ಶ್ರೀನಗರ: ಗಡಿ ರಸ್ತೆ ಸಂಸ್ಥೆಯು (ಬಿಆರ್ಒ) ಜಗತ್ತಿನ ಅತ್ಯಂತ ಎತ್ತರದ ವಾಹನ ಸಂಚಾರ ಸಾಧ್ಯವಿರುವ ರಸ್ತೆ ನಿರ್ಮಿಸಿದ ಕೀರ್ತಿಗೆ ಪಾತ್ರವಾಗಿದೆ. ‘ಹಿಮಾಂಕ್ ಯೋಜನೆ’ ಅಡಿಯಲ್ಲಿ ಈ ರಸ್ತೆ ನಿರ್ಮಿಸಲಾಗಿದೆ.
ಇಲ್ಲಿನ ಹವಾಮಾನವು ನಿರ್ಮಾಣ ಕಾಮಗಾರಿಗೆ ಸದಾ ಪ್ರತಿಕೂಲವೇ ಆಗಿತ್ತು. ನಿತ್ಯವೂ ಜೀವಕ್ಕೆ ಸವಾಲು ಒಡ್ಡುವಂತಹ ಪರಿಸ್ಥಿತಿಯಲ್ಲಿ ಈ ರಸ್ತೆ ನಿರ್ಮಿಸಲಾಗಿದೆ ಎಂದು ಹಿಮಾಂಕ್ ಯೋಜನೆಯ ಮುಖ್ಯ ಎಂಜಿನಿಯರ್ ಡಿ.ಎಂ. ಪೂರ್ವಿಮಠ್ ಹೇಳಿದ್ದಾರೆ.
ಡೆಮ್ಚೊಕ್ನಿಂದ ಕೂಗಳತೆ ದೂರದಲ್ಲಿ ಚೀನಾ
ಹವಾಮಾನ:
ಬೇಸಗೆಯಲ್ಲಿ ಮೈನಸ್ 10ರಿಂದ 20 ಡಿಗ್ರಿ ಸೆಲ್ಸಿಯಸ್
ಚಳಿಗಾಲ: ಮೈನಸ್ 40 ಡಿಗ್ರಿ ಸೆಲ್ಸಿಯಸ್
ಆಮ್ಲಜನಕ: ಸಾಮಾನ್ಯ ಸ್ಥಳಗಳಿಗಿಂತ ಶೇ 50ರಷ್ಟು ಕಡಿಮೆ
(ಯಂತ್ರಗಳ ನಿರ್ವಾಹಕರು ಆಮ್ಲಜನಕಕ್ಕಾಗಿ ಪ್ರತಿ 10 ನಿಮಿಷಕ್ಕೊಮ್ಮೆ ಕೆಳಗೆ ಬರಬೇಕಾಗುತ್ತಿತ್ತು)
ಎದುರಿಸಿದ ಸವಾಲುಗಳು
* ಪ್ರತಿಕೂಲ ಹವಾಮಾನದಿಂದಾಗಿ ಮನುಷ್ಯರು ಮತ್ತು ಯಂತ್ರಗಳ ಕಾರ್ಯಕ್ಷಮತೆ ಶೇ 50ರಷ್ಟು ಕುಂಠಿತ
* ಯಂತ್ರಗಳು ಕೆಟ್ಟು ಹೋಗುವುದು ಸಾಮಾನ್ಯ; ಆದರೆ ಅಷ್ಟು ಎತ್ತರದಲ್ಲಿ ದುರಸ್ತಿ ಕಷ್ಟ
* ಸಿಬ್ಬಂದಿ ಎದುರಿಸಿದ ಸಮಸ್ಯೆಗಳು ಅಪಾರ: ನೆನಪು ನಷ್ಟ, ಕಣ್ಣು ಕಾಣದಂತಾಗುವುದು, ಅತಿಯಾದ ರಕ್ತದೊತ್ತಡದಂತಹ ಸಮಸ್ಯೆಗಳು ಕಾಡಿವೆ