಪೋಷಣೆಗೆ ಮುಂದಾಗಬೇಕು’ ಎಂದರು.<br /> <br /> ಈ ಸಂದರ್ಭದಲ್ಲಿ ಮಾತನಾಡಿದ ದೀಪಾ, ‘ಅಂಗವೈಕಲ್ಯವನ್ನು ಮೀರಿ ನಿಂತ ಸಂತೃಪ್ತಿ ನನಗೆ ಇದೆ. ಈ ಸಮಸ್ಯೆಯು ಆರಂಭವಾದಾಗಲೇ ನಾನು ಜೀವನವನ್ನು ಹೆಚ್ಚು ಪ್ರೀತಿಸಿದೆ. ಅದನ್ನು ಸಾರ್ಥಕಗೊಳಿಸುವತ್ತ ಶ್ರಮಪಟ್ಟೆ. ನನ್ನ ಕುಟುಂಬ ನನಗೆ ಉತ್ತಮ ಬೆಂಬಲ ನೀಡಿತು. ಅದರಿಂದ ನಾನು ಹಲವು ಸಾಧನೆ ಮಾಡಲು ಸಾಧ್ಯವಾಯಿತು. ರಿಯೊ ಪ್ಯಾರಾಲಿಂಪಿಕ್ಸ್ ಪದಕ ನನಗೆ ಅತ್ಯಂತ ವಿಶೇಷವಾದದ್ದು’ ಎಂದರು.<br /> <br /> ಹರಿಯಾಣದ ಕುಸ್ತಿಪಟು ಸಾಕ್ಷಿ ಮಲಿಕ್ ಅವರು ರಿಯೊ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದಿದ್ದರು. ನಂತರ ನಡೆ ದಿದ್ದ ಪ್ಯಾರಾಲಿಂಪಿಕ್ಸ್ನ ಗಾಲಿ ಕುರ್ಚಿ ವಿಭಾಗದ ಶಾಟ್ಪಟ್ನಲ್ಲಿ 46 ವರ್ಷದ ದೀಪಾ ಬೆಳ್ಳಿ ಪದಕ ಜಯಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗುಡಗಾಂವ್, ಹರಿಯಾಣ (ಪಿಟಿಐ):</strong> ರಿಯೊ ಪ್ಯಾರಾಲಿಂಪಿಕ್ಸ್ ಪದಕವಿಜೇತ ಕ್ರೀಡಾ ಪಟು ದೀಪಾ ಮಲಿಕ್ ಅವರಿಗೆ ಮಂಗಳವಾರ ಪ್ರಧಾನಿ ನರೇಂದ್ರ ಮೋದಿ ಅವರು ₹ 4 ಕೋಟಿ ಪುರಸ್ಕಾರ ನೀಡಿದರು. ಇಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಹರಿಯಾಣದ ದೀಪಾ ಅವರಿಗೆ ನಗದು ಬಹುಮಾನದ ಚೆಕ್ ನೀಡಿ ಸನ್ಮಾನಿಸಲಾಯಿತು.<br /> <br /> ಪ್ರಧಾನಿ ಮೋದಿ ಅವರು ಗಾಲಿ ಕುರ್ಚಿಯಲ್ಲಿ ಬಂದ ದೀಪಾ ಮಲಿಕ್ ಅವರ ಚೆಕ್ ನೀಡಲು ಎತ್ತರದ ವೇದಿಕೆ ಯಿಂದ ಕೆಳಗೆ ಇಳಿದು ಬಂದರು. ಅವರೊಂದಿಗೆ ಹರಿಯಾಣ ಮುಖ್ಯ ಮಂತ್ರಿ ಮನೋಹರ್ ಲಾಲ್ ಖಟ್ಟರ್ ಮತ್ತು ರಾಜ್ಯಪಾಲ ಕಪ್ತಾನ್ ಸಿಂಗ್ ಸೋಳಂಕಿ ಹಾಜರಿದ್ದರು.<br /> <br /> ಈ ಸಂದರ್ಭದಲ್ಲಿ ಮಾತನಾಡಿದ ಮೋದಿ, ‘ಹರಿಯಾಣದ ವನಿತೆಯರು ಇಡೀ ದೇಶವೇ ಹೆಮ್ಮೆಪಡುವಂತಹ ಸಾಧನೆಯನ್ನು ಒಲಿಂಪಿಕ್ಸ್ನಲ್ಲಿ ಮಾಡಿ ದ್ದಾರೆ. ಇದು ಎಲ್ಲರಿಗೂ ಮಾದರಿ ಯಾಗಬೇಕು. ಹರಿಯಾಣದ ಜನರು ಹೆಣ್ಣುಮಕ್ಕಳ ರಕ್ಷಣೆ ಮತ್ತು ಪೋಷಣೆಗೆ ಮುಂದಾಗಬೇಕು’ ಎಂದರು.<br /> <br /> ಈ ಸಂದರ್ಭದಲ್ಲಿ ಮಾತನಾಡಿದ ದೀಪಾ, ‘ಅಂಗವೈಕಲ್ಯವನ್ನು ಮೀರಿ ನಿಂತ ಸಂತೃಪ್ತಿ ನನಗೆ ಇದೆ. ಈ ಸಮಸ್ಯೆಯು ಆರಂಭವಾದಾಗಲೇ ನಾನು ಜೀವನವನ್ನು ಹೆಚ್ಚು ಪ್ರೀತಿಸಿದೆ. ಅದನ್ನು ಸಾರ್ಥಕಗೊಳಿಸುವತ್ತ ಶ್ರಮಪಟ್ಟೆ. ನನ್ನ ಕುಟುಂಬ ನನಗೆ ಉತ್ತಮ ಬೆಂಬಲ ನೀಡಿತು. ಅದರಿಂದ ನಾನು ಹಲವು ಸಾಧನೆ ಮಾಡಲು ಸಾಧ್ಯವಾಯಿತು. ರಿಯೊ ಪ್ಯಾರಾಲಿಂಪಿಕ್ಸ್ ಪದಕ ನನಗೆ ಅತ್ಯಂತ ವಿಶೇಷವಾದದ್ದು’ ಎಂದರು.<br /> <br /> ಹರಿಯಾಣದ ಕುಸ್ತಿಪಟು ಸಾಕ್ಷಿ ಮಲಿಕ್ ಅವರು ರಿಯೊ ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದಿದ್ದರು. ನಂತರ ನಡೆ ದಿದ್ದ ಪ್ಯಾರಾಲಿಂಪಿಕ್ಸ್ನ ಗಾಲಿ ಕುರ್ಚಿ ವಿಭಾಗದ ಶಾಟ್ಪಟ್ನಲ್ಲಿ 46 ವರ್ಷದ ದೀಪಾ ಬೆಳ್ಳಿ ಪದಕ ಜಯಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
