<p>ಚಳಿಗಾಲದೊಂದಿಗೆ ಮಲೆನಾಡಿನಲ್ಲಿ ಕಾಡು ಹಣ್ಣುಗಳ ಹಂಗಾಮು ಆರಂಭ. ನಗರದ ಜನರಿಗೆ ಈ ಹಣ್ಣುಗಳ ಪರಿಚಯ ಅಷ್ಟಾಗಿರುವುದಿಲ್ಲ. ಇಂಥ ಹಣ್ಣುಗಳಲ್ಲಿ ಬಕುಲದ ಹಣ್ಣೂ ಒಂದು. <br /> <br /> ಜನವರಿಯಿಂದ ಮೇ ತಿಂಗಳ ವರೆಗೆ ದೊರೆವ ಬಕುಲದ ಹಣ್ಣನ್ನು ಇಂಗ್ಲಿಷ್ನಲ್ಲಿ `ಸ್ಪಾನಿಷ್ ಚೆರ್ರಿ~ ಎಂದು ಕರೆಯುತ್ತಾರೆ. ಇದರ ಸಸ್ಯಶಾಸ್ತ್ರೀಯ ಹೆಸರು ಮಿಮುಸೋಪ್ಸ್ ಎಲಂಗಿ. ಇದು ಸಪೋಟೇಸಿ ಕುಟುಂಬಕ್ಕೆ ಸೇರಿದೆ. ಭಾರತ ಮೂಲದ್ದೇ ಆದ ಬಕುಲವನ್ನು ರಂಜಲು, ಪಗಡೆಮರ, ಕೇಸರ, ಎಲಂಗಿ, ಮಲಸುರಿ ಎಂದೂ ಕರೆಯುತ್ತಾರೆ. <br /> <br /> ಒರಿಸ್ಸಾದ ಬುಡಕಟ್ಟು ಜನ ದೈವೀ ವೃಕ್ಷವೆಂದು ಅಂಗಳದಲ್ಲಿ ಬೆಳೆಸುವ ಬಕುಲದ ಮರ, ಪಶ್ಚಿಮಘಟ್ಟದ ನಿತ್ಯಹರಿದ್ವರ್ಣದ ಕಾಡುಗಳಲ್ಲಿ ಕಂಡುಬರುತ್ತದೆ. ಕಾಫಿ, ಏಲಕ್ಕಿ ತೋಟಗಳಲ್ಲಿಯೂ ಇದನ್ನು ನೋಡಬಹುದು.<br /> <br /> ನಕ್ಷಾತ್ರಾಕಾರದ ಸುಗಂಧಿತ ಬಿಳಿ ಹೂಗಳು, ಹೊಳಪಿನ ಹಸಿರು ಕಾಯಿಗಳು ಪಕ್ವಗೊಂಡು ಕೇಸರಿ ಬಣ್ಣದ ಹಣ್ಣಾಗುತ್ತವೆ. ಇವು ಸವಿಯಾಗಿರುತ್ತವೆ. ಪ್ರತಿ ಹಣ್ಣಿನಲ್ಲೂ ಸಪೋಟ ಬೀಜಾಕೃತಿಯ ಕಂದು ಬಣ್ಣದ ಬೀಜವಿರುತ್ತದೆ.<br /> <br /> ಹೂಗಳು ಜೇನುಹುಳುಗಳನ್ನು ಆಕರ್ಷಿಸುತ್ತವೆ. ಸಿಹಿರುಚಿಯ ಹಣ್ಣುಗಳನ್ನು ಭಕ್ಷಿಸಲು ಬರುವ ಪಕ್ಷಿಗಳಿಂದ ತೋಟಗಳಲ್ಲಿನ ಕೀಟಗಳ ಹತೋಟಿಯಾಗುತ್ತದೆ. ಚೆಂದದ ಹೂಗಳನ್ನು ಮಾಲೆ ಮಾಡಿಟ್ಟರೆ ಬಹು ದಿನಗಳವರೆಗೂ ಬಾಡುವುದಿಲ್ಲ. <br /> <br /> ಮಲೆನಾಡ ಜನರು ಇಷ್ಟಪಟ್ಟು ತಿನ್ನುವ ಬಕುಲದಲ್ಲಿ ಹಲವಾರು ಔಷಧೀಯ ಗುಣಗಳಿವೆ. ಹಣ್ಣುಗಳು ಶರ್ಕರ ಪಿಷ್ಟ, ಸಸಾರಜನಕ, ಸುಣ್ಣ, ರಂಜಕವನ್ನು ಒಳಗೊಂಡಿವೆ. ಇದರ ರೆಂಬೆ ಮತ್ತು ಕಡ್ಡಿಯನ್ನು ಹಲ್ಲುಜ್ಜಲು ಉಪಯೋಗಿಸಬಹುದು. <br /> <br /> ತೊಗಟೆಯು ಅತಿಸಾರ ಆಮಶಂಕೆಗೆ ಬಳಕೆಯಾಗುತ್ತದೆ. ಹೂವನ್ನು ಒಣಗಿಸಿ ತಲೆನೋವಿಗೆ ಮದ್ದು ತಯಾರಿಸುತ್ತಾರೆ. ಇದರ ಬೀಜದಿಂದ ಮಲಬದ್ಧತೆಗೆ, ತೊಗಟೆಯಿಂದ ಹುಳುಕುಹಲ್ಲು ಮತ್ತು ಗಾಯಕ್ಕೆ ಔಷಧ ತಯಾರಿಸಬಹುದು ಎಂದು ಆಯುರ್ವೇದದಲ್ಲಿ ಹೇಳಲಾಗಿದೆ. ಹೂವನ್ನು ಸುಗಂದ ದ್ರವ್ಯದ ತಯಾರಿಕೆಗೂ ಬಳಸಬಹುದು.<br /> <br /> ಬೀಜಗಳಿಂದ ಸಸ್ಯಾಭಿವೃದ್ಧಿ ಮಾಡಬಹುದು. ಒಣಹವೆಯಲ್ಲಿ ಬೆಳವಣಿಗೆ ತಡವಾಗುತ್ತದೆ. ಒಂದೇ ಬಗೆಯ ಸಸಿಗಳನ್ನು ಬೆಳೆಸಿ ಒದಗಿಸುವ ಅರಣ್ಯ ಇಲಾಖೆ ಇವುಗಳ ಕಡೆಯೂ ಗಮನ ಹರಿಸಿದರೆ ಅಳಿವಿನ ಅಂಚಿನಲ್ಲಿ ಇರುವ ಸಸ್ಯಗಳ ಸಂರಕ್ಷಣೆ ಮಾಡಿದಂತಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಚಳಿಗಾಲದೊಂದಿಗೆ ಮಲೆನಾಡಿನಲ್ಲಿ ಕಾಡು ಹಣ್ಣುಗಳ ಹಂಗಾಮು ಆರಂಭ. ನಗರದ ಜನರಿಗೆ ಈ ಹಣ್ಣುಗಳ ಪರಿಚಯ ಅಷ್ಟಾಗಿರುವುದಿಲ್ಲ. ಇಂಥ ಹಣ್ಣುಗಳಲ್ಲಿ ಬಕುಲದ ಹಣ್ಣೂ ಒಂದು. <br /> <br /> ಜನವರಿಯಿಂದ ಮೇ ತಿಂಗಳ ವರೆಗೆ ದೊರೆವ ಬಕುಲದ ಹಣ್ಣನ್ನು ಇಂಗ್ಲಿಷ್ನಲ್ಲಿ `ಸ್ಪಾನಿಷ್ ಚೆರ್ರಿ~ ಎಂದು ಕರೆಯುತ್ತಾರೆ. ಇದರ ಸಸ್ಯಶಾಸ್ತ್ರೀಯ ಹೆಸರು ಮಿಮುಸೋಪ್ಸ್ ಎಲಂಗಿ. ಇದು ಸಪೋಟೇಸಿ ಕುಟುಂಬಕ್ಕೆ ಸೇರಿದೆ. ಭಾರತ ಮೂಲದ್ದೇ ಆದ ಬಕುಲವನ್ನು ರಂಜಲು, ಪಗಡೆಮರ, ಕೇಸರ, ಎಲಂಗಿ, ಮಲಸುರಿ ಎಂದೂ ಕರೆಯುತ್ತಾರೆ. <br /> <br /> ಒರಿಸ್ಸಾದ ಬುಡಕಟ್ಟು ಜನ ದೈವೀ ವೃಕ್ಷವೆಂದು ಅಂಗಳದಲ್ಲಿ ಬೆಳೆಸುವ ಬಕುಲದ ಮರ, ಪಶ್ಚಿಮಘಟ್ಟದ ನಿತ್ಯಹರಿದ್ವರ್ಣದ ಕಾಡುಗಳಲ್ಲಿ ಕಂಡುಬರುತ್ತದೆ. ಕಾಫಿ, ಏಲಕ್ಕಿ ತೋಟಗಳಲ್ಲಿಯೂ ಇದನ್ನು ನೋಡಬಹುದು.<br /> <br /> ನಕ್ಷಾತ್ರಾಕಾರದ ಸುಗಂಧಿತ ಬಿಳಿ ಹೂಗಳು, ಹೊಳಪಿನ ಹಸಿರು ಕಾಯಿಗಳು ಪಕ್ವಗೊಂಡು ಕೇಸರಿ ಬಣ್ಣದ ಹಣ್ಣಾಗುತ್ತವೆ. ಇವು ಸವಿಯಾಗಿರುತ್ತವೆ. ಪ್ರತಿ ಹಣ್ಣಿನಲ್ಲೂ ಸಪೋಟ ಬೀಜಾಕೃತಿಯ ಕಂದು ಬಣ್ಣದ ಬೀಜವಿರುತ್ತದೆ.<br /> <br /> ಹೂಗಳು ಜೇನುಹುಳುಗಳನ್ನು ಆಕರ್ಷಿಸುತ್ತವೆ. ಸಿಹಿರುಚಿಯ ಹಣ್ಣುಗಳನ್ನು ಭಕ್ಷಿಸಲು ಬರುವ ಪಕ್ಷಿಗಳಿಂದ ತೋಟಗಳಲ್ಲಿನ ಕೀಟಗಳ ಹತೋಟಿಯಾಗುತ್ತದೆ. ಚೆಂದದ ಹೂಗಳನ್ನು ಮಾಲೆ ಮಾಡಿಟ್ಟರೆ ಬಹು ದಿನಗಳವರೆಗೂ ಬಾಡುವುದಿಲ್ಲ. <br /> <br /> ಮಲೆನಾಡ ಜನರು ಇಷ್ಟಪಟ್ಟು ತಿನ್ನುವ ಬಕುಲದಲ್ಲಿ ಹಲವಾರು ಔಷಧೀಯ ಗುಣಗಳಿವೆ. ಹಣ್ಣುಗಳು ಶರ್ಕರ ಪಿಷ್ಟ, ಸಸಾರಜನಕ, ಸುಣ್ಣ, ರಂಜಕವನ್ನು ಒಳಗೊಂಡಿವೆ. ಇದರ ರೆಂಬೆ ಮತ್ತು ಕಡ್ಡಿಯನ್ನು ಹಲ್ಲುಜ್ಜಲು ಉಪಯೋಗಿಸಬಹುದು. <br /> <br /> ತೊಗಟೆಯು ಅತಿಸಾರ ಆಮಶಂಕೆಗೆ ಬಳಕೆಯಾಗುತ್ತದೆ. ಹೂವನ್ನು ಒಣಗಿಸಿ ತಲೆನೋವಿಗೆ ಮದ್ದು ತಯಾರಿಸುತ್ತಾರೆ. ಇದರ ಬೀಜದಿಂದ ಮಲಬದ್ಧತೆಗೆ, ತೊಗಟೆಯಿಂದ ಹುಳುಕುಹಲ್ಲು ಮತ್ತು ಗಾಯಕ್ಕೆ ಔಷಧ ತಯಾರಿಸಬಹುದು ಎಂದು ಆಯುರ್ವೇದದಲ್ಲಿ ಹೇಳಲಾಗಿದೆ. ಹೂವನ್ನು ಸುಗಂದ ದ್ರವ್ಯದ ತಯಾರಿಕೆಗೂ ಬಳಸಬಹುದು.<br /> <br /> ಬೀಜಗಳಿಂದ ಸಸ್ಯಾಭಿವೃದ್ಧಿ ಮಾಡಬಹುದು. ಒಣಹವೆಯಲ್ಲಿ ಬೆಳವಣಿಗೆ ತಡವಾಗುತ್ತದೆ. ಒಂದೇ ಬಗೆಯ ಸಸಿಗಳನ್ನು ಬೆಳೆಸಿ ಒದಗಿಸುವ ಅರಣ್ಯ ಇಲಾಖೆ ಇವುಗಳ ಕಡೆಯೂ ಗಮನ ಹರಿಸಿದರೆ ಅಳಿವಿನ ಅಂಚಿನಲ್ಲಿ ಇರುವ ಸಸ್ಯಗಳ ಸಂರಕ್ಷಣೆ ಮಾಡಿದಂತಾಗುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
