ಗುರುವಾರ , ನವೆಂಬರ್ 14, 2019
27 °C
ಭಾರತದಲ್ಲಿ ನೊಬೆಲ್‌ ಪ್ರೈಜ್‌ ಸರಣಿ ಕಾರ್ಯಕ್ರಮ

ನೊಬೆಲ್‌ ಪುರಸ್ಕೃತರು ನಗರಕ್ಕೆ

Published:
Updated:
ನೊಬೆಲ್‌ ಪುರಸ್ಕೃತರು ನಗರಕ್ಕೆ

ಬೆಂಗಳೂರು: ಸ್ವೀಡನ್‌ನ ನೊಬೆಲ್‌ ಮೀಡಿಯಾ ಮತ್ತು ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ ‘ನೊಬೆಲ್‌ ಪ್ರೈಜ್‌ ಸರಣಿ’ ಕಾರ್ಯಕ್ರಮ ಹಮ್ಮಿಕೊಂಡಿವೆ.



ಹತ್ತು ನೊಬೆಲ್‌ ವಿಜ್ಞಾನಿಗಳ ಪೈಕಿ ಆರು ವಿಜ್ಞಾನಿಗಳು ಈ  ಕಾರ್ಯಕ್ರಮದಲ್ಲಿ ಭಾಗವಹಿಸುವುದು ಖಚಿತವಾಗಿದೆ. ಈ ವಿಜ್ಞಾನಿಗಳು ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆಗೂ ಭೇಟಿ  ನೀಡಲಿದ್ದಾರೆ. ನೊಬೆಲ್‌ ಸರಣಿಯ ಮೊದಲ ಕಾರ್ಯಕ್ರಮ ಗುಜರಾತ್‌ನ ರಾಜಧಾನಿಯಲ್ಲಿ  2017 ರ ಜನವರಿ 9 ರಿಂದ 11  ರವರೆಗೆ ನಡೆಯಲಿದೆ.  



ಜ. 13 ರಂದು  ಬೆಂಗಳೂರಿಗೆ ನೊಬೆಲ್‌ ವಿಜೇತರು ಭೇಟಿ ನೀಡಲಿದ್ದಾರೆ.  ಇಲ್ಲಿ ವಿಶೇಷ  ಉಪನ್ಯಾಸ . ನೊಬೆಲ್‌ ವಿಜೇತರ ಸಂಶೋಧನೆಗಳ ಕುರಿತು ವಿಜ್ಞಾನ ಪ್ರದರ್ಶನವು ನೊಬೆಲ್‌ ಮೀಡಿಯಾದಿಂದ ನಡೆಯಲಿದೆ ಎಂದು ಭಾರತೀಯ ವಿಜ್ಞಾನ ಸಂಸ್ಥೆಯ ಮೂಲಗಳು ತಿಳಿಸಿವೆ.



ಏನಿದು ನೊಬೆಲ್‌ ಸರಣಿ: ವಿಜ್ಞಾನದ ವಿದ್ಯಾರ್ಥಿಗಳಲ್ಲಿ  ಸೃಜನಶೀಲ ಚಿಂತನೆ  ಬೆಳೆಸುವುದು  ಮತ್ತು ಸಂಶೋಧನೆ  ನಡೆಸಲು ದೇಶದ  ಪ್ರಖ್ಯಾತ ವಿಜ್ಞಾನಿಗಳ ಜೊತೆ ನೊಬೆಲ್‌ ವಿಜೇತ ವಿಜ್ಞಾನಿಗಳು ಜಂಟಿ ಪ್ರಯತ್ನ ನಡೆಸುವುದು ನೊಬೆಲ್‌ ಪ್ರೈಜ್‌ ಸರಣಿಯ ಉದ್ದೇಶ.



ವಿದ್ಯಾರ್ಥಿಗಳಿಗೆ ಅವಕಾಶ: ಪಿಯುಸಿ  ವಿದ್ಯಾರ್ಥಿಗಳು  ವಿಜ್ಞಾನದ ಕುರಿತಂತೆ ಹೊಸ ಪರಿಕಲ್ಪನೆಗಳ ಕುರಿತು  150 ಪದಗಳಲ್ಲಿ ಬರೆಯುವ  ಸ್ಪರ್ಧೆ  . ಈ ಕುರಿತು ಹೆಚ್ಚಿನ ಮಾಹಿತಿಗೆ http://ideathon.nobelprizeseries.in/guideline  ವೆಬ್‌ಸೈಟ್‌ ವೀಕ್ಷಿಸಿ.

ಪ್ರತಿಕ್ರಿಯಿಸಿ (+)