ಹೊನ್ನಾವರ: ನಗರದಲ್ಲಿ ಗುರುವಾರ ನಡೆದ ಜನಾಶೀರ್ವಾದ ಯಾತ್ರೆಯನ್ನು ಉದ್ದೇಶಿಸಿ ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಮಾತನಾಡುತ್ತಿದ್ದ ವೇಳೆ ಯುವಕರು ‘ಮೋದಿ...ಮೋದಿ..’ ಎಂದು ಘೋಷಣೆ ಕೂಗಿದರು.
ಹೊನ್ನಾವರದ ಶರಾವತಿ ವೃತ್ತದಲ್ಲಿ ರಾಹುಲ್ ಭಾಷಣ ಮಾಡುತ್ತಿದ್ದಾಗ ಈ ಘಟನೆ ನಡೆದಿದೆ. ಸುಮಾರು 100 ಮೀ ದೂರದಲ್ಲಿದ್ದ ಯುವಕರ ಗುಂಪು ‘ಮೋದಿ.. ಮೋದಿ..’ ಎಂದು ಘೋಷಣೆ ಕೂಗಿದರು. ಇದಕ್ಕೆ ಪ್ರತಿಯಾಗಿ ಮತ್ತೊಂದು ಗುಂಪು ‘ರಾಹುಲ್.. ರಾಹುಲ್..’ ಎಂದು ಕೂಗಿದರು.
ಸುಮಾರು 10 ನಿಮಿಷ ಭಾಷಣದ ಬಳಿಕ ರಾಹುಲ್ ತಮ್ಮ ಭಾಷಣವನ್ನು ಮೊಟಕುಗೊಳಿಸಿ ಭಟ್ಕಳದತ್ತ ಹೊರಟರು.
