ತೀವ್ರ ಅಸ್ವಸ್ಥಗೊಂಡ ಬಾಲಕ ಶಂಕರ್‌ ಬಡಿಗೇರ್‌ನನ್ನು ಜುಲೈ 19ರಂದು ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ವೈದ್ಯರು ಬಾಲಕನ ಮಿದುಳು ನಿಷ್ಕ್ರಿಯಗೊಂಡಿರುವುದಾಗಿ ಘೋಷಿಸಿದರು. ಪೋಷಕರ ಅನುಮತಿ ಪಡೆದುಕೊಂಡ ಬಿಜಿಎಸ್‌ ಗ್ಲೆನೇಗ್ಲೆಸ್‌ ಗ್ಲೋಬಲ್‌ ಆಸ್ಪತ್ರೆಯ ವೈದ್ಯರು ಮೂರು ರೋಗಿಗಳಿಗೆ ಅಂಗಾಂಗ ಕಸಿ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಹೃದಯವನ್ನು 13 ವರ್ಷದ ಬಾಲಕಿಗೆ ಕಸಿ ಮಾಡಲಾಯಿತು. ಆರು ತಿಂಗಳ ಹಿಂದೆ ಈ ಬಾಲಕಿಗೆ ಹೃದಯಾಘಾತವಾಗಿತ್ತು. ಒಂದು ಮೂತ್ರಪಿಂಡವನ್ನು 42 ವರ್ಷದ ಪುರುಷನಿಗೆ ಹಾಗೂ ಇನ್ನೊಂದು ಮೂತ್ರಪಿಂಡವನ್ನು 44 ವರ್ಷದ ವ್ಯಕ್ತಿಗೆ ಕಸಿ ಮಾಡಲಾಗಿದೆ.
