ರೈತರ ಬೇಡಿಕೆಗೆ ಸಿಎಂ, ಪಿಎಂ ಸ್ಪಂದಿಸಲಿ

ಮುಖಾಮುಖಿ ಭೇಟಿ ಮಾಡಬೇಕು. ಪ್ರಧಾನಿ ದೆಹಲಿ ಯಲ್ಲಿಯೇ ಮೂರು ರಾಜ್ಯಗಳ ಮುಖ್ಯ ಮಂತ್ರಿಗಳ ಸಭೆ ನಡೆಸಿ ತಾವೇ ಮಧ್ಯ ಪ್ರವೇಶಿಸಬೇಕು, ನ್ಯಾಯಮಂಡಳಿ ಸಲಹೆ ಪ್ರಧಾನಿ ಮೂಲಕ ಸಾಕಾರಗೊಳ್ಳಬೇಕು ಎಂದು ಹೇಳಿದರು. 

ಹೋರಾಟ ಸಮಿತಿ ಸದಸ್ಯೆ ಅನಸವ್ವ ಶಿಂಧೆ ಮಾತನಾಡಿ ರೈತರ ಸಂಕಷ್ಟ ಅರಿಯದ ಸರ್ಕಾರಗಳು ಇದ್ದು ಸತ್ತಂತೆ, ಅವುಗಳಿಗೆ ರೈತರ ಉದ್ಧಾರ ಬೇಕಿಲ್ಲ. ಮತಗಳಷ್ಟೇ ಸಾಕು. ಇವರ ಮೂಲಕ  ಕಂಡ ಕನಸು ನುಚ್ಚು ನೂರಾಗಿದೆ.ಮತ್ತೇ ಇವರಿಗೆ ಒಣಕೆ,  ಪೊರಕೆ  ಚಳವಳಿ ಬೇಕಾಗಿದೆ. ಮಹಿಳೆಯರು ಹೋರಾಟಕ್ಕೆ ಒಗ್ಗಟ್ಟಿನಿಂದ ಬೆಂಬಲಿಸಬೇಕೆಂದರು.

ಧರಣಿಯಲ್ಲಿ  ಎಸ್‌.ಬಿ.ಜೋಗಣ್ಣ ವರ, ಚಂದ್ರಗೌಡ ಪಾಟೀಲ,  ವೆಂಕಪ್ಪ ಹುಜರತ್ತಿ, ಪುಂಡಲೀಕ ಯಾದವ,  ಭೀಮಪ್ಪ ದಿವಟಗಿ,  ಚನ್ನಬಸವ್ವ ಆಯಟ್ಟಿ, ಮೈಲಾರಪ್ಪ ಬಾಗೂರು, ಗಿರಿಜವ್ವ ಕುಂಬಾರ, ಗಂಗವ್ವ ಇದ್ದರು.

ಕಪ್ಪತಗುಡ್ಡ ಹೋರಾಟ: ತಿಮ್ಮಕ್ಕ ಬೆಂಬಲ
ಸಿಂದಗಿ: ‘ಉತ್ತರ ಕರ್ನಾಟಕದ ಸಸ್ಯಕಾಶಿ ಕಪ್ಪತಗುಡ್ಡ ಪರಿಸರ ಸಂರಕ್ಷಣೆಗಾಗಿ ನಡೆಯುತ್ತಿರುವ ಹೋರಾಟಕ್ಕೆ ನನ್ನ ಸಂಪೂರ್ಣ ಬೆಂಬಲವಿದೆ’ ಎಂದು ಸಾಲು ಮರದ ತಿಮ್ಮಕ್ಕ ಹೇಳಿದರು.

ಬುಧವಾರ ಸಿಂದಗಿಯಲ್ಲಿ ಸುದ್ದಿಗಾ ರರ ಜತೆಗೆ ಮಾತನಾಡಿದ ಅವರು, ‘ಸರ್ಕಾರ ಕಪ್ಪತಗುಡ್ಡ ವಿಷಯವಾಗಿ ಜವಾಬ್ದಾರಿ ನಡೆ ಇಡುತ್ತಿಲ್ಲ. ಕಪ್ಪತಗುಡ್ಡ ನೈಸರ್ಗಿಕ ಸಸ್ಯ ಸಂಪತ್ತು ಹೊಂದಿದ್ದು, ಅಲ್ಲಿ ಚಿನ್ನದ ಅದಿರು ಗಣಿಗಾರಿಕೆಗೆ ಸರ್ಕಾರ ಮುಂದಾಗಿರುವುದು ಸರಿಯಲ್ಲ.

ಇದನ್ನು ಸಂರಕ್ಷಿಸಲು ಗದಗ ತೋಂಟದ ಡಾ.ಸಿದ್ಧಲಿಂಗ ಸ್ವಾಮೀಜಿ ನಡೆಸುತ್ತಿರುವ ಹೋರಾಟಕ್ಕೆ ಸಂಪೂರ್ಣ ಬೆಂಬಲವಿದೆ. ಆರೋಗ್ಯ ಸರಿಯಲ್ಲದ ಕಾರಣ ಹೋರಾ ಟದಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳಲು ಆಗುತ್ತಿಲ್ಲ’ ಎಂದು ತಿಳಿಸಿದರು.

‘ವಿವಿಧೆಡೆ ಅರಣ್ಯಕ್ಕೆ ಬೆಂಕಿ ಬೀಳು ತ್ತಿದೆ. ಅರಣ್ಯ ಸಚಿವ ರಮಾನಾಥ ರೈ ಅವರು ಸಂಪೂರ್ಣ ವಿಫಲರಾಗಿದ್ದಾರೆ’ ಎಂದು ಅವರು ದೂರಿದರು. ಉತ್ತರ ಕರ್ನಾಟಕ ಪ್ರತ್ಯೇಕ ರಾಜ್ಯದ ಕೂಗು ಹಾಕುವ ಸಂಘಟನೆಗಳು ಕಪ್ಪತಗುಡ್ಡ ಸಂರಕ್ಷಣೆಗೆ ಮುಂದಾಗಬೇಕು ಎಂದರು.