ನವದೆಹಲಿ (ಪಿಟಿಐ): ಭಾರತದ ಅನಕಾ ಅಲಂಕಮೊನಿ ಆಸ್ಟ್ರೇಲಿಯಾದ ಕ್ವೀನ್ಸ್ಲ್ಯಾಂಡ್ನಲ್ಲಿ ನಡೆದ ಇಪ್ಸ್ವಿಚ್ ಓಪನ್ ಮಹಿಳಾ ಸ್ಕ್ವಾಷ್ ಟೂರ್ನಿಯಲ್ಲಿ ಚಾಂಪಿಯನ್ ಆದರು.
ಭಾನುವಾರ ನಡೆದ ಫೈನಲ್ನಲ್ಲಿ ಅನಕಾ 11-8, 13-11, 11-5 ರಲ್ಲಿ ನ್ಯೂಜಿಲೆಂಡ್ನ ಕೈಲೀ ಲಿಂಡ್ಸೆ ಅವರನ್ನು ಮಣಿಸಿದರು. ಭಾರತದ 18ರ ಹರೆಯದ ಸ್ಪರ್ಧಿಗೆ ಮಹಿಳೆಯರ ವೃತ್ತಿಪರ ಟೂರ್ನಲ್ಲಿ ದೊರೆತ ಎರಡನೇ ಪ್ರಶಸ್ತಿ ಇದು. ಆದೇ ರೀತಿ ಅನಕಾ ವಿದೇಶಿ ನೆಲದಲ್ಲಿ ಇದೇ ಮೊದಲ ಬಾರಿ ಚಾಂಪಿಯನ್ ಆಗಿದ್ದಾರೆ.
