ಅತಿ ದೊಡ್ಡ ಬಂದರು
ವಿಶ್ವದಲ್ಲೇ ಅತಿ ದೊಡ್ಡ ಹಾಗೂ ಸುಂದರವಾದ ಸ್ವಾಭಾವಿಕ ಬಂದರು ಸಿಡ್ನಿಯದ್ದು. 240 ಕಿ.ಮೀ. ಉದ್ದದ ಬಂದರು ಇದು. ಸಿಡ್ನಿ ಗೋಪುರದ ಎಲಿವೇಟರ್ ಹತ್ತಿದರೆ ಸಿಡ್ನಿ ನಗರದ ಪಕ್ಷಿನೋಟ ಕಾಣುತ್ತದೆ. ಸಿಡ್ನಿಯ ಒಪೆರಾ ಹೌಸ್, ಸೇತುವೆ, ರಾಷ್ಟ್ರೀಯ ಉದ್ಯಾನ ಎಲ್ಲವನ್ನೂ ಕಣ್ತುಂಬಿಕೊಳ್ಳಬಹುದು. ಆಸ್ಟ್ರೇಲಿಯಾದ ಅತಿ ದೊಡ್ಡ ಮಾನವ ನಿರ್ಮಿತ ರಚನೆ ಸಿಡ್ನಿ ಗೋಪುರ ಎನ್ನುವುದು ಇನ್ನೊಂದು ವಿಶೇಷ.
ವಿಲಕ್ಷಣ ಪ್ಲಾಟಿಪಸ್
ಆಸ್ಟ್ರೇಲಿಯಾದ ಪ್ರಾಣಿ ಪ್ಲಾಟಿಪಸ್ ವಿಲಕ್ಷಣವಾಗಿದೆ. ಇಂಗ್ಲೆಂಡ್ನ ಪ್ರಕೃತಿಜೀವಿ ತಜ್ಞರು 18ನೇ ಶತಮಾನದಲ್ಲಿ ಮೊದಲು ಇದನ್ನು ಅಧ್ಯಯನ ಮಾಡಿದರು. ಇಲಿಯ ದೇಹಕ್ಕೆ ಬಾತುಕೋಳಿಯ ಕಾಲು, ಕೊಕ್ಕನ್ನು ಸಿಕ್ಕಿಸಿದಂತಿದೆ ಎಂದು ಅವರು ತಮಾಷೆ ಮಾಡಿದ್ದರು.