ವಿಜಯವಾಡ: ಭಾರತದ ಜೆನ್ನಿಫರ್ ವರ್ಗೀಸ್ ಮತ್ತು ದಿವ್ಯಾನ್ಶಿ ಭೌಮಿಕ್ ಜೋಡಿ, ಸ್ಲೊವೇನಿಯಾದ ನೋವಾ ಗೊರಿಕಾದಲ್ಲಿ ನಡೆಯುತ್ತಿರುವ ಐಟಿಟಿಎಫ್‌ ವಿಶ್ವ ಯೂತ್‌ ಚಾಂಪಿಯನ್‌ಷಿಪ್‌ನಲ್ಲಿ 15 ವರ್ಷದೊಳಗಿನ ಬಾಲಕಿಯರ ಡಬಲ್ಸ್‌ ಫೈನಲ್ ತಲುಪಿದ್ದಾರೆ.
ಶುಕ್ರವಾರ ರಾತ್ರಿ ನಡೆದ ಸೆಮಿಫೈನಲ್‌ನಲ್ಲಿ ಭಾರತದ ಆಟಗಾರ್ತಿಯರು 14–12, 11–9, 11–8 ರಿಂದ ಫ್ರಾನ್ಸ್–ಚೀನಾ ಜೋಡಿಯಾದ ಲಿಯೊನಾ ಹೊಚಾರ್ಟ್‌–ನಿನಾ ಗುವೊ ಝೆಂಗ್‌ ಅವರನ್ನು ಸೋಲಿಸಿದರು. 15 ವರ್ಷ ದೊಳಗಿನ ಮಿಶ್ರ ಡಬಲ್ಸ್‌ನಲ್ಲಿ ಜೆನ್ನಿಫರ್– ಆರ್‌.ಅಭಿನಂದನ್ ಜೋಡಿ ಕಂಚಿನ ಪದಕ ಗೆದ್ದುಕೊಂಡಿದೆ. ಇವರಿಬ್ಬರು ಚೀನಾ ಜೋಡಿಯನ್ನು ಸೋಲಿಸಿದರು.
