<p><strong>ನವದೆಹಲಿ:</strong> ದೇಶದಲ್ಲೇ ಕರ್ನಾಟಕ ದಲ್ಲಿ ಅತ್ಯಂತ ಹೆಚ್ಚು ಆನೆಗಳಿವೆ ಎಂದು ಪರಿಸರ ಸಚಿವಾಲಯ ನಡೆಸಿರುವ ಹೊಸ ಗಣತಿ ವರದಿ ಹೇಳಿದೆ.<br /> <br /> ಕರ್ನಾಟಕದ ಕಾಡುಗಳಲ್ಲಿ 6,049 ಗಜಗಳು ಆಶ್ರಯ ಪಡೆದಿವೆ. ಅಸ್ಸಾಂ ಮತ್ತು ಕೇರಳ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿವೆ. ರಾಜ್ಯದ ಸಂರಕ್ಷಿತ ಅರಣ್ಯಗಳಾದ ನಾಗರಹೊಳೆ, ಭದ್ರಾ ಮತ್ತು ಬಂಡೀಪುರಗಳಲ್ಲಿ ಅತ್ಯಂತ ಹೆಚ್ಚು ಆನೆಗಳಿವೆ ಎಂದು ಸಮೀಕ್ಷೆ ವಿವರಿಸಿದೆ.<br /> <br /> ಗಣತಿ ವರದಿಯನ್ನು ಶನಿವಾರ ಬಿಡುಗಡೆ ಮಾಡಲಾಗಿದೆ ಆದರೆ, 2012ರ ಅಂಕಿ ಅಂಶಗಳಿಗೆ ಹೋಲಿಸಿದರೆ ಈಗ ದೇಶದಲ್ಲಿರುವ ಆನೆಗಳ ಸಂಖ್ಯೆಯಲ್ಲಿ ಇಳಿಮುಖವಾಗಿದೆ. ಎರಡೂ ಗಣತಿ<br /> ಗಳಲ್ಲಿ ಬೇರೆ ವಿಧಾನಗಳನ್ನು ಅನುಸರಿಸಿರುವುದರಿಂದ ಈ ರೀತಿ ಆಗಿದೆ ಎಂದು ಹೇಳಲಾಗುತ್ತಿದೆ.<br /> <br /> 2012ರ ಗಣತಿ ಪ್ರಕಾರ ದೇಶದಲ್ಲಿ 29,391–30,711ರಷ್ಟು ಆನೆಗಳಿವೆ ಎಂದು ಅಂದಾಜಿಸಲಾಗಿತ್ತು. ಆದರೆ, ಇದರಲ್ಲಿ ಲೋಪಗಳಾಗಿರುವ ಸಾಧ್ಯತೆ ಇದೆ ಎಂದು ತಜ್ಞರು ಈಗ ಹೇಳುತ್ತಿದ್ದಾರೆ.<br /> <br /> ‘2012ರ ಅಂಕಿ ಅಂಶಗಳಿಗೆ ಹೋಲಿಸಿ ನೋಡಿದರೆ, ಆನೆಗಳ ಸಂಖ್ಯೆ ಸ್ಥಿರವಾಗಿದೆ ಎಂದು ನಾನು ಹೇಳುತ್ತೇನೆ’ ಎಂದು ಹೊಸ ಗಣತಿ ವರದಿ ಸಿದ್ಧಪಡಿಸುವಲ್ಲಿ ತಾಂತ್ರಿಕ ನೆರವು ನೀಡಿರುವ ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆಯ ಪ್ರಾಧ್ಯಾಪಕ ರಮಣ್ ಸುಕುಮಾರ್ ಹೇಳಿದ್ದಾರೆ.<br /> <br /> <strong>ಎಲ್ಲೆಲ್ಲಿ ಸಮೀಕ್ಷೆ:</strong> ಕರ್ನಾಟಕದ 33 ಅರಣ್ಯ ವಿಭಾಗಗಳ 645 ಬ್ಲಾಕ್ಗಳಲ್ಲಿ ಕಳೆದ ವರ್ಷ ಗಣತಿ ಆರಂಭಿಸಲಾಗಿತ್ತು. ಪ್ರತಿ ಚದರ ಕಿ.ಮೀಗೆ ಆನೆಗಳ ಸಾಂದ್ರತೆ 0.67ರಷ್ಟಿದೆ. 8976<br /> ಚದರ ಕಿ.ಮೀ ವ್ಯಾಪ್ತಿಯಲ್ಲಿ ಆನೆಗಳಿವೆ ಎಂದು ಅಂದಾಜಿಸಲಾಗಿದೆ. ಈ ಅಂದಾಜಿನ ಆಧಾರದಲ್ಲಿ ರಾಜ್ಯದಲ್ಲಿ 6,049 ಆನೆಗಳಿವೆ ಎಂದು ಲೆಕ್ಕ ಹಾಕಲಾಗಿದೆ.<br /> <br /> <strong>ಅಳಿವಿನಂಚಿನಲ್ಲಿ:</strong> ಪರಿಸರ ಸಂರಕ್ಷಣೆಯ ಅಂತರರಾಷ್ಟ್ರೀಯ ಒಕ್ಕೂಟದ (ಐಯುಸಿಎನ್) ಪ್ರಕಾರ, ಏಷ್ಯಾದ ಆನೆಗಳು ಅಳಿವಿನಂಚಿನಲ್ಲಿವೆ. ಅದು ಸಿದ್ಧಪಡಿಸಿರುವ ಅಳಿವಿನಂಚಿನಲ್ಲಿರುವ ಪ್ರಾಣಿಗಳ ಪಟ್ಟಿಯಲ್ಲಿ ಈ ಆನೆಗಳೂ ಇವೆ.<br /> *<br /> <strong>101 ಆನೆದಾರಿಗಳು</strong><br /> ದೇಶದಲ್ಲಿ 101 ಆನೆ ಕಾರಿಡಾರ್ಗಳಿವೆ (ಆನೆ ದಾರಿ). 2010ರಲ್ಲಿ ಆನೆ ಕಾರ್ಯ ಪಡೆ ವರದಿ ಬಂದ ನಂತರ ಏಳು ವರ್ಷಗಳಲ್ಲಿ ಕಾರಿಡಾರ್ಗಳ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ. 201ರ ವರದಿಯು 88 ಕಾರಿಡಾರ್ಗಳನ್ನು ಗುರುತಿಸಿತ್ತು (27 ಮೊದಲ ಆದ್ಯತೆಯ ಮತ್ತು 61 ಎರಡನೇ ಆದ್ಯತೆ). ಈ ಪೈಕಿ ಏಳು ಕಾರಿಡಾರ್ಗಳಲ್ಲಿ ಆನೆಗಳು ಸಂಚರಿಸುತ್ತಿಲ್ಲ. 18 ರಿಂದ 20ರಷ್ಟು ಹೊಸ ಕಾರಿಡಾರ್ಗಳನ್ನು ಅವು ಬಳಸುತ್ತಿವೆ.</p>.<p>*<br /> <strong>ಯಾವ ರಾಜ್ಯದಲ್ಲಿ ಎಷ್ಟು?</strong></p>.<p>ಕರ್ನಾಟಕ <strong> 6,049</strong></p>.<p>ಅಸ್ಸಾಂ <strong>5,719</strong></p>.<p>ಕೇರಳ <strong> 3,054</strong></p>.<p>ತಮಿಳುನಾಡು<strong> 2,761</strong></p>.<p>ಒಡಿಶಾ <strong>1,976</strong></p>.<p>ಉತ್ತರಾಖಂಡ <strong>1,839</strong></p>.<p>ಮೇಘಾಲಯ<strong> 1,754</strong></p>.<p>ಅರುಣಾಚಲ ಪ್ರದೇಶ <strong>1,614</strong></p>.<p>ಪಶ್ಚಿಮ ಬಂಗಾಳ<strong> 682</strong></p>.<p>ಜಾರ್ಖಂಡ್ <strong>679</strong><br /> *<br /> ಮಾನವ–ಪ್ರಾಣಿ ಸಂಘರ್ಷಕ್ಕೆ ಅಂತ್ಯ ಹಾಡಲು ಪ್ರಯತ್ನಿಸಲೇ ಬೇಕು. ಆನೆಗಳು ಮತ್ತು ಇತರ ವನ್ಯಜೀವಿಗಳನ್ನು ಬೇಟೆಯಾಡುವವರ ವಿರುದ್ಧ ಯುದ್ಧ ಸಾರಲೇಬೇಕಿದೆ.<br /> <strong>ಹರ್ಷವರ್ಧನ್</strong><br /> ಕೇಂದ್ರ ಪರಿಸರ ಸಚಿವ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ದೇಶದಲ್ಲೇ ಕರ್ನಾಟಕ ದಲ್ಲಿ ಅತ್ಯಂತ ಹೆಚ್ಚು ಆನೆಗಳಿವೆ ಎಂದು ಪರಿಸರ ಸಚಿವಾಲಯ ನಡೆಸಿರುವ ಹೊಸ ಗಣತಿ ವರದಿ ಹೇಳಿದೆ.<br /> <br /> ಕರ್ನಾಟಕದ ಕಾಡುಗಳಲ್ಲಿ 6,049 ಗಜಗಳು ಆಶ್ರಯ ಪಡೆದಿವೆ. ಅಸ್ಸಾಂ ಮತ್ತು ಕೇರಳ ಕ್ರಮವಾಗಿ ಎರಡು ಮತ್ತು ಮೂರನೇ ಸ್ಥಾನದಲ್ಲಿವೆ. ರಾಜ್ಯದ ಸಂರಕ್ಷಿತ ಅರಣ್ಯಗಳಾದ ನಾಗರಹೊಳೆ, ಭದ್ರಾ ಮತ್ತು ಬಂಡೀಪುರಗಳಲ್ಲಿ ಅತ್ಯಂತ ಹೆಚ್ಚು ಆನೆಗಳಿವೆ ಎಂದು ಸಮೀಕ್ಷೆ ವಿವರಿಸಿದೆ.<br /> <br /> ಗಣತಿ ವರದಿಯನ್ನು ಶನಿವಾರ ಬಿಡುಗಡೆ ಮಾಡಲಾಗಿದೆ ಆದರೆ, 2012ರ ಅಂಕಿ ಅಂಶಗಳಿಗೆ ಹೋಲಿಸಿದರೆ ಈಗ ದೇಶದಲ್ಲಿರುವ ಆನೆಗಳ ಸಂಖ್ಯೆಯಲ್ಲಿ ಇಳಿಮುಖವಾಗಿದೆ. ಎರಡೂ ಗಣತಿ<br /> ಗಳಲ್ಲಿ ಬೇರೆ ವಿಧಾನಗಳನ್ನು ಅನುಸರಿಸಿರುವುದರಿಂದ ಈ ರೀತಿ ಆಗಿದೆ ಎಂದು ಹೇಳಲಾಗುತ್ತಿದೆ.<br /> <br /> 2012ರ ಗಣತಿ ಪ್ರಕಾರ ದೇಶದಲ್ಲಿ 29,391–30,711ರಷ್ಟು ಆನೆಗಳಿವೆ ಎಂದು ಅಂದಾಜಿಸಲಾಗಿತ್ತು. ಆದರೆ, ಇದರಲ್ಲಿ ಲೋಪಗಳಾಗಿರುವ ಸಾಧ್ಯತೆ ಇದೆ ಎಂದು ತಜ್ಞರು ಈಗ ಹೇಳುತ್ತಿದ್ದಾರೆ.<br /> <br /> ‘2012ರ ಅಂಕಿ ಅಂಶಗಳಿಗೆ ಹೋಲಿಸಿ ನೋಡಿದರೆ, ಆನೆಗಳ ಸಂಖ್ಯೆ ಸ್ಥಿರವಾಗಿದೆ ಎಂದು ನಾನು ಹೇಳುತ್ತೇನೆ’ ಎಂದು ಹೊಸ ಗಣತಿ ವರದಿ ಸಿದ್ಧಪಡಿಸುವಲ್ಲಿ ತಾಂತ್ರಿಕ ನೆರವು ನೀಡಿರುವ ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆಯ ಪ್ರಾಧ್ಯಾಪಕ ರಮಣ್ ಸುಕುಮಾರ್ ಹೇಳಿದ್ದಾರೆ.<br /> <br /> <strong>ಎಲ್ಲೆಲ್ಲಿ ಸಮೀಕ್ಷೆ:</strong> ಕರ್ನಾಟಕದ 33 ಅರಣ್ಯ ವಿಭಾಗಗಳ 645 ಬ್ಲಾಕ್ಗಳಲ್ಲಿ ಕಳೆದ ವರ್ಷ ಗಣತಿ ಆರಂಭಿಸಲಾಗಿತ್ತು. ಪ್ರತಿ ಚದರ ಕಿ.ಮೀಗೆ ಆನೆಗಳ ಸಾಂದ್ರತೆ 0.67ರಷ್ಟಿದೆ. 8976<br /> ಚದರ ಕಿ.ಮೀ ವ್ಯಾಪ್ತಿಯಲ್ಲಿ ಆನೆಗಳಿವೆ ಎಂದು ಅಂದಾಜಿಸಲಾಗಿದೆ. ಈ ಅಂದಾಜಿನ ಆಧಾರದಲ್ಲಿ ರಾಜ್ಯದಲ್ಲಿ 6,049 ಆನೆಗಳಿವೆ ಎಂದು ಲೆಕ್ಕ ಹಾಕಲಾಗಿದೆ.<br /> <br /> <strong>ಅಳಿವಿನಂಚಿನಲ್ಲಿ:</strong> ಪರಿಸರ ಸಂರಕ್ಷಣೆಯ ಅಂತರರಾಷ್ಟ್ರೀಯ ಒಕ್ಕೂಟದ (ಐಯುಸಿಎನ್) ಪ್ರಕಾರ, ಏಷ್ಯಾದ ಆನೆಗಳು ಅಳಿವಿನಂಚಿನಲ್ಲಿವೆ. ಅದು ಸಿದ್ಧಪಡಿಸಿರುವ ಅಳಿವಿನಂಚಿನಲ್ಲಿರುವ ಪ್ರಾಣಿಗಳ ಪಟ್ಟಿಯಲ್ಲಿ ಈ ಆನೆಗಳೂ ಇವೆ.<br /> *<br /> <strong>101 ಆನೆದಾರಿಗಳು</strong><br /> ದೇಶದಲ್ಲಿ 101 ಆನೆ ಕಾರಿಡಾರ್ಗಳಿವೆ (ಆನೆ ದಾರಿ). 2010ರಲ್ಲಿ ಆನೆ ಕಾರ್ಯ ಪಡೆ ವರದಿ ಬಂದ ನಂತರ ಏಳು ವರ್ಷಗಳಲ್ಲಿ ಕಾರಿಡಾರ್ಗಳ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ. 201ರ ವರದಿಯು 88 ಕಾರಿಡಾರ್ಗಳನ್ನು ಗುರುತಿಸಿತ್ತು (27 ಮೊದಲ ಆದ್ಯತೆಯ ಮತ್ತು 61 ಎರಡನೇ ಆದ್ಯತೆ). ಈ ಪೈಕಿ ಏಳು ಕಾರಿಡಾರ್ಗಳಲ್ಲಿ ಆನೆಗಳು ಸಂಚರಿಸುತ್ತಿಲ್ಲ. 18 ರಿಂದ 20ರಷ್ಟು ಹೊಸ ಕಾರಿಡಾರ್ಗಳನ್ನು ಅವು ಬಳಸುತ್ತಿವೆ.</p>.<p>*<br /> <strong>ಯಾವ ರಾಜ್ಯದಲ್ಲಿ ಎಷ್ಟು?</strong></p>.<p>ಕರ್ನಾಟಕ <strong> 6,049</strong></p>.<p>ಅಸ್ಸಾಂ <strong>5,719</strong></p>.<p>ಕೇರಳ <strong> 3,054</strong></p>.<p>ತಮಿಳುನಾಡು<strong> 2,761</strong></p>.<p>ಒಡಿಶಾ <strong>1,976</strong></p>.<p>ಉತ್ತರಾಖಂಡ <strong>1,839</strong></p>.<p>ಮೇಘಾಲಯ<strong> 1,754</strong></p>.<p>ಅರುಣಾಚಲ ಪ್ರದೇಶ <strong>1,614</strong></p>.<p>ಪಶ್ಚಿಮ ಬಂಗಾಳ<strong> 682</strong></p>.<p>ಜಾರ್ಖಂಡ್ <strong>679</strong><br /> *<br /> ಮಾನವ–ಪ್ರಾಣಿ ಸಂಘರ್ಷಕ್ಕೆ ಅಂತ್ಯ ಹಾಡಲು ಪ್ರಯತ್ನಿಸಲೇ ಬೇಕು. ಆನೆಗಳು ಮತ್ತು ಇತರ ವನ್ಯಜೀವಿಗಳನ್ನು ಬೇಟೆಯಾಡುವವರ ವಿರುದ್ಧ ಯುದ್ಧ ಸಾರಲೇಬೇಕಿದೆ.<br /> <strong>ಹರ್ಷವರ್ಧನ್</strong><br /> ಕೇಂದ್ರ ಪರಿಸರ ಸಚಿವ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
