ಪ್ಯಾರಿಸ್ ಸೇಂಟ್ ತಂಡ ಆರಂಭದಿಂದಲೇ ವೇಗದ ಆಟ ಆಡಿತು. ಎಂಟನೇ ನಿಮಿಷದಲ್ಲಿ ತಂಡಕ್ಕೆ ಪೆನಾಲ್ಟಿ ಕಾರ್ನರ್ ಸಿಕ್ಕಿತು. ಈ ಅವಕಾಶದಲ್ಲಿ ಉರುಗ್ವೆಯ ಆಟಗಾರ ಎಡಿನ್ಸನ್ ಕ್ಯಾವನಿ ಚೆಂಡನ್ನು ಗುರಿ ತಲುಪಿಸಿದರು. 21ನೇ ನಿಮಿಷದಲ್ಲಿ ಏಂಜಲ್ ಡಿ ಮರಿಯಾ ತಂಡದ ಮುನ್ನಡೆ ಹೆಚ್ಚಿಸಿ ದರು. ಸಹ ಆಟಗಾರ ತಮ್ಮತ್ತ ಒದ್ದ ಚೆಂಡನ್ನು ಚಾಕಚಕ್ಯತೆಯಿಂದ ಗುರಿ ಸೇರಿಸಿದ ಅವರು ಕ್ರೀಡಾಂಗಣದಲ್ಲಿ ಸೇರಿದ್ದ ಅಭಿಮಾನಿಗಳ ಮೆಚ್ಚುಗೆ ಗಳಿಸಿ ದರು. ನಂತರ ಮೊನ್ಯಾಕೊ ತಂಡ ಸಮ ಬಲದ ಗೋಲು ದಾಖಲಿಸಲು ಸಾಕಷ್ಟು ಪ್ರಯತ್ನಿಸಿತು. ಈ ತಂಡದ ಆಟಗಾರರಿಗೆ ಸೇಂಟ್ ಜರ್ಮೈನ್ ತಂಡದ ರಕ್ಷಣಾಕೋಟೆ ಭೇದಿಸಲು ಆಗಲಿಲ್ಲ.