<p>ಸಿಲಿಕಾನ್ ನಗರಿ, ಉದ್ಯಾನ ನಗರಿ ಎಂಬ ಹೆಸರು ಹೊತ್ತ ಬೆಂಗಳೂರು ಕಲೆಯ ತವರು ಕೂಡ ಹೌದು.<br /> <br /> ದೇಶ ವಿದೇಶದ ವಿವಿಧ ಬಗೆಯ ಕಲೆಗಳನ್ನು ಇಲ್ಲಿನ ಕಲಾ ರಸಿಕರು ನೋಡಿ ಆನಂದಿಸುವುದರೊಂದಿಗೆ ಅದನ್ನು ಕಲಿಯಲು ಕೂಡ ಇಷ್ಟ ಪಡುತ್ತಾರೆ. ಅದಕ್ಕೆ ಹೊಸ ಸೇರ್ಪಡೆ- ರಾಷ್ಟ್ರೀಯ ನಾಟಕ ಶಾಲೆ (ಎನ್ಎಸ್ಡಿ) ನಗರದಲ್ಲಿ ಪ್ರಾರಂಭವಾಗುತ್ತಿರುವುದು.<br /> <br /> ರಂಗಭೂಮಿಗೂ ಎನ್ಎಸ್ಡಿಗೂ ಮೊದಲಿನಿಂದಲೂ ನಂಟು. ನಾಟಕಗಳಲ್ಲಿ ತೊಡಗಿಸಿಕೊಳ್ಳುವ ಅನೇಕರು ರಾಷ್ಟ್ರೀಯ ನಾಟಕ ಶಾಲೆಯಲ್ಲಿ ಕಲಿತು ಬರಬೇಕೆಂದು ಹಂಬಲಿಸುವುದುಂಟು.<br /> <br /> ನಾಸಿರುದ್ದೀನ್ ಷಾ, ಶಬಾನ ಆಜ್ಮಿ, ಅರುಂಧತಿ ನಾಗ್ ಸೇರಿದಂತೆ ಹಲವು ರಂಗಕರ್ಮಿಗಳು ಇಲ್ಲಿಂದಲೇ ಕಲಿತು ಬಂದವರು. ರಾಷ್ಟ್ರೀಯ ನಾಟಕ ಶಾಲೆ ನಗರದಲ್ಲಿ ಪ್ರಾರಂಭಿಸಬೇಕೆಂಬ ಪ್ರಸ್ತಾವನೆಗೆ ಕೇಂದ್ರ ಸರ್ಕಾರ ಕೊನೆಗೂ ಅಸ್ತು ಎಂದಿದೆ. <br /> <br /> `ದಕ್ಷಿಣದ ಬೇರೆ ಎಲ್ಲ ರಾಜ್ಯಗಳಿಗಿಂತ ಹೆಚ್ಚು ಮಂದಿ (54) ಕರ್ನಾಟಕ ಮೂಲದವರೇ ಎನ್ಎಸ್ಡಿಯಲ್ಲಿ ಕಲಿತಿದ್ದಾರೆಂಬುದು ಹೆಮ್ಮೆಯ ವಿಷಯ. ಅಲ್ಲಿ ಕಲಿತು ಬಂದವರು ವಿನೂತನ ರಂಗ ಪ್ರಯೋಗದಲ್ಲಿ ತೊಡಗಿಸಿಕೊಂಡಿರುವುದರಿಂದ ಇಲ್ಲಿ ನಾಟಕ ಶಾಲೆ ಪ್ರಾರಂಭಿಸುವುದು ಸೂಕ್ತ~ ಎಂದು ಎನ್ಎಸ್ಡಿ ಪ್ರಾದೇಶಿಕ ನಿರ್ದೇಶಕ ಸುರೇಶ್ ಆನಗಳ್ಳಿ ಅಭಿಪ್ರಾಯ ಪಡುತ್ತಾರೆ.<br /> <br /> ಕಲಾಗ್ರಾಮದ ಹತ್ತಿರ ಮೂರು ಎಕರೆ ಭೂಮಿ ಮಂಜೂರು ಮಾಡುವಂತೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಗೆ ಅರ್ಜಿ ಸಲ್ಲಿಸಲಾಗಿತ್ತು. ಈ ವರ್ಷಾಂತ್ಯದಲ್ಲಿ ಕಟ್ಟಡ ನಿರ್ಮಾಣ ಕೆಲಸ ಶುರುವಾಗಲಿದ್ದು, ಇನ್ನು ಮೂರು ವರ್ಷದಲ್ಲಿ ಸಂಪೂರ್ಣ ಕಾಮಗಾರಿ ಕೆಲಸ ಪೂರ್ಣಗೊಳ್ಳುವ ವಿಶ್ವಾಸ ಅವರದ್ದು. <br /> <br /> ಈ ಬಗ್ಗೆ ಪ್ರತಿಕ್ರಿಯಿಸಿದ ರಂಗಕರ್ಮಿ ಅರುಂಧತಿ ನಾಗ್, `ದೇಶದಲ್ಲಿ ಅನುಭವಿ ರಂಗಕರ್ಮಿಗಳ ಕೊರತೆ ಕಾಣುತ್ತಿದೆ. ಹೀಗಾಗಿ ಇಲ್ಲಿ ಎನ್ಎಸ್ಡಿ ಪ್ರಾರಂಭವಾಗುತ್ತಿರುವುದು ಸಕಾರಾತ್ಮಕ ಬೆಳವಣಿಗೆ~ ಎಂದರು.<br /> <br /> ಒಟ್ಟು ನಾಲ್ಕು ರಾಜ್ಯಗಳ ನಾಟಕ ಕಲಿಯುವ ವಿದ್ಯಾರ್ಥಿಗಳಿಗೆ ಇದೊಂದು ಉತ್ತಮ ವೇದಿಕೆಯಾಗಲಿದೆ. ಇಂಗ್ಲಿಷ್ ಭಾಷೆಯ ಪಠ್ಯಕ್ರಮ ಇರುವುದರಿಂದ ಇದು ಎಲ್ಲರಿಗೂ ಅರ್ಥವಾಗಲಿದೆ ಎನ್ನುತ್ತಾರೆ ಸುರೇಶ್ ಆನಗಳ್ಳಿ. <br /> <br /> ಸ್ಥಳೀಯ ಭಾಷೆಗಳಲ್ಲಿ ಪಠ್ಯಕ್ರಮ ರೂಪಿಸುವ ಅಗತ್ಯವಿದೆ. ಪ್ರತಿಯೊಬ್ಬರಿಗೂ ಅವರವರ ಭಾಷೆಯಲ್ಲಿ ಹೇಳಿಕೊಡುವುದರಿಂದ ಹೆಚ್ಚು ಜನರು ಇದರ ಸದುಪಯೋಗ ಪಡೆದುಕೊಳ್ಳಬಹುದು. ಉದಾಹರಣೆಗೆ ಹಿಂದಿ ಮಾಧ್ಯಮದಲ್ಲಿ ಹೇಳಿಕೊಟ್ಟರೆ ಅದು ಹಿಂದಿ ಭಾಷೆ ಬರುವವರಿಗೆ ಮಾತ್ರ ಸೀಮಿತವಾಗುತ್ತದೆ. ಈ ನಿಟ್ಟಿನಲ್ಲಿ ಕನ್ನಡದ ಪಠ್ಯಕ್ರಮಗಳನ್ನು ಕೂಡ ಅಳವಡಿಸುವ ಅಗತ್ಯವಿದೆ ಎಂಬುದು ರಂಗಕರ್ಮಿ ಪ್ರಸನ್ನ ಕಿವಿಮಾತು.<br /> <br /> `ಸ್ಥಳೀಯರಿಗೆ ಆತ್ಮೀಯರಾಗುವುದು ಕನ್ನಡ ಭಾಷೆಯಲ್ಲಿ. ಎನ್ಎಸ್ಡಿ ನಾಟಕಗಳು ಜನರಿಗೆ ತಲುಪಬೇಕಾದರೆ ಕಥಾವಸ್ತು ಕನ್ನಡದಲ್ಲಿ ಇದ್ದರೆ ಹೆಚ್ಚು ಜನರಿಗೆ ತಲುಪಬಹುದು~ ಎಂಬುದನ್ನು ಅರುಂಧತಿ ಕೂಡ ಸಮರ್ಥಿಸುತ್ತಾರೆ. <br /> <br /> `ಬೋಧನೆಯು ಬಹುಭಾಷೆಯಲ್ಲಿರುವುದೇ ಸೂಕ್ತ. ಇದರಿಂದ ಅನೇಕರಿಗೆ ಉಪಯೋಗವಾಗಲಿದೆ. ಇಲ್ಲವಾದಲ್ಲಿ ಭಾಷೆಯ ಕಾರಣಕ್ಕೇ ತಗಾದೆ ಸೃಷ್ಟಿಯಾದೀತು~ ಎಂಬ ಆತಂಕ ~ಜಾಗೃತಿ ಥಿಯೇಟರ್~ನ ಆರ್ಟಿಸ್ಟಿಕ್ ನಿರ್ದೇಶಕಿ ಅರುಂಧತಿ ರಾಜಾ ಅವರದ್ದು. <br /> <br /> `ರಂಗಭೂಮಿಯ ಅಭಿವೃದ್ಧಿಗೆ ಪೂರಕವಾದ ಯಾವುದೇ ನಿರ್ಧಾರ ಒಳ್ಳೆಯದೇ. ದೆಹಲಿಯಲ್ಲಿರುವ ಎನ್ಎಸ್ಡಿ ಈಗಾಗಲೇ ರಾಷ್ಟ್ರದಾದ್ಯಂತ ರಂಗಭೂಮಿಯಲ್ಲಿ ಮಹತ್ವದ ಬದಲಾವಣೆಗಳಿಗೆ ಕಾರಣವಾಗಿದೆ. ಬೆಂಗಳೂರಿನಲ್ಲಿ ಆಗಬೇಕಿರುವುದೂ ಇದೇ. ಭಾಷೆಯೊಂದೇ ತಲೆಕೆಡಿಸಿಕೊಳ್ಳುವ ವಿಷಯ ಆಗಬಾರದು~ ಅಂತಾರೆ ರಂಗಭೂಮಿ ನಟ, ನಿರ್ದೇಶಕ ವಿವೇಕ್ ಮದನ್. <br /> <br /> 1994ರಲ್ಲಿ ನಗರದಲ್ಲಿ ಎನ್ಎಸ್ಡಿ `ರಿಸೋರ್ಸ್ ಸೆಂಟರ್~ ಪ್ರಾರಂಭವಾಯಿತು. 2008ರಲ್ಲಿ ಎನ್ಎಸ್ಡಿಗಾಗಿಯೇ ಕ್ಯಾಂಪಸ್ ಸೃಷ್ಟಿಸುವ ಘೋಷಣೆ ಹೊರಬಿದ್ದಿತ್ತು. ಅಂತೂಇಂತೂ ಈಗ ದೀರ್ಘ ಕಾಲದ ಕನಸೊಂದು ನನಸಾಗುವಂತೆ ಕಾಣುತ್ತಿದೆ.<br /> -</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಿಲಿಕಾನ್ ನಗರಿ, ಉದ್ಯಾನ ನಗರಿ ಎಂಬ ಹೆಸರು ಹೊತ್ತ ಬೆಂಗಳೂರು ಕಲೆಯ ತವರು ಕೂಡ ಹೌದು.<br /> <br /> ದೇಶ ವಿದೇಶದ ವಿವಿಧ ಬಗೆಯ ಕಲೆಗಳನ್ನು ಇಲ್ಲಿನ ಕಲಾ ರಸಿಕರು ನೋಡಿ ಆನಂದಿಸುವುದರೊಂದಿಗೆ ಅದನ್ನು ಕಲಿಯಲು ಕೂಡ ಇಷ್ಟ ಪಡುತ್ತಾರೆ. ಅದಕ್ಕೆ ಹೊಸ ಸೇರ್ಪಡೆ- ರಾಷ್ಟ್ರೀಯ ನಾಟಕ ಶಾಲೆ (ಎನ್ಎಸ್ಡಿ) ನಗರದಲ್ಲಿ ಪ್ರಾರಂಭವಾಗುತ್ತಿರುವುದು.<br /> <br /> ರಂಗಭೂಮಿಗೂ ಎನ್ಎಸ್ಡಿಗೂ ಮೊದಲಿನಿಂದಲೂ ನಂಟು. ನಾಟಕಗಳಲ್ಲಿ ತೊಡಗಿಸಿಕೊಳ್ಳುವ ಅನೇಕರು ರಾಷ್ಟ್ರೀಯ ನಾಟಕ ಶಾಲೆಯಲ್ಲಿ ಕಲಿತು ಬರಬೇಕೆಂದು ಹಂಬಲಿಸುವುದುಂಟು.<br /> <br /> ನಾಸಿರುದ್ದೀನ್ ಷಾ, ಶಬಾನ ಆಜ್ಮಿ, ಅರುಂಧತಿ ನಾಗ್ ಸೇರಿದಂತೆ ಹಲವು ರಂಗಕರ್ಮಿಗಳು ಇಲ್ಲಿಂದಲೇ ಕಲಿತು ಬಂದವರು. ರಾಷ್ಟ್ರೀಯ ನಾಟಕ ಶಾಲೆ ನಗರದಲ್ಲಿ ಪ್ರಾರಂಭಿಸಬೇಕೆಂಬ ಪ್ರಸ್ತಾವನೆಗೆ ಕೇಂದ್ರ ಸರ್ಕಾರ ಕೊನೆಗೂ ಅಸ್ತು ಎಂದಿದೆ. <br /> <br /> `ದಕ್ಷಿಣದ ಬೇರೆ ಎಲ್ಲ ರಾಜ್ಯಗಳಿಗಿಂತ ಹೆಚ್ಚು ಮಂದಿ (54) ಕರ್ನಾಟಕ ಮೂಲದವರೇ ಎನ್ಎಸ್ಡಿಯಲ್ಲಿ ಕಲಿತಿದ್ದಾರೆಂಬುದು ಹೆಮ್ಮೆಯ ವಿಷಯ. ಅಲ್ಲಿ ಕಲಿತು ಬಂದವರು ವಿನೂತನ ರಂಗ ಪ್ರಯೋಗದಲ್ಲಿ ತೊಡಗಿಸಿಕೊಂಡಿರುವುದರಿಂದ ಇಲ್ಲಿ ನಾಟಕ ಶಾಲೆ ಪ್ರಾರಂಭಿಸುವುದು ಸೂಕ್ತ~ ಎಂದು ಎನ್ಎಸ್ಡಿ ಪ್ರಾದೇಶಿಕ ನಿರ್ದೇಶಕ ಸುರೇಶ್ ಆನಗಳ್ಳಿ ಅಭಿಪ್ರಾಯ ಪಡುತ್ತಾರೆ.<br /> <br /> ಕಲಾಗ್ರಾಮದ ಹತ್ತಿರ ಮೂರು ಎಕರೆ ಭೂಮಿ ಮಂಜೂರು ಮಾಡುವಂತೆ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಗೆ ಅರ್ಜಿ ಸಲ್ಲಿಸಲಾಗಿತ್ತು. ಈ ವರ್ಷಾಂತ್ಯದಲ್ಲಿ ಕಟ್ಟಡ ನಿರ್ಮಾಣ ಕೆಲಸ ಶುರುವಾಗಲಿದ್ದು, ಇನ್ನು ಮೂರು ವರ್ಷದಲ್ಲಿ ಸಂಪೂರ್ಣ ಕಾಮಗಾರಿ ಕೆಲಸ ಪೂರ್ಣಗೊಳ್ಳುವ ವಿಶ್ವಾಸ ಅವರದ್ದು. <br /> <br /> ಈ ಬಗ್ಗೆ ಪ್ರತಿಕ್ರಿಯಿಸಿದ ರಂಗಕರ್ಮಿ ಅರುಂಧತಿ ನಾಗ್, `ದೇಶದಲ್ಲಿ ಅನುಭವಿ ರಂಗಕರ್ಮಿಗಳ ಕೊರತೆ ಕಾಣುತ್ತಿದೆ. ಹೀಗಾಗಿ ಇಲ್ಲಿ ಎನ್ಎಸ್ಡಿ ಪ್ರಾರಂಭವಾಗುತ್ತಿರುವುದು ಸಕಾರಾತ್ಮಕ ಬೆಳವಣಿಗೆ~ ಎಂದರು.<br /> <br /> ಒಟ್ಟು ನಾಲ್ಕು ರಾಜ್ಯಗಳ ನಾಟಕ ಕಲಿಯುವ ವಿದ್ಯಾರ್ಥಿಗಳಿಗೆ ಇದೊಂದು ಉತ್ತಮ ವೇದಿಕೆಯಾಗಲಿದೆ. ಇಂಗ್ಲಿಷ್ ಭಾಷೆಯ ಪಠ್ಯಕ್ರಮ ಇರುವುದರಿಂದ ಇದು ಎಲ್ಲರಿಗೂ ಅರ್ಥವಾಗಲಿದೆ ಎನ್ನುತ್ತಾರೆ ಸುರೇಶ್ ಆನಗಳ್ಳಿ. <br /> <br /> ಸ್ಥಳೀಯ ಭಾಷೆಗಳಲ್ಲಿ ಪಠ್ಯಕ್ರಮ ರೂಪಿಸುವ ಅಗತ್ಯವಿದೆ. ಪ್ರತಿಯೊಬ್ಬರಿಗೂ ಅವರವರ ಭಾಷೆಯಲ್ಲಿ ಹೇಳಿಕೊಡುವುದರಿಂದ ಹೆಚ್ಚು ಜನರು ಇದರ ಸದುಪಯೋಗ ಪಡೆದುಕೊಳ್ಳಬಹುದು. ಉದಾಹರಣೆಗೆ ಹಿಂದಿ ಮಾಧ್ಯಮದಲ್ಲಿ ಹೇಳಿಕೊಟ್ಟರೆ ಅದು ಹಿಂದಿ ಭಾಷೆ ಬರುವವರಿಗೆ ಮಾತ್ರ ಸೀಮಿತವಾಗುತ್ತದೆ. ಈ ನಿಟ್ಟಿನಲ್ಲಿ ಕನ್ನಡದ ಪಠ್ಯಕ್ರಮಗಳನ್ನು ಕೂಡ ಅಳವಡಿಸುವ ಅಗತ್ಯವಿದೆ ಎಂಬುದು ರಂಗಕರ್ಮಿ ಪ್ರಸನ್ನ ಕಿವಿಮಾತು.<br /> <br /> `ಸ್ಥಳೀಯರಿಗೆ ಆತ್ಮೀಯರಾಗುವುದು ಕನ್ನಡ ಭಾಷೆಯಲ್ಲಿ. ಎನ್ಎಸ್ಡಿ ನಾಟಕಗಳು ಜನರಿಗೆ ತಲುಪಬೇಕಾದರೆ ಕಥಾವಸ್ತು ಕನ್ನಡದಲ್ಲಿ ಇದ್ದರೆ ಹೆಚ್ಚು ಜನರಿಗೆ ತಲುಪಬಹುದು~ ಎಂಬುದನ್ನು ಅರುಂಧತಿ ಕೂಡ ಸಮರ್ಥಿಸುತ್ತಾರೆ. <br /> <br /> `ಬೋಧನೆಯು ಬಹುಭಾಷೆಯಲ್ಲಿರುವುದೇ ಸೂಕ್ತ. ಇದರಿಂದ ಅನೇಕರಿಗೆ ಉಪಯೋಗವಾಗಲಿದೆ. ಇಲ್ಲವಾದಲ್ಲಿ ಭಾಷೆಯ ಕಾರಣಕ್ಕೇ ತಗಾದೆ ಸೃಷ್ಟಿಯಾದೀತು~ ಎಂಬ ಆತಂಕ ~ಜಾಗೃತಿ ಥಿಯೇಟರ್~ನ ಆರ್ಟಿಸ್ಟಿಕ್ ನಿರ್ದೇಶಕಿ ಅರುಂಧತಿ ರಾಜಾ ಅವರದ್ದು. <br /> <br /> `ರಂಗಭೂಮಿಯ ಅಭಿವೃದ್ಧಿಗೆ ಪೂರಕವಾದ ಯಾವುದೇ ನಿರ್ಧಾರ ಒಳ್ಳೆಯದೇ. ದೆಹಲಿಯಲ್ಲಿರುವ ಎನ್ಎಸ್ಡಿ ಈಗಾಗಲೇ ರಾಷ್ಟ್ರದಾದ್ಯಂತ ರಂಗಭೂಮಿಯಲ್ಲಿ ಮಹತ್ವದ ಬದಲಾವಣೆಗಳಿಗೆ ಕಾರಣವಾಗಿದೆ. ಬೆಂಗಳೂರಿನಲ್ಲಿ ಆಗಬೇಕಿರುವುದೂ ಇದೇ. ಭಾಷೆಯೊಂದೇ ತಲೆಕೆಡಿಸಿಕೊಳ್ಳುವ ವಿಷಯ ಆಗಬಾರದು~ ಅಂತಾರೆ ರಂಗಭೂಮಿ ನಟ, ನಿರ್ದೇಶಕ ವಿವೇಕ್ ಮದನ್. <br /> <br /> 1994ರಲ್ಲಿ ನಗರದಲ್ಲಿ ಎನ್ಎಸ್ಡಿ `ರಿಸೋರ್ಸ್ ಸೆಂಟರ್~ ಪ್ರಾರಂಭವಾಯಿತು. 2008ರಲ್ಲಿ ಎನ್ಎಸ್ಡಿಗಾಗಿಯೇ ಕ್ಯಾಂಪಸ್ ಸೃಷ್ಟಿಸುವ ಘೋಷಣೆ ಹೊರಬಿದ್ದಿತ್ತು. ಅಂತೂಇಂತೂ ಈಗ ದೀರ್ಘ ಕಾಲದ ಕನಸೊಂದು ನನಸಾಗುವಂತೆ ಕಾಣುತ್ತಿದೆ.<br /> -</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
