ಬೆಂಗಳೂರು: ‘ಬಾಹುಬಲಿ-2’ ಚಿತ್ರದ ಕೆಲ ದೃಶ್ಯಗಳು ಆನ್ಲೈನ್ನಲ್ಲಿ ಸೋರಿಕೆಯಾಗಿವೆ. ಅಲ್ಲದೆ, ಚಿತ್ರದ ಬಹುಪಾಲು ದೃಶ್ಯಗಳು ಫೇಸ್ಬುಕ್ನಲ್ಲಿ ಲೈವ್ ಆಗಿವೆ.
ದೇಶದಾದ್ಯಂತ ಶುಕ್ರವಾರ (ಏ.28) ತೆರೆಕಂಡಿರುವ ‘ಬಾಹುಬಲಿ-2’ ಚಿತ್ರ ಅರಬ್ ರಾಷ್ಟ್ರಗಳಲ್ಲಿ ಗುರುವಾರವೇ ತೆರೆ ಕಂಡಿತ್ತು.
ಕುವೈತ್ನಲ್ಲಿ ಸಿನಿಮಾ ವೀಕ್ಷಿಸಿದ ಪ್ರೇಕ್ಷಕರೊಬ್ಬರು ಸುಮಾರು 50 ನಿಮಿಷಗಳ ಕಾಲ ಫೇಸ್ಬುಕ್ನಲ್ಲಿ ಚಿತ್ರವನ್ನು ಲೈವ್ ಮಾಡಿದ್ದಾರೆ.
ಈ ಲೈವ್ ವಿಡಿಯೊವನ್ನು ಸುಮಾರು 20 ಸಾವಿರಕ್ಕಿಂತಲೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ ಎನ್ನಲಾಗಿದೆ. ಸದ್ಯ ಈ ವಿಡಿಯೊ ಲಿಂಕ್ ಅನ್ನು ತೆಗೆದುಹಾಕಲಾಗಿದೆ.
ವಾಟ್ಸ್ಆ್ಯಪ್ನಲ್ಲೂ ಹರಿದಾಡಿದ ತುಣುಕುಗಳು: ಚಿತ್ರದ ದೃಶ್ಯಗಳ ತುಣುಕುಗಳು ಸಾಮಾಜಿಕ ಜಾಲತಾಣ ವಾಟ್ಸ್ಆ್ಯಪ್ನಲ್ಲೂ ಹರಿದಾಡುತ್ತಿವೆ. ಉರ್ದು ಮತ್ತು ಇಂಗ್ಲಿಷ್ ಉಪಶೀರ್ಷಿಕೆ ಇರುವ ದೃಶ್ಯಗಳ ತುಣುಕುಗಳು ವಾಟ್ಸ್ಆ್ಯಪ್ನಲ್ಲಿ ಹರಿದಾಡುತ್ತಿವೆ. ಈ ತುಣುಕುಗಳು ಕೂಡಾ ಅರಬ್ ರಾಷ್ಟ್ರಗಳಿಂದ ಸೋರಿಕೆಯಾಗಿರಬಹುದು ಎನ್ನಲಾಗಿದೆ.