ದಸರಾ ಪ್ರವಾಸಿಗರಿಗೆ ಹೆಲಿಕಾಪ್ಟರ್‌ ಸುತ್ತಾಟ

ಸೆ. 16ರಿಂದ ಅ. 5ರ ವರೆಗೆ ಹೆಲಿಕಾಪ್ಟರ್‌ನಲ್ಲಿ ಸುತ್ತಾಡಬಹುದು. ಇದಕ್ಕಾಗಿ ಎರಡು ಹೆಲಿಕಾಫ್ಟರ್ ತರಿಸಲಾಗಿದ್ದು, ಹತ್ತು ನಿಮಿಷಗಳ ಕಾಲ ಹಾರಾಡುತ್ತ ಪಾರಂಪರಿಕ ನಗರದ ವಿಹಂಗಮ ನೋಟ ಕಣ್ಣುತುಂಬಿಕೊಳ್ಳಬಹುದು. ಒಂದು ರೈಡ್‌ನಲ್ಲಿ 6 ಮಂದಿ ಏಕಕಾಲಕ್ಕೆ ಸಂಚರಿಸಬಹುದು. ತಲಾ ₹ 2,300 ಟಿಕೆಟ್‌ ದರ.

‘ಪ್ಯಾಲೇಸ್‌ ಆನ್‌ ವೀಲ್ಸ್‌’ಗಾಗಿ (ಗಾಲಿಗಳ ಮೇಲೆ ಅರಮನೆ) ಎರಡು ವೋಲ್ವೊ ಬಸ್‌ ಸಿದ್ಧಗೊಂಡಿವೆ. ಇಲ್ಲಿನ ವಿವಿಧ ಅರಮನೆಗಳು, ವಸ್ತುಸಂಗ್ರಹಾಲಯಗಳು, ಪಾರಂಪರಿಕ ಕಟ್ಟಡಗಳು, ಪ್ರಕೃತಿ ಸೌಂದರ್ಯ ಸೇರಿದಂತೆ ನಗರ ಪ್ರದಕ್ಷಿಣೆ ಮಾಡಬಹುದು. ಸೆ. 22ರಿಂದ ಅ. 2ರ ವರೆಗೆ ಈ ಬಸ್‌ಗಳು ಸಂಚರಿಸಲಿದ್ದು, ತಲಾ ₹ 999 ಟಿಕೆಟ್‌ ದರ ಇದೆ.

ಸೆ. 21ರಿಂದ ರಾಜ್ಯಮಟ್ಟದ ದಸರಾ ಕ್ರೀಡಾಕೂಟ, ದೇಹದಾಢ್ಯ ಸ್ಪರ್ಧೆ, 24ರಂದು ಮ್ಯಾರಥಾನ್‌, ಸೈಕ್ಲೊಥಾನ್‌ ನಡೆಯಲಿವೆ. ಸೈಕಲ್‌ ಮೇಲೆ ನಗರ ಸುತ್ತಲು ಬಯಸುವವರಿಗೆ ‘ಟ್ರಿಣ್‌ ಟ್ರಿಣ್‌’ ಸೌಲಭ್ಯವನ್ನೂ ವಿಶೇವಾಗಿ ನೀಡಲಾಗಿದೆ. ಮಾಹಿತಿಗೆ: ಹೆಲಿರೈಡ್ಸ್‌– www.mysoredasara.gov.in ಮೊ. 8375914948, 8828122245.