ಶೆಟ್ಟಿಹಳ್ಳಿ ಅರಣ್ಯ: ಬಾಂಗ್ಲಾ ಪ್ರಜೆ ವಶಕ್ಕೆ

ತನ್ನ ಹೆಸರು ಯಾನಬಿ, ದೇಶ ಬಾಂಗ್ಲಾ ಎಂದು ಹೇಳಿಕೊಳ್ಳುವ ಆತ ಉಳಿದ ಯಾವ ವಿವರಗಳನ್ನೂ ಹಂಚಿಕೊಳ್ಳುತ್ತಿಲ್ಲ. ಸುಮಾರು 55 ವರ್ಷದ ಈ ವ್ಯಕ್ತಿ ಕೆಂಪು ಪ್ಯಾಂಟ್, ಅರ್ಧ ತೋಳಿನ ಕೆಂಪು ಜುಬ್ಬಾ ಧರಿಸಿದ್ದಾನೆ. ಬೆಳಿಗ್ಗೆ ಅರಣ್ಯದಲ್ಲಿ ಗಸ್ತು ತಿರುಗುತ್ತಿದ್ದ ಅಧಿಕಾರಿಗಳ ಕಣ್ಣಿಗೆ ಬಿದ್ದಿದ್ದಾನೆ. ಸಂಜೆಯವರೆಗೆ ವಿಚಾರಣೆ ನಡೆಸಿದರೂ, ಸುಳಿವು ದೊರಕದ ಕಾರಣ ರಾತ್ರಿ ತುಂಗಾ ನಗರ ಪೊಲೀಸರ ವಶಕ್ಕೆ ಒಪ್ಪಿಸಿದ್ದಾರೆ.

‘ಆತ ಮಾತನಾಡುವ ಭಾಷೆ ಅರ್ಥವಾಗುತ್ತಿಲ್ಲ. ಹಿಂದಿ, ಉರ್ದು ಅಲ್ಲ. ಬಂಗಾಳಿಯೂ ಅಲ್ಲ. ಆತನ ಬರವಣಿಗೆಯೂ ವಿಚಿತ್ರವಾಗಿದೆ. ಬೇರೆ ಬೇರೆ ಭಾಷೆ ಗೊತ್ತಿರುವ ವ್ಯಕ್ತಿಗಳನ್ನು ಕರೆಸಿ ಹೆಚ್ಚಿನ ವಿಚಾರಣೆ ಮಾಡಲಾಗುವುದು’ ಎಂದು ಪೊಲೀಸರು ಮಾಹಿತಿ ನೀಡಿದರು.