‘ನೋಟು ರದ್ದತಿ: ವಿಚಾರ ಸ್ವಾರ್ಥಕ್ಕೆ ಬಳಕೆ ಸರಿಯಲ್ಲ’

ನಗರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಐಕ್ಯೂಎಸಿ, ವಾಣಿಜ್ಯ ಹಾಗೂ ನಿರ್ವಹಣಶಾಸ್ತ್ರ ಮತ್ತು ಅರ್ಥಶಾಸ್ತ್ರ ವಿಭಾಗದಿಂದ ಇತ್ತೀಚೆಗೆ ಆಯೋಜಿಸಲ್ಪಟ್ಟ ಉದ್ಯಮಗಳ ಮೇಲೆ ನೋಟು ರದ್ದತಿ ಪರಿಣಾಮಗಳು–ಸಮಸ್ಯೆಗಳು ಮತ್ತು ಸವಾಲುಗಳು ಕುರಿತ ರಾಷ್ಟ್ರಮಟ್ಟದ ಕಾರ್ಯಾಗಾರ ಉದ್ಘಾಟಿಸಿ ಅವರು ಮಾತನಾಡಿದರು.‘ಇತ್ತೀಚಿನ ನೋಟು ರದ್ದತಿ ಸಂದ­ರ್ಭ­ದಲ್ಲಿ ಉದ್ದಿಮೆದಾರರು ಭಾರಿ ನಷ್ಟ ಅನುಭವಿಸಿದರು. ರೈತರು ಹಾಗೂ ಶ್ರೀಸಾಮಾನ್ಯರು ತಮ್ಮ ದಿನನಿತ್ಯದ ಕೆಲಸಗಳು ಹಾಗೂ ಮಕ್ಕಳ ಮದುವೆ–ಮುಂಜಿವೆ ಮಾಡಲು ಅತೀವ ಸಂಕಷ್ಟ ಅನುಭವಿಸವಂತಾಯಿತು’ ಎಂದು ದೂರಿದರು.

‘ಭಾರತದಲ್ಲಿ ಈ ಹಿಂದೆ ಅನೇಕ ಸಲ ಅನಾಣ್ಯೀಕರಣ ಮಾಡಲಾಗಿತ್ತು, ಆ ಸಂದರ್ಭಗಳಲ್ಲಿ ಯಾರೊಬ್ಬರಿಗೂ ತೊಂದರೆಯಾಗಲಿಲ್ಲ. ನೋಟು ರದ್ದತಿ ಸಂದರ್ಭದಲ್ಲಿ ಉದ್ಯಮಿಗಳು ತುಂಬಾ ನಷ್ಟ ಅನುಭವಿಸುವಂತಾಯಿತು. ದೇಶದ ಹಿತದೃಷ್ಟಿಯಿಂದ ಮಾಡುವ ಒಳ್ಳೆಯ ಕೆಲಸಗಳನ್ನು ಪಕ್ಷಾತೀತವಾಗಿ ಮೆಚ್ಚುಗೆ ವ್ಯಕ್ತಪಡಿಸೋಣ ಆದರೆ ಅನುಕೂಲ­ಕ್ಕಿಂತ ಅನಾನುಕೂಲಗಳೇ ಹೆಚ್ಚಾದಾಗ ಪ್ರಶ್ನಿಸುವ ಅಧಿಕಾರ ಎಲ್ಲರಿಗಿದೆ’ ಎಂದರು.

ಬಿಎಜೆಎಸ್‌ಎಸ್ ಸಮೂಹ ಸಂಸ್ಥೆಗಳ ಆಡಳಿತಾಧಿಕಾರಿ ಡಾ. ಆರ್.ಎಂ. ಕುಬೇರಪ್ಪ ಮಾತನಾಡಿ, ‘ಭ್ರಷ್ಟಾಚಾರ, ನಕಲಿ ನೋಟು ಚಲಾವಣೆಯಂತಹ ಸಮಸ್ಯೆ ಪರಿಹರಿಸಲು ಅನಾಣ್ಯೀಕರಣ ಅಗತ್ಯ ಎಂದು ಡಾ.ಅಂಬೇಡ್ಕರ್ ಸೇರಿದಂತೆ ಅನೇಕ ಆರ್ಥಿಕ ತಜ್ಞರು ಸಲಹೆ ನೀಡಿದ್ದಾರೆ’ ಎಂದು ಹೇಳಿದರು.ಹಂಸಭಾವಿ ಎಂಎಎಸ್‌ಸಿ ಕಾಲೇಜಿನ ನಿವೃತ್ತ ಪ್ರಾಚಾರ್ಯ ಪ್ರೊ. ಡಿ.ಎಲ್. ಏಕಬೋಟೆ ಉಪನ್ಯಾಸ ನೀಡಿದರು.ಪ್ರಾಚಾರ್ಯ ಎಲ್.ವಿ. ಸಂಗಳದ ಅಧ್ಯಕ್ಷತೆ ವಹಿಸಿದ್ದರು. ಎಸ್.ಎಂ. ಸೀತಾಳದ ಸ್ವಾಗತಿಸಿ­ದರು. ಬಸವರಾಜಪ್ಪ ಪಿ.ಟಿ. ಪರಿಚಯಿಸಿದರು. ಡಾ. ರವಿ ಬಿ. ಪ್ರಾಸ್ತಾವಿಕವಾಗಿ ಮಾತನಾಡಿದರು. ವಿ.ಬಿ. ಕುಂಬಾರ ನಿರೂಪಿಸಿದರು. ಬಸವರಾಜ ಹುಗ್ಗಿ ವಂದಿಸಿದರು.