ಶನಿವಾರ, 20 ಏಪ್ರಿಲ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಜಯದೇವಿ ಗಾಯಕವಾಡ ಅವರ ಕವಿತೆ: ಹೆಣ್ಣೆಂದರೆ....!!

ಜಯದೇವಿ ಗಾಯಕವಾಡ
Published 2 ಮಾರ್ಚ್ 2024, 23:06 IST
Last Updated 2 ಮಾರ್ಚ್ 2024, 23:06 IST
ಅಕ್ಷರ ಗಾತ್ರ

ಹೆಣ್ಣೆಂದರೆ....!!

ಹೆಣ್ಣೆಂದರೆ ಫಲವತ್ತಾದ ಮಣ್ಣು
ನಡೆದಾಡುವ ಸುಳಿದಾಡುವ ಗಾಳಿ
ಕತ್ತಲೆಯ ಮಹಾ ಸಾಮ್ರಾಜ್ಯಕ್ಕೆ
ಮಹಾಬೆಳಕು ಅವಳು

ಹರಿಯುವ ಪ್ರಶಾಂತ ಮಹಾನದಿ                                

 ಮಹಾ ಕಾವ್ಯ ಮಹಾ ಕಾದಂಬರಿ
 ಬತ್ತದ ಆರಿಹೋಗದ ಕಣಜದಂತೆ
 ಕೋಗಿಲೆಯಾಗಿ ಹಾಡುತ್ತಾ ನಿಂತ
 ಮಹಾಕವಿ ಕವಯತ್ರಿ ಅವಳು

 ನೋವಿನಲ್ಲಿ ಎದ್ದು ನೋವಿನಲ್ಲಿ ಮಲಗಿದವಳು

ಸಂಕಟ ಯಾತನೆ ಗಟಗಟನೆ ಕುಡಿದವಳು
ಅವಳಿಗಿಲ್ಲ ಧಿಮಾಕು ಬಹುಪರಾಕು
ಎಲ್ಲ ಬಲ್ಲವಳು ಆದರೂ ಮಹಾಮೌನಿ ಅವಳು

ಬೆಂಕಿಯಲ್ಲಿ ನಡೆದು ಮಹಾ ಬೆಂಕಿಯಾದವಳು

ಬಂಡೆಗಲ್ಲನ್ನೇ ಒಡೆದು ನೀರು ಚಿಮ್ಮಿಸಿದವಳು

ಸಂಸಾರದ ಭಾರವನ್ನೆಲ್ಲ ಹೊತ್ತ

ಮಹಾಪರ್ವದಂತೆ  ಬಂಡೆಗಲ್ಲಾಗಿ  ನಿಂತವಳು

ಹೆಣ್ಣೆಂದರೆ ಕಾಗೆ ಬಳಗದವಳು
ಹಂಚಿ ಉಂಡು ನಕ್ಕು ನಲಿವಳು
ಮುಳ್ಳುಗಳ ಜೊತೆ ಹೂವಾಗಿ ಅರಳಿದವಳು
ಇವಳಿಗೆ ಮತ್ತೊಂದು ಹೆಸರು ಬೇಕೆ ?  

ಮಹಾ ಮಾನವತಾವಾದಿ ಅವಳು!!

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT