ವೈರಲ್ ಆಗಿರುವ ಚಿತ್ರ ತಿರುಚಿದ್ದು ಎಂದು ಲಾಜಿಕಲ್ ಇಂಡಿಯನ್ ಫ್ಯಾಕ್ಟ್ ಚೆಕ್ ವೇದಿಕೆ ತಿಳಿಸಿದೆ. ರಿವರ್ಸ್ ಇಮೇಜ್ ಮೂಲಕ ಪರಿಶೀಲಿಸಿದಾಗ, Llllline.com ಹೆಸರಿನ ವೆಬ್ಸೈಟ್ನಲ್ಲಿ ಇದೇ ರೀತಿಯ ಚಿತ್ರ ಅಪ್ಲೋಡ್ ಆಗಿದೆ. ಈ ವೆಬ್ಸೈಟ್, ಇಂತಹ ಡಿಜಿಟಲ್ ಚಿತ್ರಗಳನ್ನು ಮಾರಾಟ ಮಾಡುತ್ತದೆ. ಪಿಕ್ಬೆಸ್ಟ್ ಎಂಬ ವೆಬ್ಸೈಟ್ನಲ್ಲೂ ಇದೇ ರೀತಿಯ ಚಿತ್ರವಿದೆ. ಎಡಿಟಿಂಗ್ ಸಾಫ್ಟ್ವೇರ್ ಬಳಸಿ ಈ ಚಿತ್ರವನ್ನು ರಚಿಸಲಾಗಿದ್ದು, ಬಿಎಸ್ಪಿ ಈ ಜಾಹೀರಾತು ನೀಡಿಲ್ಲ ಎಂಬುದು ಸ್ಪಷ್ಟಗೊಂಡಿದೆ.