<p><strong>ಲಖನೌ: </strong>ಆತಿಥೇಯ ಭಾರತ ತಂಡ ಪುರುಷರ ಜೂನಿಯರ್ ವಿಶ್ವಕಪ್ ಹಾಕಿಯಲ್ಲಿ ಶನಿವಾರ ಇಂಗ್ಲೆಂಡ್ ತಂಡವನ್ನು ಮಣಿಸಿದೆ.<br /> ಹರ್ಜೀತ್ ಸಿಂಗ್ ಬಳಗ 5–3 ಗೋಲುಗಳಲ್ಲಿ ಇಂಗ್ಲೆಂಡ್ ತಂಡವನ್ನು ಸೋಲಿಸುವ ಮೂಲಕ ಕ್ವಾರ್ಟರ್ಫೈನಲ್ ಪ್ರವೇಶಿಸುವುದು ಬಹುತೇಕ ಖಚಿತವಾಗಿದೆ.<br /> <br /> ಪಂದ್ಯದ 10ನೇ ನಿಮಿಷದಲ್ಲಿ ಇಂಗ್ಲೆಂಡ್ ತಂಡ ಗೋಲು ದಾಖಲಿಸಿ ಭಾರತದ ಮೇಲೆ ಒತ್ತಡ ಹೇರಿತು. ಜಾಕ್ ಕ್ಲೀ ಪ್ರವಾಸಿ ತಂಡಕ್ಕೆ ಆರಂಭಿಕ ಗೋಲು ತಂದುಕೊಟ್ಟರು. ಮೊದಲರ್ಧದಲ್ಲಿ ಎರಡು ಗೋಲು ದಾಖಲಿಸಿದ ಭಾರತ 2–1ರ ಮುನ್ನಡೆ ಪಡೆಯಿತು.<br /> <br /> 24ನೇ ನಿಮಿಷದಲ್ಲಿ ಆತಿಥೇಯ ತಂಡದ ಪರ್ವಿಂದರ್ ಸಿಂಗ್ ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಗೋಲು ದಾಖಲಿಸಿ ಸಮಬಲ ಮಾಡಿಕೊಂಡರು. ಹರ್ಜೀತ್ ಸಿಂಗ್ ನೀಡಿದ ಪಾಸ್ ಅನ್ನು ಹಿಡಿತಕ್ಕೆ ಪಡೆದ ಅರ್ಮಾನ್ ಖುರೇಷಿ 35ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಸೇರಿಸಿದರು.<br /> <br /> ಎರಡು ನಿಮಿಷದ ಅಂತರದಲ್ಲಿ ಹರ್ಮನ್ಪ್ರೀತ್ ಸಿಂಗ್ ಇಂಗ್ಲೆಂಡ್ಗೆ ಮತ್ತೊಂದು ಆಘಾತ ನೀಡಿದರು. ಸಿಮ್ರನ್ಜೀತ್ ಸಿಂಗ್ (45ನೇ ನಿ.) ಹಾಗೂ ಡ್ರ್ಯಾಗ್ಫ್ಲಿಕರ್ ವರುಣ್ ಕುಮಾರ್ (59ನೇ ನಿ.) ಭಾರತದ ಗೋಲು ಪಟ್ಟಿಯನ್ನು ಹೆಚ್ಚಿಸಿದರು.<br /> <br /> ಭಾರತ ತಂಡ ಪೆನಾಲ್ಟಿ ಕಾರ್ನರ್ನಲ್ಲಿ ಐದನೇ ಗೋಲು ಗಳಿಸಿದಾಗ ಇಂಗ್ಲೆಂಡ್ ಒತ್ತಡಕ್ಕೆ ಒಳಗಾಯಿತು. 63ನೇ ನಿಮಿಷದಲ್ಲಿ ವಿಲ್ ಕಲ್ನಾನ್ಗೆ ಯಶಸ್ಸು ಸಿಕ್ಕಿತು. 67ನೇ ನಿಮಿಷದಲ್ಲಿ ಎಡ್ವರ್ಡ್ ಹೋರ್ಲರ್ ಇಂಗ್ಲೆಂಡ್ ತಂಡದ ಮೂರನೇ ಗೋಲು ದಾಖಲಿಸಿ ಸೋಲಿನ ಅಂತರ ತಗ್ಗಿಸಿದರು.<br /> <br /> ‘ಡಿ’ ಗುಂಪಿನಲ್ಲಿ ಭಾರತ ತಂಡ ಆರು ಪಾಯಿಂಟ್ಸ್ಗಳಿಂದ ಅಗ್ರಸ್ಥಾನದಲ್ಲಿದೆ. ಡಿಸೆಂಬರ್ 12ರಂದು ದಕ್ಷಿಣ ಆಫ್ರಿಕಾ ಎದುರು ಆಡಲಿದೆ.<br /> ಇಂಗ್ಲೆಂಡ್ ತಂಡ ಮೂರು ಪಾಯಿಂಟ್ಸ್ಗಳಿಂದ ಎರಡನೇ ಸ್ಥಾನದಲ್ಲಿದೆ. ‘ಡಿ’ ಗುಂಪಿನ ಮೊದಲ ಪಂದ್ಯದಲ್ಲಿ ಭಾರತ 4–0 ಗೋಲುಗಳಲ್ಲಿ ಕೆನಡಾ ಎದುರು ಜಯಗಳಿಸಿತ್ತು.<br /> *<br /> ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ನಾವು ಯಾವುದೇ ವಿಶೇಷವಾದ ತಂತ್ರಗಳನ್ನು ಬಳಸದೇ ಸರಳ ಹಾಕಿ ಆಡಿದೆವು. ಇದರಿಂದ ಗೆಲ್ಲಲು ಸಾಧ್ಯವಾಯಿತು’|<strong>ಹರ್ಜೀತ್ ಸಿಂಗ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಖನೌ: </strong>ಆತಿಥೇಯ ಭಾರತ ತಂಡ ಪುರುಷರ ಜೂನಿಯರ್ ವಿಶ್ವಕಪ್ ಹಾಕಿಯಲ್ಲಿ ಶನಿವಾರ ಇಂಗ್ಲೆಂಡ್ ತಂಡವನ್ನು ಮಣಿಸಿದೆ.<br /> ಹರ್ಜೀತ್ ಸಿಂಗ್ ಬಳಗ 5–3 ಗೋಲುಗಳಲ್ಲಿ ಇಂಗ್ಲೆಂಡ್ ತಂಡವನ್ನು ಸೋಲಿಸುವ ಮೂಲಕ ಕ್ವಾರ್ಟರ್ಫೈನಲ್ ಪ್ರವೇಶಿಸುವುದು ಬಹುತೇಕ ಖಚಿತವಾಗಿದೆ.<br /> <br /> ಪಂದ್ಯದ 10ನೇ ನಿಮಿಷದಲ್ಲಿ ಇಂಗ್ಲೆಂಡ್ ತಂಡ ಗೋಲು ದಾಖಲಿಸಿ ಭಾರತದ ಮೇಲೆ ಒತ್ತಡ ಹೇರಿತು. ಜಾಕ್ ಕ್ಲೀ ಪ್ರವಾಸಿ ತಂಡಕ್ಕೆ ಆರಂಭಿಕ ಗೋಲು ತಂದುಕೊಟ್ಟರು. ಮೊದಲರ್ಧದಲ್ಲಿ ಎರಡು ಗೋಲು ದಾಖಲಿಸಿದ ಭಾರತ 2–1ರ ಮುನ್ನಡೆ ಪಡೆಯಿತು.<br /> <br /> 24ನೇ ನಿಮಿಷದಲ್ಲಿ ಆತಿಥೇಯ ತಂಡದ ಪರ್ವಿಂದರ್ ಸಿಂಗ್ ಪೆನಾಲ್ಟಿ ಕಾರ್ನರ್ ಅವಕಾಶದಲ್ಲಿ ಗೋಲು ದಾಖಲಿಸಿ ಸಮಬಲ ಮಾಡಿಕೊಂಡರು. ಹರ್ಜೀತ್ ಸಿಂಗ್ ನೀಡಿದ ಪಾಸ್ ಅನ್ನು ಹಿಡಿತಕ್ಕೆ ಪಡೆದ ಅರ್ಮಾನ್ ಖುರೇಷಿ 35ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಸೇರಿಸಿದರು.<br /> <br /> ಎರಡು ನಿಮಿಷದ ಅಂತರದಲ್ಲಿ ಹರ್ಮನ್ಪ್ರೀತ್ ಸಿಂಗ್ ಇಂಗ್ಲೆಂಡ್ಗೆ ಮತ್ತೊಂದು ಆಘಾತ ನೀಡಿದರು. ಸಿಮ್ರನ್ಜೀತ್ ಸಿಂಗ್ (45ನೇ ನಿ.) ಹಾಗೂ ಡ್ರ್ಯಾಗ್ಫ್ಲಿಕರ್ ವರುಣ್ ಕುಮಾರ್ (59ನೇ ನಿ.) ಭಾರತದ ಗೋಲು ಪಟ್ಟಿಯನ್ನು ಹೆಚ್ಚಿಸಿದರು.<br /> <br /> ಭಾರತ ತಂಡ ಪೆನಾಲ್ಟಿ ಕಾರ್ನರ್ನಲ್ಲಿ ಐದನೇ ಗೋಲು ಗಳಿಸಿದಾಗ ಇಂಗ್ಲೆಂಡ್ ಒತ್ತಡಕ್ಕೆ ಒಳಗಾಯಿತು. 63ನೇ ನಿಮಿಷದಲ್ಲಿ ವಿಲ್ ಕಲ್ನಾನ್ಗೆ ಯಶಸ್ಸು ಸಿಕ್ಕಿತು. 67ನೇ ನಿಮಿಷದಲ್ಲಿ ಎಡ್ವರ್ಡ್ ಹೋರ್ಲರ್ ಇಂಗ್ಲೆಂಡ್ ತಂಡದ ಮೂರನೇ ಗೋಲು ದಾಖಲಿಸಿ ಸೋಲಿನ ಅಂತರ ತಗ್ಗಿಸಿದರು.<br /> <br /> ‘ಡಿ’ ಗುಂಪಿನಲ್ಲಿ ಭಾರತ ತಂಡ ಆರು ಪಾಯಿಂಟ್ಸ್ಗಳಿಂದ ಅಗ್ರಸ್ಥಾನದಲ್ಲಿದೆ. ಡಿಸೆಂಬರ್ 12ರಂದು ದಕ್ಷಿಣ ಆಫ್ರಿಕಾ ಎದುರು ಆಡಲಿದೆ.<br /> ಇಂಗ್ಲೆಂಡ್ ತಂಡ ಮೂರು ಪಾಯಿಂಟ್ಸ್ಗಳಿಂದ ಎರಡನೇ ಸ್ಥಾನದಲ್ಲಿದೆ. ‘ಡಿ’ ಗುಂಪಿನ ಮೊದಲ ಪಂದ್ಯದಲ್ಲಿ ಭಾರತ 4–0 ಗೋಲುಗಳಲ್ಲಿ ಕೆನಡಾ ಎದುರು ಜಯಗಳಿಸಿತ್ತು.<br /> *<br /> ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ನಾವು ಯಾವುದೇ ವಿಶೇಷವಾದ ತಂತ್ರಗಳನ್ನು ಬಳಸದೇ ಸರಳ ಹಾಕಿ ಆಡಿದೆವು. ಇದರಿಂದ ಗೆಲ್ಲಲು ಸಾಧ್ಯವಾಯಿತು’|<strong>ಹರ್ಜೀತ್ ಸಿಂಗ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
