ಬುದ್ಧಿ ಕಲಿತೆ

ಪಾಠ ಕಲಿಸಿದ ದೂರು

‘ಹಲೋ ಎಲ್ಲಿದ್ದೀರಿ?’ ಎಂದು ನನ್ನ ಹೆಸರು ಕರೆದು ಮಾತಾಡಿದರು. ‘ಅರ್ಜೆಂಟಾಗಿ ನಿಮ್ಮ ಮನೆಯ ಹತ್ರ ಬನ್ನಿ’ ಅಂದ್ರು. ನಾನು ಯಾರಿರಬಹುದು ಎಂಬ ಕುತೂಹಲದಿಂದ ಬೇಗ ಬೇಗ ಮನೆ ಕಡೆ ಹೊರಟೆ. ಮನೆಯಲ್ಲಿ ಪೋಲಿಸ್. ಎದೆ ಒಂದೇ ಸಲಕ್ಕೆ ಧಸಕ್ ಎಂದಿತ್ತು.

ಪಾಠ ಕಲಿಸಿದ ದೂರು

ಅದು ಎಸ್‍ಎಂಎಸ್‍ಗಳ ಕಾಲ. ಹೊಸ ನಂಬರ್ ತಗೊಂಡೆ ಅಂದ್ರೆ ಅದರಿಂದ ಪರಿಚಿತರಿಗೆ ನನ್ನ ಹೆಸರು ಹೇಳದೇ ಮೆಸೇಜ್ ಮಾಡಿ ಆಟ ಆಡಿಸುವ ವಿಚಿತ್ರ ಕ್ರೇಜ್ ನನಗೆ ಇತ್ತು. ಅವರ ಗೋಳಾಟ ನೋಡಿ ಖುಷಿಪಡುತ್ತಿದ್ದೆ.

ಒಮ್ಮೆ ದೂರದೂರಿನ ಗೆಳೆಯನಿಗೆ ನನ್ನ ಹೊಸ ನಂಬರ್‍ನಿಂದ ಸಂದೇಶಗಳನ್ನು ಕಳುಹಿಸಲು ಶುರುವಿಟ್ಟುಕೊಂಡೆ. ಯಾರು? ಯಾರು? ಅಂತ ಹತ್ತಾರು ಬಾರಿ ಕೇಳಿದರೂ ನಾನು ನನ್ನ ಹೆಸರು ಹೇಳದೆ ಸತಾಯಿಸಿದ್ದೆ. ಸುಮಾರು ಒಂದು ತಿಂಗಳ ನಂತರ ಅದೇ ನಂಬರ್‍ಗೆ ನನಗೊಂದು ಕರೆ ಬಂತು. ನಾನು ಮನೆಯಲ್ಲಿರಲಿಲ್ಲ.

‘ಹಲೋ ಎಲ್ಲಿದ್ದೀರಿ?’ ಎಂದು ನನ್ನ ಹೆಸರು ಕರೆದು ಮಾತಾಡಿದರು. ‘ಅರ್ಜೆಂಟಾಗಿ ನಿಮ್ಮ ಮನೆಯ ಹತ್ರ ಬನ್ನಿ’ ಅಂದ್ರು. ನಾನು ಯಾರಿರಬಹುದು ಎಂಬ ಕುತೂಹಲದಿಂದ ಬೇಗ ಬೇಗ ಮನೆ ಕಡೆ ಹೊರಟೆ. ಮನೆಯಲ್ಲಿ ಪೋಲಿಸ್. ಎದೆ ಒಂದೇ ಸಲಕ್ಕೆ ಧಸಕ್ ಎಂದಿತ್ತು.

‘ಈ ನಂಬರ್ ನಿಮ್ದೇನಾ? ನೀವೇ ಯೂಸ್ ಮಾಡ್ತಿದ್ದೀರಾ?’ ಕೇಳಿದರು. ನಂಬರ್ ನೋಡಿ ಹೌದು ಅಂದೆ. ‘ನಿಮ್ಮ ಮೇಲೆ ದೂರಿದೆ ಬನ್ನಿ’ ಅಂದ್ರು. ‘ಯಾರು ದೂರು ಕೊಟ್ಟಿದ್ದು?’ ಅಂತ ನಡುಗುತ್ತಲೇ ಕೇಳಿದೆ. ನನ್ನ ಗೆಳೆಯನ ಹೆಸರು ಅವರ ಬಾಯಿಂದ ಹೊರ ಬಿತ್ತು. ಎಲ್ಲವೂ ಗೊತ್ತಾಯ್ತು. ತಕ್ಷಣ ಅವನಿಗೆ ಪೋನ್ ಮಾಡಿ ನಿಜ ಸಂಗತಿ ಹೇಳಿದೆ. ಅವನು ನನ್ನನ್ನು ಚೆನ್ನಾಗಿ ಬೈದು ದೂರು ವಾಪಸ್ ಪಡೆದ. ಅಂದಿನಿಂದ ಅಪರಿಚಿನಂತೆ ಕಾಲ್ ಮಾಡುವ, ಮೆಸೇಜ್ ಮಾಡುವ ತಪ್ಪು ಮಾಡಲಿಲ್ಲ. ನನ್ನ ಗೆಳೆಯ ಅವನಿಗೆ ತಿಳಿಯದೇ ನನಗೆ ಸರಿಯಾಗಿ ಬುದ್ಧಿ ಕಲಿಸಿದ.
–ಸದಾಶಿವ್ ಸೊರಟೂರು,
ದೊಡ್ಡಬೊಮ್ಮನಹಳ್ಳಿ. ಚಿಂತಾಮಣಿ

Comments
ಈ ವಿಭಾಗದಿಂದ ಇನ್ನಷ್ಟು
ಸೀನುವಾಗ ಹುಷಾರ್‌

ಸಂಶೋಧನೆ
ಸೀನುವಾಗ ಹುಷಾರ್‌

19 Jan, 2018
ಸಿಹಿ ಸೇವನೆಗಿರಲಿ ಮಿತಿ

ಆರೋಗ್ಯ
ಸಿಹಿ ಸೇವನೆಗಿರಲಿ ಮಿತಿ

19 Jan, 2018
ಆಭರಣಕ್ಕೂ ಬಂತು 3ಡಿ

ಫ್ಯಾಷನ್
ಆಭರಣಕ್ಕೂ ಬಂತು 3ಡಿ

18 Jan, 2018
ಸಪ್ತಪದಿ

ಪಿಕ್ಚರ್‌ ನೋಡಿ
ಸಪ್ತಪದಿ

18 Jan, 2018
72ರ ಮಾಂತ್ರಿಕ

ಈ ದಿನ ಜನ್ಮದಿನ
72ರ ಮಾಂತ್ರಿಕ

17 Jan, 2018