ಕುಡಿಯುವ ನೀರಿಗೆ ₹ 3 ಕೋಟಿ ಮೀಸಲು

 

ಪಟ್ಟಣ ಕಚೇರಿಯಲ್ಲಿ ಅಧ್ಯಕ್ಷೆ ನೀಲಮ್ಮ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಉಪಾಧ್ಯಕ್ಷ ಎಸ್. ಕೃಷ್ಣಮೂರ್ತಿ ಅವರು ₹ 17.21 ಲಕ್ಷ ಉಳಿತಾಯ ಬಜೆಟ್‌ ಮಂಡಿಸಿದರು. 

 

ಆದಾಯದ ಮೂಲ: ಸ್ವಯಂ ಘೋಷಿತ ಆಸ್ತಿ ತೆರಿಗೆಯಿಂದ ₹ 22 ಲಕ್ಷ, ನೀರಿನ ತೆರಿಗೆಯಿಂದ ₹ 5.50 ಲಕ್ಷ, ವಾಣಿಜ್ಯ ಸಂಕೀರ್ಣಗಳ ಬಾಡಿಗೆ ₹ 4.30 ಲಕ್ಷ, ಉದ್ದಿಮೆ ಪರವಾನಗಿ ಶುಲ್ಕ ₹ 2.50 ಲಕ್ಷ, ಕಟ್ಟಡ ಪರವಾನಗಿ ಶುಲ್ಕ ₹ 1 ಲಕ್ಷ, ವಾರ್ಷಿಕ ಹರಾಜು ಬಾಬ್ತು ₹ 5 ಲಕ್ಷ, ಜಾಹೀರಾತು ತೆರಿಗೆ ₹ 20 ಸಾವಿರ ಸೇರಿದಂತೆ ಎಲ್ಲಾ ಆದಾಯದ ಮೂಲಗಳಿಂದ ₹ 40.50 ಲಕ್ಷ ಆದಾಯ ನಿರೀಕ್ಷಿಸಲಾಗಿದೆ.

 

ಸರ್ಕಾರದ ಅನುದಾನ: ಎಸ್‌.ಎಫ್‌.ಸಿ ಯೋಜನೆಯ ಅನುದಾನ ₹ 2 ಕೋಟಿ, ಸ್ಟಾಂಪ್‌ಡ್ಯೂಟಿ ₹ 2 ಲಕ್ಷ, ಎಸ್‌.ಎಫ್‌.ಸಿ ವೇತನ ಅನುದಾನ ₹ 10 ಲಕ್ಷ, 14ನೇ ಹಣಕಾಸು ಯೋಜನೆ ₹ 50 ಲಕ್ಷ, ನಗರೋತ್ಥಾನದ ಅನುದಾನ ₹ 5 ಕೋಟಿ ಸೇರಿದಂತೆ ಒಟ್ಟು ₹ 7.82 ಕೋಟಿ ಆದಾಯವನ್ನು ನಿರೀಕ್ಷಿಸಲಾಗಿದೆ. 

 

ಯೋಜನೆಗಳ ವಿವರ: ಕುಡಿಯುವ ನೀರಿನ ಸಮಸ್ಯೆಗೆ ಶಾಶ್ವತ ಪರಿಹಾರಕ್ಕಾಗಿ ನಗರೋತ್ಥಾನ ಯೋಜನೆಯ ಅನುದಾನದಲ್ಲಿ ₹ 3 ಕೋಟಿ ಹಣವನ್ನು ಮೀಸಲಿಡಲಾಗಿದೆ. ಪಟ್ಟಣ ಹಾಗೂ ಅದರ ವ್ಯಾಪ್ತಿಯ ಎಲ್ಲಾ ಗ್ರಾಮಗಳ ರಸ್ತೆಗಳ ಅಭಿವೃದ್ಧಿಗೆ ₹1 ಕೋಟಿ, ನೂತನ ಚರಂಡಿ ವ್ಯವಸ್ಥೆ ಹಾಗೂ ಸ್ವಚ್ಛತೆ ನಿರ್ವಹಣೆಗೆ ₹ 1 ಕೋಟಿ, ನೂತನ ಉದ್ಯಾನವನ ನಿರ್ಮಾಣ ಮತ್ತು ಅಭಿವೃದ್ಧಿಗೆ ₹ 10 ಲಕ್ಷ, ಪ್ರಾಯೋಗಿಕ

ವಾಗಿ ಹೈಟೆಕ್‌ ಶೌಚಾಲಯ ನಿರ್ಮಾಣಕ್ಕೆ ₹ 15 ಲಕ್ಷ, ನಾಗರಿಕರಿಗೆ ವಿಶ್ರಾಂತಿ ಪಡೆಯಲು ಸಿಮೆಂಟ್‌ ಬೆಂಚ್‌ಗಳ ನಿರ್ಮಾಣಕ್ಕಾಗಿ ₹ 15 ಲಕ್ಷ, ಶೇ. 24.10 ರ ಯೋಜನೆಯಿಂದ ₹ 48.20 ಲಕ್ಷ, ಶೇ 7.25ರ ಯೋಜನೆಯಡಿ ₹ 14 ಲಕ್ಷ, ಅಂಗವಿಕಲರ ಕಲ್ಯಾಣ ಯೋಜನೆಯಡಿ ₹ 6 ಲಕ್ಷ ಮೀಸಲಿಡಲಾಗಿದೆ ಎಂದು ಎಸ್.ಕೃಷ್ಣಮೂರ್ತಿ ಮಾಹಿತಿ ನೀಡಿದರು.

 

ಸ್ಥಾಯಿ ಸಮಿತಿ ಅಧ್ಯಕ್ಷ ಎನ್. ಮಹಾಂತಣ್ಣ, ಸದಸ್ಯರು, ನಾಮ ನಿರ್ದೇಶನ ಸದಸ್ಯರು, ಮುಖ್ಯಾಧಿಕಾರಿ ಟಿ.ಜಯಪ್ಪ ಸಭೆಯಲ್ಲಿ ಪಾಲ್ಗೊಂಡಿದ್ದರು.

 

*