ಇದಕ್ಕೆ ಪ್ರತಿಯಾಗಿ ಮೋದಿ ಕೂಡ ಇಸ್ರೇಲ್ ಅಧಿಕೃತ ಭಾಷೆ ಹಿಬ್ರೂದಲ್ಲಿ ‘ಶಾಲೋಮ್ (ಹಲೋ)’ ಎಂದು ಶುಭಾಶಯ ಕೋರಿದರು. ‘ಇಲ್ಲಿಗೆ ಬರಲು ಸಂತಸವೆನಿಸುತ್ತದೆ’ ಎಂದರು. ಕೆನೆಬಣ್ಣದ ‘ಬಂದ್ ಗಲಾ’ ಸೂಟು ಧರಿಸಿದ್ದ ಮೋದಿ ಜೇಬಿನಲ್ಲಿ ಅದಕ್ಕೆ ಒಪ್ಪುವ ಕಡುನೀಲಿ ಕರವಸ್ತ್ರ ಇಟ್ಟುಕೊಂಡಿದ್ದರು. ಇಸ್ರೇಲ್ನಿಂದ ಅತ್ಯಾಧುನಿಕ ತಂತ್ರಜ್ಞಾನ, ಸೇನಾ ಸಹಕಾರ ಮತ್ತು ತಂತ್ರಜ್ಞಾನ ಹಾಗೂ ಬಂಡವಾಳ ಸೆಳೆಯುವುದು ಈ ಭೇಟಿಯ ಉದ್ದೇಶ ಎಂದು ವಿಶ್ಲೇಷಿಸಲಾಗುತ್ತಿದೆ.