1 ಅಟ್ಟಿಗೆ ₹ 1,000 ಬೆಲೆ

 

ಮಲ್ಲಿಗೆ ಇಳುವರಿ ಕಡಿಮೆ ಇರುವುದರಿಂದ ಮಾರುಕಟ್ಟೆಗೆ ಬರುವ ಮೊದಲು ದರ ನಿಗದಿ ಆಗುತ್ತಿದ್ದು, ಮಾರುಕಟ್ಟೆಗಳಲ್ಲಿ ಉಡುಪಿ ಮಲ್ಲಿಗೆ ಕಡಿಮೆ ಆಗಿದೆ. ಹೆಚ್ಚಿನ ಧಾರಣೆ ಕಾರಣಕ್ಕೆ ಉಡುಪಿ, ಮಂಗಳೂರು ಮಾರುಕಟ್ಟೆಗಳಲ್ಲಿ ಮಲ್ಲಿಗೆ ಧಾರಣೆ ಮತ್ತಷ್ಟು ಹೆಚ್ಚಿದೆ. ಮದುವೆ, ಶುಭ ಸಮಾರಂಭಗಳಿಗೆ ಮಲ್ಲಿಗೆ ಸಿಗದಂತಹ ಪರಿಸ್ಥಿತಿ ಇದೆ. ಚಳಿ ಹೆಚ್ಚಿರುವ ಕಾರಣ ಗಿಡಗಳಲ್ಲಿ ಸಾಕಷ್ಟು ಹೂ ಅರಳುತ್ತಿಲ್ಲ ಎಂಬ ಆತಂಕ ರೈತರನ್ನು ಕಾಡುತ್ತಿದೆ. 

 

ಅಟ್ಟಿಗೆ ₹ 820 ಬೆಲೆ ಇದ್ದರೂ ಗ್ರಾಹಕರು ನೇರವಾಗಿ ಮಾರುಕಟ್ಟೆಗೆ ಹೋಗುವುದರಿಂದ ಬೇಡಿಕೆ ಹೆಚ್ಚಿದೆ. ಮಾರುಕಟ್ಟೆಗಳಲ್ಲಿ ಒಂದು ದೊಡ್ಡ ಅಟ್ಟಿ ಮಲ್ಲಿಗೆ ₹1,200 ಕ್ಕೂ ಹೆಚ್ಚು ಬೆಲೆಗೆ  ಮಾರಾಟವಾಗುತ್ತಿದೆ. ಸಣ್ಣ ಅಟ್ಟಿಗೆ ₹ 8,00ಕ್ಕೆ ಮಾರಾಟ ಆಗುತ್ತಿದೆ. ಕಳೆದ ವರ್ಷ ನವರಾತ್ರಿ ಹಬ್ಬಕ್ಕೆ 1 ಅಟ್ಟಿಗೆ ಮಲ್ಲಿಗೆ ಬೆಲೆ 

₹ 2 ಸಾವಿರ ಆಗಿತ್ತು. 

 

ಉಡುಪಿ ಮಲ್ಲಿಗೆ ಬೆಳೆಯುವ ಶಂಕರಪುರ, ಶಿರ್ವ, ಬೆಳ್ಮಣ್ ಪ್ರದೇಶದ ಮಲ್ಲಿಗೆ ತೋಟಗಳಲ್ಲಿ ಇಳುವರಿ ಕಡಿಮೆ ಇರುವುದರಿಂದ ದರ ಏರಿದೆ. ಮಂಗಳೂರು, ಮುಂಬೈ ಮಾರುಕಟ್ಟೆಗಳಿಂದ ಮಲ್ಲಿಗೆಗೆ ಬೇಡಿಕೆ ಇದ್ದರೂ ಪೂರೈಕೆ ಸಾಧ್ಯವಾಗುತ್ತಿಲ್ಲ ಎಂದು ರೈತರು ತಿಳಿಸಿದರು.

 

ಉತ್ತಮ ಬೆಲೆ ಇದೆ. ಆದರೆ ಇಳುವರಿ ಕಡಿಮೆ ಇದೆ. ಮಾರಾಟಗಾರರಿಗೆ ಹೂ ಸಿಗುತ್ತಿಲ್ಲ.  ಶಂಕರಪುರದಲ್ಲಿ ಕೃಷಿಕರಿಗೆ ಅಟ್ಟಿಯೊಂದಕ್ಕೆ ₹820 ಬೆಲೆ ಸಿಗುತ್ತಿದೆ. ಈ ಹಿಂದೆ ಅಟ್ಟಿಗೆ ₹220 ರಿಂದ ₹420ರ ಬೆಲೆ ಸಿಗುತ್ತಿತ್ತು. ಬರುವ ದಿನಗಳಲ್ಲಿ ಇಳುವರಿ ಹೆಚ್ಚಾಗಬಹುದು ಎಂದು ಕೃಷಿಕ ರೋನಾಲ್ಡ್ ಕೆಸ್ತೊಲಿನೊ ಹೇಳಿದರು.

 

**