ನವೋದ್ಯಮ ತೆರಿಗೆ ವಿನಾಯಿತಿ ಮುಂದುವರಿಕೆ: ನಿರ್ಮಲಾ ಸೀತಾರಾಮನ್

‘ತೆರಿಗೆ ಕ್ರಮದಲ್ಲಿ ಯಥಾಸ್ಥಿತಿ ಮುಂದುವರಿಸುವ ಉದ್ದೇಶದಿಂದ ನಾನು, ತೆರಿಗೆ ವಿನಾಯಿತಿಗಳನ್ನು 2025ರ ಮಾರ್ಚ್ 31ರವರೆಗೆ ವಿಸ್ತರಿಸುವ ಪ್ರಸ್ತಾವ ಮಾಡುತ್ತಿದ್ದೇನೆ’ ಎಂದು ನಿರ್ಮಲಾ ಸೀತಾರಾಮನ್ ಅವರು ಮಧ್ಯಂತರ ಬಜೆಟ್ ಭಾಷಣದಲ್ಲಿ ಹೇಳಿದರು.

ಸರ್ಕಾರವು ಮಾನ್ಯತೆ ನೀಡಿರುವ 1.17 ಲಕ್ಷ ನವೋದ್ಯಮಗಳು ‘ಸ್ಟಾರ್ಟಪ್‌ ಇಂಡಿಯಾ’ ಕ್ರಿಯಾ ಯೋಜನೆಯ ಅಡಿಯಲ್ಲಿ ತೆರಿಗೆ ವಿನಾಯಿತಿಗಳನ್ನು ಪಡೆದುಕೊಳ್ಳಬಹುದು. 

ಶಾರ್ದೂಲ್ ಅಮರಚಂದ್‌ ಮಂಗಲದಾಸ್ ಆ್ಯಂಡ್‌ ಕಂಪನಿಯ ಪಾಲುದಾರರಾದ ಗೌರಿ ಪುರಿ ಅವರು, ‘ನಿರೀಕ್ಷೆಯಂತೆಯೇ ಮಧ್ಯಂತರ ಬಜೆಟ್‌ನಲ್ಲಿ ಕೇಂದ್ರ ಸರ್ಕಾರವು ನೀತಿ ನಿಯಮಗಳ ವಿಚಾರದಲ್ಲಿ ಸಂಯಮ ಕಾಯ್ದುಕೊಂಡಿದೆ’ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. ತೆರಿಗೆ ವಿನಾಯಿತಿಗಳನ್ನು ಮುಂದುವರಿಸುವ ಘೋಷಣೆಯು ಸ್ವಾಗತಾರ್ಹ ಎಂದು ಹೇಳಿದ್ದಾರೆ.