ಫುಟ್‌ಬಾಲ್: ಡ್ರಾ ಪಂದ್ಯದಲ್ಲಿ ಎಚ್‌ಎಎಲ್
ಅಕ್ಷರ ಗಾತ್ರ :ಆ |ಆ |ಆ
ಕಣ್ಣೂರು (ಪಿಟಿಐ): ಬೆಂಗಳೂರಿನ ಎಚ್‌ಎಎಲ್ ತಂಡದವರು ಇಲ್ಲಿ ನಡೆಯುತ್ತಿರುವ ಐ-ಲೀಗ್ ಫುಟ್‌ಬಾಲ್ ಟೂರ್ನಿಯ ಪಂದ್ಯದಲ್ಲಿ ವಿವಾ ಕೇರಳ ಎದುರು 1-1 ಗೋಲಿನಿಂದ ಡ್ರಾ ಮಾಡಿಕೊಂಡಿದ್ದಾರೆ. ವಿರಾಮದ ವೇಳೆಗೆ ಉಭಯ ತಂಡಗಳು ಯಾವುದೇ ಗೋಲು ಗಳಿಸಿರಲಿಲ್ಲ. ಆದರೆ ದ್ವಿತೀಯಾರ್ಧದಲ್ಲಿ ಎಚ್‌ಎಎಲ್ ಆಕ್ರಮಣಕಾರಿ ಆಟಕ್ಕೆ ಮುಂದಾಯಿತು. ಪರಿಣಾಮ 55ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿ ಅವಕಾಶವನ್ನು ಜೆ,ಮುರಳಿ ಗೋಲಾಗಿ ಪರಿವರ್ತಿಸಿದರು.
ಆದರೆ ಈ ಸಂತೋಷ ಹೆಚ್ಚು ಕಾಲ ಉಳಿಯಲಿಲ್ಲ. ಕಾರಣ ವಿವಾ ತಂಡ 57ನೇ ನಿಮಿಷದಲ್ಲಿ ಚೆಂಡನ್ನು ಗುರಿ ಸೇರಿಸಿತು. ಆ ಶ್ರೇಯಸ್ಸು ಮಿಡ್‌ಫೀಲ್ಡರ್ ಅನಿಲ್ ಕುಮಾರ್‌ಗೆ ಸಲ್ಲಬೇಕು. ಪರಿಣಾಮ ಪಂದ್ಯ 1-1 ಸಮಬಲವಾಯಿತು. ಬಳಿಕ ಉಭಯ ತಂಡಗಳು ಗೋಲು ಗಳಿಸಲು ವಿಫಲವಾದವು. ಎಚ್‌ಎಎಲ್ ಈ ಮೊದಲು ಬಲಿಷ್ಠ ಮೋಹನ್ ಬಾಗನ್ ಹಾಗೂ ಡುರ್ಯಾಂಡ್ ಕಪ್ ರನ್ನರ್ ಅಪ್ ಜೆಸಿಟಿ ತಂಡಕ್ಕೆ ಶಾಕ್ ನೀಡಿತ್ತು. ಬಳಿಕ ಮುಂಬೈ ಫುಟ್‌ಬಾಲ್ ಕ್ಲಬ್ ಎದುರು ಸೋಲು ಕಂಡಿತ್ತು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
