ನವದೆಹಲಿ: ದೂರಸಂಪರ್ಕ ಕ್ಷೇತ್ರದಲ್ಲಿ ಆರಂಭವಾಗಿರುವ ದರ ಸಮರ ಎದುರಿಸಲು ಐಡಿಯಾ ಸೆಲ್ಯುಲರ್‌, 1ಜಿ.ಬಿ ಹಾಗೂ ಅದಕ್ಕೂ ಹೆಚ್ಚಿನ ಡೇಟಾ ರೀಚಾರ್ಜ್‌ಗೆ ಏಕರೂಪ ಶುಲ್ಕ ವಿಧಿಸುವುದಾಗಿ ಹೇಳಿದೆ.
ಮಾರ್ಚ್ 31ರಿಂದ ಹೊಸ ಪರಿಷ್ಕೃತ ದರಗಳು ಜಾರಿಗೆ ಬರಲಿದ್ದು ಐಡಿಯಾದ 2ಜಿ, 3ಜಿ ಮತ್ತು 4ಜಿ ಸೇವೆಗಳ ಎಲ್ಲ ಡೇಟಾಗಳ ಶುಲ್ಕದಲ್ಲಿ ಯಾವುದೇ ವ್ಯತ್ಯಾಸ ಇರುವುದಿಲ್ಲ ಎಂದು ಕಂಪೆನಿಯ ಪ್ರಕಟಣೆ ತಿಳಿಸಿದೆ.
ಸದ್ಯ 1ಜಿ.ಬಿ, 2ಜಿ.ಬಿ ಹೀಗೆ ವಿವಿಧ ಇಂಟರ್‌ನೆಟ್‌ ಡೇಟಾಗಳ ಆಯ್ಕೆಗೆ ಅನುಸಾರವಾಗಿ ವಿಭಿನ್ನ ಶುಲ್ಕ ವಿಧಿಸಲಾಗುತ್ತಿದೆ.
