ಪುಣೆ : ಆತಿಥೇಯ ಮಹಾರಾಷ್ಟ್ರ, ಭಾನುವಾರ ಇಲ್ಲಿ ಮುಗಿದ ಖೇಲೋ ಇಂಡಿಯಾ ಯುವ ಕ್ರೀಡಾಕೂಟದಲ್ಲಿ ಸಮಗ್ರ ಪ್ರಶಸ್ತಿ ಜಯಿಸಿದೆ.
ಮಹರಾಷ್ಟ್ರ ತಂಡದವರು ಒಟ್ಟು 228 ಪದಕಗಳನ್ನು ಗೆದ್ದು ಪಟ್ಟಿಯಲ್ಲಿ ಅಗ್ರಸ್ಥಾನ ಗಳಿಸಿದ್ದಾರೆ. ಇದರಲ್ಲಿ 85 ಚಿನ್ನ, 62 ಬೆಳ್ಳಿ ಮತ್ತು 81 ಕಂಚಿನ ಪದಕಗಳು ಸೇರಿವೆ.
ಹರಿಯಾಣ ತಂಡದವರು ರನ್ನರ್ಸ್ ಅಪ್ ಆಗಿದ್ದಾರೆ. ಈ ತಂಡ 178 ಪದಕಗಳನ್ನು (62 ಚಿನ್ನ, 56 ಬೆಳ್ಳಿ ಮತ್ತು 60 ಕಂಚು) ಜಯಿಸಿದೆ. 136 ಪದಕಗಳನ್ನು ಗೆದ್ದ ದೆಹಲಿ ಮೂರನೇ ಸ್ಥಾನ ತನ್ನದಾಗಿಸಿಕೊಂಡಿದೆ.
ಸುರಭಿ, ಮಾನುಷ್ ಚಾಂಪಿಯನ್: ಅಂತಿಮ ದಿನ ನಡೆದ 21 ವರ್ಷದೊಳಗಿನ ಬಾಲಕರ ಮತ್ತು ಬಾಲಕಿಯರ ಟೇಬಲ್ ಟೆನಿಸ್ ಸ್ಪರ್ಧೆಗಳಲ್ಲಿ ಪಶ್ಚಿಮ ಬಂಗಾಳದ ಸುರಭಿ ಪಟ್ವಾರಿ ಮತ್ತು ಗುಜರಾತ್ನ ಮಾನುಷ್ ಶಾ ಚಾಂಪಿಯನ್ ಆದರು.