ಪ್ಲೇ ಆಫ್‌ಗೆ ಸನ್‌ರೈಸರ್ಸ್‌

7
ರಿಷಭ್ ಪಂತ್ ಶತಕ ವ್ಯರ್ಥ; ಮಿಂಚಿದ ಧವನ್–ಕೇನ್

ಪ್ಲೇ ಆಫ್‌ಗೆ ಸನ್‌ರೈಸರ್ಸ್‌

Published:
Updated:
ಪ್ಲೇ ಆಫ್‌ಗೆ ಸನ್‌ರೈಸರ್ಸ್‌

ನವದೆಹಲಿ: ಶಿಖರ್ ಧವನ್ (ಔಟಾಗದೆ 92;50ಎ, 9ಬೌಂ,4ಸಿ) ಮತ್ತು ಕೇನ್ ವಿಲಿಯಮ್ಸನ್ (ಔಟಾಗದೆ 83; 53ಎ,8ಬೌಂ, 2ಸಿ) ಅವರ ಅಮೋಘ ಆಟದ ಫಲವಾಗಿ ಸನ್‌ರೈಸರ್ಸ್‌ ಹೈದರಾಬಾದ್ ತಂಡವು ಗುರುವಾರ ರಾತ್ರಿ ಫೀರೋಜ್ ಶಾ ಕೋಟ್ಲಾ ಅಂಗಳದಲ್ಲಿ ನಡೆದ ಪಂದ್ಯದಲ್ಲಿ ಡೆಲ್ಲಿ ಡೇರ್‌ಡೆವಿಲ್ಸ್‌ ವಿರುದ್ಧ 9 ವಿಕೆಟ್‌ಗಳಿಂದ ಜಯಿಸಿತು.

ಇದರಿಂದಾಗಿ ಸನ್‌ರೈಸರ್ಸ್‌ ತಂಡವು ಪ್ಲೇ ಆಫ್‌ ಹಂತದಲ್ಲಿ ಆಡುವುದು ಖಚಿತವಾಯಿತು. ಆದರೆ ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದ ಕನಸು ಭಗ್ನವಾಯಿತು.

ಟಾಸ್ ಗೆದ್ದ ಡೆಲ್ಲಿ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ರಿಷಭ್ ಪಂತ್ (ಔಟಾಗದೆ 128; 63ಎ, 15ಬೌಂ, 7ಸಿ) ಅವರ  ಆಟದ ಬಲದಿಂದ  20 ಓವರ್‌ಗಳಲ್ಲಿ 5 ವಿಕೆಟ್‌ಗಳಿಗೆ 187 ರನ್‌ ಗಳಿಸಿತು. ಗುರಿ ಬೆನ್ನತ್ತಿದ ಸನ್‌ರೈಸರ್ಸ್‌ ತಂಡವು  18.5 ಓವರ್‌ಗಳಲ್ಲಿ 1 ವಿಕೆಟ್‌ಗೆ 191 ರನ್‌ ಗಳಿಸಿತು.

ಸನ್‌ರೈಸರ್ಸ್‌ ತಂಡವು ಎರಡನೇ ಓವರ್‌ನಲ್ಲಿ ಅಲೆಕ್ಸ್‌ ಹೇಲ್ಸ್‌ ವಿಕೆಟ್‌ ಕಳೆದುಕೊಂಡಿತು. ನಂತರ ಜೊತೆಗೂಡಿದ ಧವನ್ ಮತ್ತು ನಾಯಕ ಕೇನ್ ಮುರಿಯದ ಎರಡನೇ ವಿಕೆಟ್‌ ಜೊತೆಯಾಟದಲ್ಲಿ 176 ರನ್‌ ಗಳಿಸಿ ಜಯದ ರೂವಾರಿಯಾದರು.

ಪಂತ್ ಶತಕದ ಮಿಂಚು: ಶ್ರೇಷ್ಠ ಬೌಲಿಂಗ್ ಪಡೆ ಇರುವ ಸನ್‌ರೈಸರ್ಸ್‌ ತಂಡವು ಆರಂಭಿಕ ಹಂತದಲ್ಲಿ ಯಶಸ್ಸು ಸಾಧಿಸಿತು. ಡೆಲ್ಲಿ ತಂಡವು ನಾಲ್ಕು ಓವರ್‌ಗಳಲ್ಲಿ 21 ರನ್‌ ಗಳಿಸಿದ್ದಾಗ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡಿತು. ನಾಯಕ ಶ್ರೇಯಸ್ ಅಯ್ಯರ್ (3 ರನ್) ಕೂಡ ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ನಿಲ್ಲಲಿಲ್ಲ. ಆದರೆ, ಇನ್ನೊಂದು ಬದಿಯಲ್ಲಿದ್ದ ರಿಷಭ್ ಮಾತ್ರ ಬೌಲರ್‌ಗಳಿಗೆ ಅಳುಕಲಿಲ್ಲ. ಕೇವಲ 56 ಎಸೆತಗಳಲ್ಲಿ 100ರ ಗಡಿ ತಲುಪಿದರು.  ಈ ಟೂರ್ನಿಯಲ್ಲಿ ಶತಕ ದಾಖಲಿಸಿದ ಮೂರನೇ ಬ್ಯಾಟ್ಸ್‌ಮನ್ ಆದರು.

ರಿಷಭ್ ಮತ್ತು ಹರ್ಷಲ್ ಪಟೇಲ್ (24;17ಎ. 2ಸಿ)  ನಾಲ್ಕನೇ ವಿಕೆಟ್‌ ಜೊತೆಯಾಟದಲ್ಲಿ 56 ರನ್‌ಗಳನ್ನು ಸೇರಿಸಿದರು. 14ನೇ ಓವರ್‌ನಲ್ಲಿ ಪಟೇಲ್ ಔಟಾದರು. ನಂತರ ರಿಷಭ್ ಜೊತೆ ಗೂಡಿದ ಗ್ಲೆನ್ ಮ್ಯಾಕ್ಸ್‌ವೆಲ್ 9 ರನ್ ಗಳಿಸಿದರು. ಇವರಿಬ್ಬರು ಐದನೇ ವಿಕೆಟ್‌ ಜೊತೆಯಾಟದಲ್ಲಿ 63 ರನ್‌ಗಳು ಸೇರಿದವು.

ಸಂಕ್ಷಿಪ್ತ ಸ್ಕೋರ್: 20 ಓವರ್‌ಗಳಲ್ಲಿ 5 ವಿಕೆಟ್‌ಗಳಿಗೆ 187 (ಜೇಸನ್ ರಾಯ್ 11, ರಿಷಭ್ ಪಂತ್ 128, ಹರ್ಷಲ್ ಪಟೇಲ್ 24, ಭುವನೇಶ್ವರ್ ಕುಮಾರ್ 51ಕ್ಕೆ1, ಶಕೀಬ್ 27ಕ್ಕೆ2) 

ಸನ್‌ರೈಸರ್ಸ್‌ ಹೈದರಾಬಾದ್: 18.5 ಓವರ್‌ಗಳಲ್ಲಿ 1 ವಿಕೆಟ್‌ಗೆ 191 (ಅಲೆಕ್ಸ್‌ ಹೇಲ್ಸ್‌ 14, ಶಿಖರ್ ಧವನ್ ಔಟಾಗದೆ 92, ಕೇನ್ ವಿಲಿಯಮ್ಸನ್ ಔಟಾಗದೆ 83) 

ಫಲಿತಾಂಶ: ಸನ್‌ರೈಸರ್ಸ್ ತಂಡಕ್ಕೆ 9 ವಿಕೆಟ್‌ಗಳ ಜಯ. ಪಂದ್ಯಶ್ರೇಷ್ಠ: ಶಿಖರ್‌ ಧವನ್‌

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry