ಮುಂಬೈ : ಮುಂಬೈ ಷೇರು ವಿನಿಮಯ ಕೇಂದ್ರವು (ಬಿಎಸ್ಇ) ಮೂರನೇ ತ್ರೈಮಾಸಿಕದಲ್ಲಿ ₹ 58.67 ಕೋಟಿ ನಿವ್ವಳ ಲಾಭ ಗಳಿಸಿದೆ.
ಕಳೆದ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ₹ 52.77 ಕೋಟಿ ಲಾಭ ಗಳಿಸಿತ್ತು. ಇದಕ್ಕೆ ಹೋಲಿಸಿದರೆ ಈ ಬಾರಿ ಲಾಭ ಪ್ರಮಾಣ ಶೇ 11 ರಷ್ಟು ಏರಿಕೆ ಕಂಡಿದೆ.
ಕಾರ್ಯಾಚರಣೆ ವರಮಾನ ₹ 86.40 ಕೋಟಿಗಳಿಂದ ₹ 125.70 ಕೋಟಿಗಳಿಗೆ ಏರಿಕೆಯಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಷೇರು ನಗದು ವಿಭಾಗದ ವಹಿವಾಟು ಶೇ 57 ರಷ್ಟು ಹೆಚ್ಚಾಗಿದ್ದು, ₹4,781 ಕೋಟಿಗಳಿಗೆ ಏರಿಕೆ ಕಂಡಿದೆ.
‘9 ತಿಂಗಳ ಅವಧಿಯಲ್ಲಿ ನಿವ್ವಳ ಲಾಭ ₹ 160 ಕೋಟಿಯಿಂದ ₹ 649 ಕೋಟಿಗಳಿಗೆ ಶೇ 305 ರಷ್ಟು ಭಾರಿ ಏರಿಕೆ ದಾಖಲಿಸಿದೆ’ ಎಂದು ಬಿಎಸ್ಇ ಸಿಇಒ ಆಶಿಶ್ ಕುಮಾರ್ ಚೌಹಾಣ್ ಅವರು ಮಾಹಿತಿ ನೀಡಿದ್ದಾರೆ.