ಭಾರತಕ್ಕೆ ಗೆಲುವಿನ ನಿರೀಕ್ಷೆ

ಮಂಗಳವಾರ, ಜೂನ್ 25, 2019
26 °C
ಇಂದು ಎರಡನೇ ಪಂದ್ಯ; ಕೊಲಂಬಿಯಾ ಎದುರಾಳಿ

ಭಾರತಕ್ಕೆ ಗೆಲುವಿನ ನಿರೀಕ್ಷೆ

Published:
Updated:
ಭಾರತಕ್ಕೆ ಗೆಲುವಿನ ನಿರೀಕ್ಷೆ

ನವದೆಹಲಿ: ಮೊದಲ ಪಂದ್ಯದಲ್ಲಿ ಬಲಿಷ್ಠ ಅಮೆರಿಕ ಎದುರು ಸೋತ ಭಾರತ ತಂಡ ಫಿಫಾ 17 ವರ್ಷದೊಳಗಿನವರ ವಿಶ್ವಕಪ್ ಫುಟ್‌ಬಾಲ್ ಟೂರ್ನಿಯಲ್ಲಿ ಜಯದ ವಿಶ್ವಾಸದೊಂದಿಗೆ ಸೋಮವಾರ ಮತ್ತೆ ಅಂಗಣಕ್ಕೆ ಇಳಿಯಲಿದೆ. ಟೂರ್ನಿಯ ತನ್ನ ಎರಡನೇ ಪಂದ್ಯದಲ್ಲಿ ಆತಿಥೇಯರು ಕೊಲಂಬಿಯಾವನ್ನು ಎದುರಿಸುವರು.

ಇದೇ ಮೊದಲ ಬಾರಿ ವಿಶ್ವಕಪ್‌ನಲ್ಲಿ ಆಡುತ್ತಿರುವ ಭಾರತ ತಂಡ ಟೂರ್ನಿಯ ಮೊದಲ ದಿನ ನಡೆದ ಪಂದ್ಯದಲ್ಲಿ ಸೋತಿದ್ದರೂ ಕಿಕ್ಕಿರಿದು ತುಂಬಿದ್ದ ಫುಟ್‌ಬಾಲ್ ಪ್ರಿಯರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರು.

ಎರಡನೇ ಪಂದ್ಯದಲ್ಲೂ ಇದೇ ರೀತಿಯ ಆಟವಾಡುವ ಭರವಸೆಯಲ್ಲಿ ತಂಡದ ಆಟಗಾರರು ಇದ್ದಾರೆ. ಪ್ರೇಕ್ಷಕರು ಕೂಡ ಮತ್ತೊಂದು ರೋಚಕ ಪಂದ್ಯವನ್ನು ಕಣ್ತುಂಬಿಕೊಳ್ಳುವ ನಿರೀಕ್ಷೆಯಲ್ಲಿದ್ದು ವಿಶ್ವಕಪ್‌ನಲ್ಲಿ ಭಾರತ ಮೊದಲ ಗೋಲು ಗಳಿಸುವುದನ್ನು ನೋಡಲು ಕಾತರರಾಗಿದ್ದಾರೆ.

ವಿಶ್ವಕಪ್‌ನ ಚೊಚ್ಚಲ ಪಂದ್ಯದಲ್ಲಿ ಶನಿವಾರ ರಾತ್ರಿ ಕೊರಿಯಾವನ್ನು ಮಣಿಸಿ ಗಮನ ಸೆಳೆದಿರುವ ನೈಗರ್‌ ತಂಡ ಭಾರತದ ಆಟಗಾರರಿಗೆ ಈಗ ಪ್ರೇರಣೆಯಾಗಿದೆ.

ಮೊದಲ ಪಂದ್ಯದಲ್ಲಿ ತಂಡ ಆಡಿದ ರೀತಿ ಕೋಚ್ ಲೂಯಿಸ್ ನಾರ್ಟನ್ ಮಾರ್ಟೊ ಅವರಿಗೆ ತೃಪ್ತಿ ತಂದಿಲ್ಲ. ಆದ್ದರಿಂದ ಪ್ರಬಲ ಎದುರಾಳಿಯಾದ ಕೊಲಂಬಿಯಾ ವಿರುದ್ಧ ಇನ್ನಷ್ಟು ಉತ್ತಮ ಆಟ ಆಡಬೇಕು ಎಂಬುದು ಅವರ ನಿರೀಕ್ಷೆ.

‘ಕೊಲಂಬಿಯಾ ಬಿಲಷ್ಠ ಎದುರಾಳಿ ಎಂಬುದರಲ್ಲಿ ಸಂದೇಹ ಇಲ್ಲ. ಯಾವುದೇ ತಂಡವನ್ನು ಸಮರ್ಥವಾಗಿ ಎದುರಿಸುವ ತಾಕತ್ತು ಆ ತಂಡಕ್ಕೆ ಇದೆ. ನಮಗೂ ಅತ್ಯುತ್ತಮ ಪೈಪೋಟಿ ನೀಡುವ ಸಾಧ್ಯತೆ ಇದೆ. ಆದರೆ ತಂಡದ ಆಟಗಾರರು ಭರವಸೆ ಕಳೆದುಕೊಂಡಿಲ್ಲ. ಈ ಪಂದ್ಯದಲ್ಲಿ ಗೆದ್ದೇ ಗೆಲ್ಲುತ್ತೇವೆ’ ಎಂದು ಅವರು ಹೇಳಿದರು.

ಅಮೆರಿಕ ಎದುರಿನ ಪಂದ್ಯದಲ್ಲಿ ಭಾರತದ ಕೆಲ ಆಟಗಾರರು ಗಮನ ಸೆಳೆದಿದ್ದಾರೆ. ಡ್ರಿಬ್ಲಿಂಗ್ ಪ್ರತಿಭೆ ಮತ್ತು ಚುರುಕಿನ ಓಡಾಟದ ಮೂಲಕ ಸ್ಟ್ರೈಕರ್ ಕೋಮಲ್‌ ಥಟಾಲ್‌ ರೋಮಾಂಚನಗೊಳಿಸಿದ್ದಾರೆ. ಭೈಚುಂಗ್ ಭುಟಿಯಾ ಅವರ ನಾಡು ಸಿಕ್ಕಿಂನಿಂದ ಬಂದಿರುವ ಕೋಮಲ್‌ ಮೊದಲ ಪಂದ್ಯದಲ್ಲಿ ಭಾರತಕ್ಕೆ ಅನೇಕ ಅವಕಾಶಗಳನ್ನು ಸೃಷ್ಟಿಸಿದ್ದರು.

ಅವರಿಗೆ ಉತ್ತಮ ಬೆಂಬಲ ನೀಡಿರುವ ಅಂಕಿತ್ ಜಾಧವ್ ಒಂದೇ ಪಂದ್ಯದಲ್ಲಿ ಉಜ್ವಲ ಭವಿಷ್ಯಕ್ಕೆ ನಾಂದಿ ಹಾಡಿದ್ದಾರೆ. ರಕ್ಷಣಾ ವಿಭಾಗವನ್ನು ಸಮರ್ಥವಾಗಿ ನಿಭಾಯಿಸಿದ ಅನ್ವರ್ ಅಲಿ ಮತ್ತು ಜಿತೇಂದ್ರ ಸಿಂಗ್ ಪ್ರವಾಸಿ ತಂಡದ ಶ್ರಮಗಳಿಗೆ ತಡೆ ಒಡ್ಡುವಲ್ಲಿ ಯಶಸ್ವಿಯಾಗಿದ್ದರು. ಗೋಲ್‌ ಕೀಪರ್‌ ಮೊಯಿರಂಗ್‌ಥೆಮ್ ಧೀರಜ್‌ ಸಿಂಗ್ ಮೋಡಿ ಮಾಡಿದ್ದರು.

ಸಿಡಿದೇಳುವ ಹಂಬಲ: ಮೊದಲ ಪಂದ್ಯದಲ್ಲಿ ಘಾನಾ ವಿರುದ್ಧ ಸೋರಿತುವ ಕೊಲಂಬಿಯಾ ಸಿಡಿದೇಳುವ ಹುಮ್ಮಸ್ಸಿನಲ್ಲಿದೆ. ಆದ್ದರಿಂದ ಇಲ್ಲಿನ ಜವಾಹರಲಾಲ್ ನೆಹರೂ ಕ್ರೀಡಾಂಗಣದಲ್ಲಿ ಭಾರಿ ಪೈಪೋಟಿ ನಿರೀಕ್ಷಿಸಲಾಗಿದೆ. ಒಟ್ಟು ಐದು ಬಾರಿ ವಿಶ್ವಕಪ್ ಆಡಿರುವ ಕೊಲಂಬಿಯಾ ಎರಡು ಬಾರಿ ಮೂರನೇ ಸ್ಥಾನ ಗಳಿಸಿದೆ. ಇಂಥ ಅನುಭವಿ ತಂಡಕ್ಕೆ ಭಾರತ ಯಾವ ರೀತಿಯ ಪೈಪೋಟಿ ನೀಡುತ್ತದೆ ಎಂಬುದು ಕುತೂಹಲ ಕೆರಳಿಸಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry