ಖ್ಯಾತ ಸಾಹಸ ನಿರ್ದೇಶಕ ಕೌರವ ವೆಂಕಟೇಶ್ ಆ್ಯಕ್ಷನ್‌–ಕಟ್‌ ಹೇಳಲು ಸಿದ್ಧರಾಗಿದ್ದಾರೆ. ಚಿತ್ರಕ್ಕೆ ‘ಕೊಕೇನ್’ ಎಂದು ಹೆಸರಿಡಲಾಗಿದ್ದು ಶೀಘ್ರದಲ್ಲಿ ಸೆಟ್ಟೇರಲಿದೆ.
‘‘ಬಿ.ಸಿ.ಪಾಟೀಲ್ ಅಭಿನಯದ ‘ಕೌರವ’ ಚಿತ್ರದ ಮೂಲಕ ಸಾಹಸ ನಿರ್ದೇಶಕರಾಗಿ ಪಾದಾರ್ಪಣೆ ಮಾಡಿದೆ. ಇಲ್ಲಿಯವರೆಗೂ 1600ಕ್ಕೂ ಹೆಚ್ಚು ಚಿತ್ರಗಳಿಗೆ ಸಾಹಸ ನಿರ್ದೇಶನ ಮಾಡಿದ್ದೇನೆ. ಈಗ ನನ್ನದೇ ಕಥೆಯೊಂದನ್ನು ನಿರ್ದೇಶನ ಮಾಡಲು ಹೊರಟಿರುವೆ. ಚಿತ್ರವು ದೇಶಪ್ರೇಮ ಸಾರುವ ಅಂಶಗಳನ್ನು ಒಳಗೊಂಡಿದೆ. ಮುಖ್ಯಂತ್ರಿ ಸಿದ್ದರಾಮಯ್ಯ ಚಿತ್ರಕ್ಕೆ ಚಾಲನೆ ನೀಡಲಿದ್ದಾರೆ’’ ಎನ್ನುತ್ತಾರೆ ವೆಂಕಟೇಶ್.
‘ಬಿಗ್‌ಬಾಸ್‌’ ಖ್ಯಾತಿಯ ಪ್ರಥಮ್‌ ಈ ಚಿತ್ರದ ನಾಯಕ. ಅಯೋಧ್ಯರಾಮ್ ಪ್ರೊಡಕ್ಷನ್ ಬಂಡವಾಳ ಹೂಡುತ್ತಿದೆ. ‘ನಾಯಕಿ ಹಾಗೂ ಉಳಿದ ತಂತ್ರಜ್ಞರ ಆಯ್ಕೆ ನಡೆಯುತ್ತಿದೆ’ ಎಂದು ಚಿತ್ರತಂಡ ಹೇಳಿದೆ.
