<p>ಈ ತಿಂಗಳ 24ರಂದು ನಮ್ಮ ಮನೆಯವರೊಂದಿಗೆ ಮೈಸೂರಿನ ಚಾಮುಂಡಿ ಬೆಟ್ಟಕ್ಕೆ ಹೋಗಿ ದೇವಿಯ ದರ್ಶನ ಪಡೆದು ವಾಪಸ್ ಹೊರಟಾಗ ರಾತ್ರಿ ೯ ಗಂಟೆ ಆಗಿತ್ತು. ತಿರುವುಗಳನ್ನು ದಾಟುತ್ತಾ ಕಾರನ್ನು ಚಲಾಯಿಸುತ್ತಿದ್ದಾಗ ಎರಡು ಬೈಕ್ಗಳನ್ನು ರಸ್ತೆಗೆ ಅಡ್ಡಲಾಗಿ ಇಟ್ಟು ಇಬ್ಬರು ಹುಡುಗರು ಕಾರನ್ನು ಪಕ್ಕಕ್ಕೆ ಚಲಿಸುವಂತೆ ಸೂಚಿಸುತ್ತಿದ್ದರು. <br /> <br /> ವೇಗದಲ್ಲಿದ್ದ ನಾನು ಬ್ರೇಕ್ ಹಾಕಿ, ಮನದಲ್ಲಿಯೇ ‘ಕುಡುಕರ ಸಹವಾಸ' ಎಂದು ಬೈದುಕೊಳ್ಳುತ್ತಾ ಪಕ್ಕಕ್ಕೆ ಚಲಿಸಿ ನೋಡಿದರೆ ಎದೆ ಝಲ್ ಎಂದಿತು. ಹೆಬ್ಬಾವೊಂದು ರಸ್ತೆ ದಾಟುತ್ತಿತ್ತು. ಈ ಯುವಕರು ಅದರ ಪ್ರಾಣ ಉಳಿಸಲು ಈ ರೀತಿ ಮಾಡುತ್ತಿದ್ದರು. ಇಂದಿನ ಯುವ ಪೀಳಿಗೆಯನ್ನು ಸದಾ ಬೈಯುವ ನನ್ನನ್ನೂ ಸೇರಿದಂತೆ ಎಲ್ಲರಿಗೂ ಸಂತಸ ಉಂಟು ಮಾಡಿದ ಈ ಅನುಭವ ಹಂಚಿಕೊಳ್ಳಬೇಕಾದ್ದೆ. ಹೆಬ್ಬಾವಿನ ಪ್ರಾಣ ರಕ್ಷಿಸಲು ಮುಂದಾದ ಆ ಇಬ್ಬರು ಹುಡುಗರು ಅಭಿನಂದನಾರ್ಹರು.<br /> <br /> ಘಟನೆ ೨: ೨೬ರಂದು ಟಿ.ಕೆ.ಬಡಾವಣೆಯಲ್ಲಿ ವೈದ್ಯರೊಬ್ಬರ ದವಾಖಾನೆ ಎದುರು ಒಬ್ಬ ಕುಡುಕ ಗಲಾಟೆ ಮಾಡುತ್ತಾ ವಾಂತಿ ಮಾಡಿದ. ಅಲ್ಲೇ ಹೋಗುತ್ತಿದ್ದ ನಿವೃತ್ತ ಎ.ಸಿ.ಪಿ. ನಾಣಯ್ಯ ಅವರು ಅದನ್ನು ನೋಡಿ, ಮಫ್ತಿಯಲ್ಲಿದ್ದ ಪೋಲಿಸರನ್ನು ಕರೆದು ಒಂದು ಕೊಡ ನೀರನ್ನು ಆ ಕುಡುಕನ ಮೇಲೆ ಸುರಿಸಿ, ಅವನಿಗೆ ಒಂದು ಬಕೆಟ್ ನೀರನ್ನು, ಪೊರಕೆಯನ್ನು ನೀಡಿ ಆ ಜಾಗವನ್ನು ಅವನಿಂದಲೇ ಸ್ವಚ್ಛ ಮಾಡಿಸಿದರು. ಸಾರ್ವಜನಿಕ ಹಿತಾಸಕ್ತಿಯ ವಿಷಯದಲ್ಲಿ ಅವರು ತೋರಿಸಿದ ಆಸಕ್ತಿಯನ್ನು ಮೆಚ್ಚದೆ ಇರಲು ಆಗಲಿಲ್ಲ.<br /> ಮೇಲೆ ತಿಳಿಸಿದಂತಹ ಘಟನೆಗಳು ಸಾಮಾನ್ಯವಾಗಿ ದಿನನಿತ್ಯ ಘಟಿಸುತ್ತವೆಯಾದರೂ ಇವು ಹಲವು ರೀತಿಯಲ್ಲಿ ನಾಗರಿಕರ ಕಣ್ಣು ತೆರೆಸುವಂತಿರುತ್ತವೆ.<br /> <br /> ಮನುಷ್ಯರ ಸ್ವಭಾವವನ್ನು ಅವರ ಮೇಲ್ನೋಟದ ಕುರುಹುಗಳಿಂದ, ನಡವಳಿಕೆಯಿಂದ, ಸಿನಿಕತನದಿಂದ ಪೂರ್ವ ನಿರ್ಧಾರ ಮಾಡುವುದು ಸರಿಯಲ್ಲ. ಎಲ್ಲರಲ್ಲೂ ದುಷ್ಟತನ, ಸಮಾಜ ವಿರೋಧಿ ನಡವಳಿಕೆ ಇರಲೇಬೇಕೆಂದಿಲ್ಲ. ಸಮಷ್ಟಿ ಹಿತದ ಸಮಾಜಮುಖಿ ಧೋರಣೆಗಳು ಕೆಲವರಲ್ಲಿ ಮೇಲ್ನೋಟಕ್ಕೇ ಕಾಣುವಂತಿದ್ದರೆ ಕೆಲವರಲ್ಲಿ ಸುಪ್ತವಾಗಿರುತ್ತವೆ.<br /> <br /> ಬಹಿರಂಗವಾಗಿ, ಪ್ರತಿಫಲಾಪೇಕ್ಷೆಯಿಲ್ಲದೆ ಸಮಾಜದ ಹಿತದೃಷ್ಟಿಯಿಂದ ಕೈಗೊಳ್ಳುವ ಇಂತಹ ಕೈಂಕರ್ಯಗಳು ನಮ್ಮನ್ನು ನಿರ್ಲಿಪ್ತತೆಯಿಂದ ಹೊರತಂದು ನಾವೂ ಇಂತಹ ನಡವಳಿಕೆಗಳನ್ನು ಸಾರ್ವಜನಿಕವಾಗಿ ರೂಢಿಸಿಕೊಳ್ಳಲು ಸಹಾಯಕ ಎಂಬುದು ನನ್ನ ಪ್ರಾಮಾಣಿಕ ಅನಿಸಿಕೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈ ತಿಂಗಳ 24ರಂದು ನಮ್ಮ ಮನೆಯವರೊಂದಿಗೆ ಮೈಸೂರಿನ ಚಾಮುಂಡಿ ಬೆಟ್ಟಕ್ಕೆ ಹೋಗಿ ದೇವಿಯ ದರ್ಶನ ಪಡೆದು ವಾಪಸ್ ಹೊರಟಾಗ ರಾತ್ರಿ ೯ ಗಂಟೆ ಆಗಿತ್ತು. ತಿರುವುಗಳನ್ನು ದಾಟುತ್ತಾ ಕಾರನ್ನು ಚಲಾಯಿಸುತ್ತಿದ್ದಾಗ ಎರಡು ಬೈಕ್ಗಳನ್ನು ರಸ್ತೆಗೆ ಅಡ್ಡಲಾಗಿ ಇಟ್ಟು ಇಬ್ಬರು ಹುಡುಗರು ಕಾರನ್ನು ಪಕ್ಕಕ್ಕೆ ಚಲಿಸುವಂತೆ ಸೂಚಿಸುತ್ತಿದ್ದರು. <br /> <br /> ವೇಗದಲ್ಲಿದ್ದ ನಾನು ಬ್ರೇಕ್ ಹಾಕಿ, ಮನದಲ್ಲಿಯೇ ‘ಕುಡುಕರ ಸಹವಾಸ' ಎಂದು ಬೈದುಕೊಳ್ಳುತ್ತಾ ಪಕ್ಕಕ್ಕೆ ಚಲಿಸಿ ನೋಡಿದರೆ ಎದೆ ಝಲ್ ಎಂದಿತು. ಹೆಬ್ಬಾವೊಂದು ರಸ್ತೆ ದಾಟುತ್ತಿತ್ತು. ಈ ಯುವಕರು ಅದರ ಪ್ರಾಣ ಉಳಿಸಲು ಈ ರೀತಿ ಮಾಡುತ್ತಿದ್ದರು. ಇಂದಿನ ಯುವ ಪೀಳಿಗೆಯನ್ನು ಸದಾ ಬೈಯುವ ನನ್ನನ್ನೂ ಸೇರಿದಂತೆ ಎಲ್ಲರಿಗೂ ಸಂತಸ ಉಂಟು ಮಾಡಿದ ಈ ಅನುಭವ ಹಂಚಿಕೊಳ್ಳಬೇಕಾದ್ದೆ. ಹೆಬ್ಬಾವಿನ ಪ್ರಾಣ ರಕ್ಷಿಸಲು ಮುಂದಾದ ಆ ಇಬ್ಬರು ಹುಡುಗರು ಅಭಿನಂದನಾರ್ಹರು.<br /> <br /> ಘಟನೆ ೨: ೨೬ರಂದು ಟಿ.ಕೆ.ಬಡಾವಣೆಯಲ್ಲಿ ವೈದ್ಯರೊಬ್ಬರ ದವಾಖಾನೆ ಎದುರು ಒಬ್ಬ ಕುಡುಕ ಗಲಾಟೆ ಮಾಡುತ್ತಾ ವಾಂತಿ ಮಾಡಿದ. ಅಲ್ಲೇ ಹೋಗುತ್ತಿದ್ದ ನಿವೃತ್ತ ಎ.ಸಿ.ಪಿ. ನಾಣಯ್ಯ ಅವರು ಅದನ್ನು ನೋಡಿ, ಮಫ್ತಿಯಲ್ಲಿದ್ದ ಪೋಲಿಸರನ್ನು ಕರೆದು ಒಂದು ಕೊಡ ನೀರನ್ನು ಆ ಕುಡುಕನ ಮೇಲೆ ಸುರಿಸಿ, ಅವನಿಗೆ ಒಂದು ಬಕೆಟ್ ನೀರನ್ನು, ಪೊರಕೆಯನ್ನು ನೀಡಿ ಆ ಜಾಗವನ್ನು ಅವನಿಂದಲೇ ಸ್ವಚ್ಛ ಮಾಡಿಸಿದರು. ಸಾರ್ವಜನಿಕ ಹಿತಾಸಕ್ತಿಯ ವಿಷಯದಲ್ಲಿ ಅವರು ತೋರಿಸಿದ ಆಸಕ್ತಿಯನ್ನು ಮೆಚ್ಚದೆ ಇರಲು ಆಗಲಿಲ್ಲ.<br /> ಮೇಲೆ ತಿಳಿಸಿದಂತಹ ಘಟನೆಗಳು ಸಾಮಾನ್ಯವಾಗಿ ದಿನನಿತ್ಯ ಘಟಿಸುತ್ತವೆಯಾದರೂ ಇವು ಹಲವು ರೀತಿಯಲ್ಲಿ ನಾಗರಿಕರ ಕಣ್ಣು ತೆರೆಸುವಂತಿರುತ್ತವೆ.<br /> <br /> ಮನುಷ್ಯರ ಸ್ವಭಾವವನ್ನು ಅವರ ಮೇಲ್ನೋಟದ ಕುರುಹುಗಳಿಂದ, ನಡವಳಿಕೆಯಿಂದ, ಸಿನಿಕತನದಿಂದ ಪೂರ್ವ ನಿರ್ಧಾರ ಮಾಡುವುದು ಸರಿಯಲ್ಲ. ಎಲ್ಲರಲ್ಲೂ ದುಷ್ಟತನ, ಸಮಾಜ ವಿರೋಧಿ ನಡವಳಿಕೆ ಇರಲೇಬೇಕೆಂದಿಲ್ಲ. ಸಮಷ್ಟಿ ಹಿತದ ಸಮಾಜಮುಖಿ ಧೋರಣೆಗಳು ಕೆಲವರಲ್ಲಿ ಮೇಲ್ನೋಟಕ್ಕೇ ಕಾಣುವಂತಿದ್ದರೆ ಕೆಲವರಲ್ಲಿ ಸುಪ್ತವಾಗಿರುತ್ತವೆ.<br /> <br /> ಬಹಿರಂಗವಾಗಿ, ಪ್ರತಿಫಲಾಪೇಕ್ಷೆಯಿಲ್ಲದೆ ಸಮಾಜದ ಹಿತದೃಷ್ಟಿಯಿಂದ ಕೈಗೊಳ್ಳುವ ಇಂತಹ ಕೈಂಕರ್ಯಗಳು ನಮ್ಮನ್ನು ನಿರ್ಲಿಪ್ತತೆಯಿಂದ ಹೊರತಂದು ನಾವೂ ಇಂತಹ ನಡವಳಿಕೆಗಳನ್ನು ಸಾರ್ವಜನಿಕವಾಗಿ ರೂಢಿಸಿಕೊಳ್ಳಲು ಸಹಾಯಕ ಎಂಬುದು ನನ್ನ ಪ್ರಾಮಾಣಿಕ ಅನಿಸಿಕೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
