ನನ್ನ ಕಣ್ಣೇ ಹಸುರಾಗಿದೆಯೇನೋ ಎಂದು ಭ್ರಮೆ ಹುಟ್ಟಿಸಿದ ಬೆಟ್ಟದೆಡೆಗೆ ಕ್ಯಾಮೆರಾ ಹಿಡಿದು ಹೆಜ್ಜೆ ಹಾಕಿದೆ. ಒಂದರ್ಧ ಗಂಟೆಯಲ್ಲಿ ಬಗೆಬಗೆಯ ಕೀಟಗಳು, ಧ್ಯಾನಸ್ಥ ಬಿಂಬಿ, ಪತಂಗ, ಮಧು ಹೀರುವ ಜೇನುನೊಣ, ಮನುಷ್ಯನ ಮುಖವಾಡ ತೊಟ್ಟಿದ್ದ ಜೇಡ, ಕಂಬಳಿಹುಳ, ಫ್ಲ್ಯಾಷ್ನಂತೆ ಬಂದು ಹೋದ ಬಿಸಿಲಿನಲ್ಲಿ ರಸ್ತೆ ದಾಡುತ್ತಿದ್ದ ಊಸರವಳ್ಳಿ ಫೋಟೊಕ್ಕೆ ಪೋಸು ಕೊಟ್ಟವು. ಮಲೆನಾಡಿನ ವಿಶೇಷವೇ ಅದು. ಎತ್ತ ಕಣ್ಣು ಹಾಯಿಸಿದರೂ ಕ್ಯಾಮೆರಾ ಕಣ್ಣಿಗೆ ಸಿಗುವ ಪಟಗಳೇ ಕಾಣುತ್ತವೆ.