ಬಿಷ್ಕೆಕ್ (ಕಿರ್ಗಿಸ್ತಾನ): ಎರಡು ಬಾರಿಯ ಒಲಿಂಪಿಯನ್ ವಿನೇಶಾ ಫೋಗಾಟ್ ಅವರು ಶುಕ್ರವಾರ ಇಲ್ಲಿ ಪ್ರಾಂಭವಾಗುವ ಏಷ್ಯಾ ಒಲಿಂಪಿಕ್ ಅರ್ಹತಾ ಪಂದ್ಯಗಳಲ್ಲಿ ಪ್ಯಾರಿಸ್ ಒಲಿಂಪಿಕ್ಸ್‌ ಕೋಟಾ ಸ್ಥಾನಕ್ಕೆ ಭಾರತದ ಇತರೆ 16 ಕುಸ್ತಿಪಟುಗಳೊಂದಿಗೆ ಪೈಪೋಟಿ ನಡೆಸಲಿದ್ದಾರೆ.
ಭಾರಿ ಮಳೆಯಿಂದಾಗಿ ದೀಪಕ್ ಪುನಿಯಾ ಮತ್ತು ಸುಜೀತ್ ಕಲಕಲ್ ಅವರು ದುಬೈ ವಿಮಾನ ನಿಲ್ದಾಣದಲ್ಲಿ ಸಿಲುಕಿಕೊಂಡಿರುವ ಕಾರಣ ನಿಗದಿತ ಸಮಯಕ್ಕೆ ಬಿಷ್ಕೆಕ್ ತಲುಪಲು ಸಾಧ್ಯವಾಗುತ್ತಿಲ್ಲ. ಆದರೆ, ಉಳಿದ 17 ಸದಸ್ಯರ ಭಾರತ ತಂಡ ಬಿಷ್ಕೆಕ್ ತಲುಪಿದೆ.
ಭಾರತದ ಉಳಿದ ಕುಸ್ತಿಪಟುಗಳಾದ ವಿನೇಶಾ (50 ಕೆಜಿ), ರೀತಿಕಾ ಹೂಡಾ (76 ಕೆಜಿ), ಪ್ರಸ್ತುತ 23 ವರ್ಷದೊಳಗಿನವರ ವಿಶ್ವ ಚಾಂಪಿಯನ್ ಅಂಶು (57 ಕೆಜಿ), ಮಾನ್ಸಿ (62 ಕೆಜಿ) ಮತ್ತು ನಿಶಾ (68 ಕೆಜಿ) ಅವರು ತಮ್ಮ ಕೋಟಾ ಸ್ಥಾನ ಭದ್ರಪಡಿಸಿಕೊಳ್ಳಲು ಇದು ಸಕಾಲವಾಗಿದೆ.
