‘ಈ ನಂಬರ್ ನಿಮ್ದೇನಾ? ನೀವೇ ಯೂಸ್ ಮಾಡ್ತಿದ್ದೀರಾ?’ ಕೇಳಿದರು. ನಂಬರ್ ನೋಡಿ ಹೌದು ಅಂದೆ. ‘ನಿಮ್ಮ ಮೇಲೆ ದೂರಿದೆ ಬನ್ನಿ’ ಅಂದ್ರು. ‘ಯಾರು ದೂರು ಕೊಟ್ಟಿದ್ದು?’ ಅಂತ ನಡುಗುತ್ತಲೇ ಕೇಳಿದೆ. ನನ್ನ ಗೆಳೆಯನ ಹೆಸರು ಅವರ ಬಾಯಿಂದ ಹೊರ ಬಿತ್ತು. ಎಲ್ಲವೂ ಗೊತ್ತಾಯ್ತು. ತಕ್ಷಣ ಅವನಿಗೆ ಪೋನ್ ಮಾಡಿ ನಿಜ ಸಂಗತಿ ಹೇಳಿದೆ. ಅವನು ನನ್ನನ್ನು ಚೆನ್ನಾಗಿ ಬೈದು ದೂರು ವಾಪಸ್ ಪಡೆದ. ಅಂದಿನಿಂದ ಅಪರಿಚಿನಂತೆ ಕಾಲ್ ಮಾಡುವ, ಮೆಸೇಜ್ ಮಾಡುವ ತಪ್ಪು ಮಾಡಲಿಲ್ಲ. ನನ್ನ ಗೆಳೆಯ ಅವನಿಗೆ ತಿಳಿಯದೇ ನನಗೆ ಸರಿಯಾಗಿ ಬುದ್ಧಿ ಕಲಿಸಿದ.
–ಸದಾಶಿವ್ ಸೊರಟೂರು,
ದೊಡ್ಡಬೊಮ್ಮನಹಳ್ಳಿ. ಚಿಂತಾಮಣಿ