ಒಕ್ಲಾಂಡ್ : ಇಲ್ಲಿನ ಕಟ್ಟಡ ವೊಂದರಲ್ಲಿ ರೇವ್‌ಪಾರ್ಟಿ ನಡೆಯುತ್ತಿದ್ದ ವೇಳೆ ಸಂಭವಿಸಿದ ಬೆಂಕಿ ಅವಘಡದಲ್ಲಿ 40 ಜನರು ಮೃತಪಟ್ಟಿರುವ ಘಟನೆ ಶನಿವಾರ ರಾತ್ರಿ ನಡೆದಿದೆ.
‘ಸುಮಾರು 50–100 ಜನ ಇಲ್ಲಿ ಭಾಗವಹಿಸಿದ್ದರು. ಸಾವಿನ ಸಂಖ್ಯೆ ಹೆಚ್ಚುವ ಸಾಧ್ಯತೆ ಇದೆ’ ಎಂದು ಅಗ್ನಿಶಾಮಕ ಮುಖ್ಯಸ್ಥೆ ತೆರೆಸಾ ಡಿಲೋಚ್‌ ರೀಡ್‌ ತಿಳಿಸಿದ್ದಾರೆ.ಬೆಂಕಿಯನ್ನು ಇನ್ನೂ ಪೂರ್ಣವಾಗಿ ನಂದಿಸಲು ಸಾಧ್ಯವಾಗಿಲ್ಲ. ರಕ್ಷಣಾ ತಂಡ ಕಾರ್ಯಾಚರಣೆ ನಡೆಸುತ್ತಿದೆ ಎಂದು ಅವರು ಮಾಹಿತಿ ನೀಡಿದರು.
ಬೆಂಕಿ ಅವಘಡಕ್ಕೆ ನಿರ್ದಿಷ್ಟ ಕಾರಣ ತಿಳಿದುಬಂದಿಲ್ಲ. ಮೋಜಿನ ಕೂಟ ನಡೆಯುತ್ತಿದ್ದ ಕಟ್ಟಡದಲ್ಲಿ ಒಳ ಬರಲು ಮತ್ತು ಹೊರ ಹೋಗಲು ಸೂಕ್ತ ಬಾಗಿಲುಗಳು ಇರದ ಕಾರಣ ಜನರಿಗೆ ಸುಲಭವಾಗಿ ತಪ್ಪಿಸಿಕೊಳ್ಳಲು ಸಾಧ್ಯವಾಗಿಲ್ಲ ಎಂದು ಡಿಲೋಚ್‌ ತಿಳಿಸಿದರು.
