<p><strong>ತಿರುವನಂತಪುರ</strong>: ಕೇರಳದ ಸರ್ಕಾರಿ ನೌಕರರ ಸಮುದಾಯವಾರು ಪ್ರಾತಿನಿಧ್ಯದಲ್ಲಿ ಅಸಮಾನತೆಯಿದ್ದು, ವಿಶೇಷವಾಗಿ ಮುಸ್ಲಿಂ ಸಮುದಾಯದ ಪ್ರಾತಿನಿಧ್ಯ ಕಡಿಮೆಯಿದೆ ಎಂಬುದನ್ನು ಸರ್ಕಾರಿ ಸಂಸ್ಥೆಯ ವರದಿಯೊಂದು ಬಹಿರಂಗಪಡಿಸಿದೆ.</p>.<p>ರಾಜ್ಯ ವಿಧಾನಸಭೆಗೆ ನೀಡಲಾಗಿರುವ ಮಾಹಿತಿ ಪ್ರಕಾರ, ಕೇರಳದಲ್ಲಿ ಒಟ್ಟು 5,45,423 ಸರ್ಕಾರಿ ನೌಕರರಿದ್ದು, ಇದರಲ್ಲಿ 73,774 ಮುಸ್ಲಿಮರಾಗಿದ್ದಾರೆ. ಅಂದರೆ ರಾಜ್ಯ ಸರ್ಕಾರಿ ಸೇವೆಯಲ್ಲಿ ಮುಸ್ಲಿಂ ಸಮುದಾಯದ ಪ್ರಾತಿನಿಧ್ಯ ಶೇ 13.5ರಷ್ಟಾಗಿದೆ. 2011ರ ಜನಗಣತಿ ಪ್ರಕಾರ ರಾಜ್ಯದಲ್ಲಿ ಮುಸ್ಲಿಮರ ಜನಸಂಖ್ಯೆ ಶೇ 26.5ರಷ್ಟಿದೆ.</p>.<p>ರಾಜ್ಯದಲ್ಲಿ ಜಾತಿಗಣತಿಗೆ ಬೇಡಿಕೆ ಹೆಚ್ಚುತ್ತಿರುವಾಗಲೇ ಸರ್ಕಾರಿ ನೌಕರರ ಜಾತಿವಾರು ಮಾಹಿತಿ ಮತ್ತು ಅದರಲ್ಲಿನ ಅಸಮಾನತೆಯ ಅಂಕಿ ಅಂಶಗಳು ಹೊರಬಿದ್ದಿವೆ. ಕೇರಳ ರಾಜ್ಯದ ಹಿಂದುಳಿದ ವರ್ಗಗಳ ಆಯೋಗವು ಈ ಕುರಿತ ದತ್ತಾಂಶವನ್ನು ಸಂಗ್ರಹಿಸಿದೆ.</p>.<p>ಈ ಸಂಬಂಧ ವಿಧಾನಸಭೆಯಲ್ಲಿ ಪ್ರಶ್ನಿಸಿದ ಇಂಡಿಯನ್ ಯೂನಿಯನ್ ಮುಸ್ಲಿಂ ಲೀಗ್ ಶಾಸಕ ಪಿ. ಉಬೈದುಲ್ಲಾ, ಜನಸಂಖ್ಯೆಗೆ ಹೋಲಿಸಿದರೆ ಮುಸ್ಲಿಂ ಸಮುದಾಯಗಳ ಪ್ರಾತಿನಿಧ್ಯ ಕಡಿಮೆ ಇದೆ ಎಂಬುದು ಅಂಕಿ ಅಂಶಗಳಿಂದ ಗೊತ್ತಾಗುತ್ತದೆ ಎಂದಿದ್ದಾರೆ.</p>.<p>ಕೇರಳದಲ್ಲಿ ಮುಂದುವರಿದ ನಾಯರ್ಗಳು ಮತ್ತು ಸಂಬಂಧಿತ ಸಮುದಾಯಗಳಿಗೆ ಸೇರಿದ 1,08,012 (ಶೇ 19.8) ಮಂದಿ ಸರ್ಕಾರಿ ನೌಕರಿಯಲ್ಲಿದ್ದಾರೆ. ರಾಜ್ಯದ ಒಟ್ಟಾರೆ ಜನಸಂಖ್ಯೆಯಲ್ಲಿ ನಾಯರ್ ಜನಸಂಖ್ಯೆ ಶೇ 14ರಷ್ಟಿದೆ.</p>.<p>ಒಬಿಸಿ ಪ್ರವರ್ಗದಲ್ಲಿ ಬರುವ ಹಿಂದೂ–ಈಜವ ಸಮುದಾಯದ 1,15,075 (ಶೇ 21.09) ಮಂದಿ ಸರ್ಕಾರಿ ಸೇವೆಯಲ್ಲಿದ್ದಾರೆ. ಆದರೆ ಈ ಸಮುದಾಯವು ರಾಜ್ಯದ ಜನಸಂಖ್ಯೆಯ ಶೇ 23ರಷ್ಟಿದೆ.</p>.<p>ಕ್ರಿಶ್ಚಿಯನ್ನ ಮುಂದುವರಿದ ಸಮುದಾಯಗಳು 73,713 (ಶೇ 13.5) ಮತ್ತು ಲ್ಯಾಟಿನ್ ಕ್ಯಾಥೋಲಿಕ್/ಲ್ಯಾಟಿನ್ ಕ್ರಿಶ್ಚಿಯನ್ನರು 22,542 (ಶೇ 4.13)ರಷ್ಟಿದ್ದಾರೆ. ಕೇರಳ ಜನಸಂಖ್ಯೆಯಲ್ಲಿ ಶೇ 18.3ರಷ್ಟು ಕ್ರೈಸ್ತರಿದ್ದಾರೆ.</p>.<p>ಒಟ್ಟು 5,45,423 ನೌಕರರಲ್ಲಿ 1,96,837 ಸಾಮಾನ್ಯ ವರ್ಗ, 2,85,335 ಒಬಿಸಿ, 51,783 ಎಸ್.ಸಿ, 10,513 ಎಸ್.ಟಿ ಸಮುದಾಯದವರು ಇದ್ದಾರೆ. 955 ನೌಕರರು ಯಾವುದೇ ವರ್ಗವನ್ನು ನಮೂದಿಸಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತಿರುವನಂತಪುರ</strong>: ಕೇರಳದ ಸರ್ಕಾರಿ ನೌಕರರ ಸಮುದಾಯವಾರು ಪ್ರಾತಿನಿಧ್ಯದಲ್ಲಿ ಅಸಮಾನತೆಯಿದ್ದು, ವಿಶೇಷವಾಗಿ ಮುಸ್ಲಿಂ ಸಮುದಾಯದ ಪ್ರಾತಿನಿಧ್ಯ ಕಡಿಮೆಯಿದೆ ಎಂಬುದನ್ನು ಸರ್ಕಾರಿ ಸಂಸ್ಥೆಯ ವರದಿಯೊಂದು ಬಹಿರಂಗಪಡಿಸಿದೆ.</p>.<p>ರಾಜ್ಯ ವಿಧಾನಸಭೆಗೆ ನೀಡಲಾಗಿರುವ ಮಾಹಿತಿ ಪ್ರಕಾರ, ಕೇರಳದಲ್ಲಿ ಒಟ್ಟು 5,45,423 ಸರ್ಕಾರಿ ನೌಕರರಿದ್ದು, ಇದರಲ್ಲಿ 73,774 ಮುಸ್ಲಿಮರಾಗಿದ್ದಾರೆ. ಅಂದರೆ ರಾಜ್ಯ ಸರ್ಕಾರಿ ಸೇವೆಯಲ್ಲಿ ಮುಸ್ಲಿಂ ಸಮುದಾಯದ ಪ್ರಾತಿನಿಧ್ಯ ಶೇ 13.5ರಷ್ಟಾಗಿದೆ. 2011ರ ಜನಗಣತಿ ಪ್ರಕಾರ ರಾಜ್ಯದಲ್ಲಿ ಮುಸ್ಲಿಮರ ಜನಸಂಖ್ಯೆ ಶೇ 26.5ರಷ್ಟಿದೆ.</p>.<p>ರಾಜ್ಯದಲ್ಲಿ ಜಾತಿಗಣತಿಗೆ ಬೇಡಿಕೆ ಹೆಚ್ಚುತ್ತಿರುವಾಗಲೇ ಸರ್ಕಾರಿ ನೌಕರರ ಜಾತಿವಾರು ಮಾಹಿತಿ ಮತ್ತು ಅದರಲ್ಲಿನ ಅಸಮಾನತೆಯ ಅಂಕಿ ಅಂಶಗಳು ಹೊರಬಿದ್ದಿವೆ. ಕೇರಳ ರಾಜ್ಯದ ಹಿಂದುಳಿದ ವರ್ಗಗಳ ಆಯೋಗವು ಈ ಕುರಿತ ದತ್ತಾಂಶವನ್ನು ಸಂಗ್ರಹಿಸಿದೆ.</p>.<p>ಈ ಸಂಬಂಧ ವಿಧಾನಸಭೆಯಲ್ಲಿ ಪ್ರಶ್ನಿಸಿದ ಇಂಡಿಯನ್ ಯೂನಿಯನ್ ಮುಸ್ಲಿಂ ಲೀಗ್ ಶಾಸಕ ಪಿ. ಉಬೈದುಲ್ಲಾ, ಜನಸಂಖ್ಯೆಗೆ ಹೋಲಿಸಿದರೆ ಮುಸ್ಲಿಂ ಸಮುದಾಯಗಳ ಪ್ರಾತಿನಿಧ್ಯ ಕಡಿಮೆ ಇದೆ ಎಂಬುದು ಅಂಕಿ ಅಂಶಗಳಿಂದ ಗೊತ್ತಾಗುತ್ತದೆ ಎಂದಿದ್ದಾರೆ.</p>.<p>ಕೇರಳದಲ್ಲಿ ಮುಂದುವರಿದ ನಾಯರ್ಗಳು ಮತ್ತು ಸಂಬಂಧಿತ ಸಮುದಾಯಗಳಿಗೆ ಸೇರಿದ 1,08,012 (ಶೇ 19.8) ಮಂದಿ ಸರ್ಕಾರಿ ನೌಕರಿಯಲ್ಲಿದ್ದಾರೆ. ರಾಜ್ಯದ ಒಟ್ಟಾರೆ ಜನಸಂಖ್ಯೆಯಲ್ಲಿ ನಾಯರ್ ಜನಸಂಖ್ಯೆ ಶೇ 14ರಷ್ಟಿದೆ.</p>.<p>ಒಬಿಸಿ ಪ್ರವರ್ಗದಲ್ಲಿ ಬರುವ ಹಿಂದೂ–ಈಜವ ಸಮುದಾಯದ 1,15,075 (ಶೇ 21.09) ಮಂದಿ ಸರ್ಕಾರಿ ಸೇವೆಯಲ್ಲಿದ್ದಾರೆ. ಆದರೆ ಈ ಸಮುದಾಯವು ರಾಜ್ಯದ ಜನಸಂಖ್ಯೆಯ ಶೇ 23ರಷ್ಟಿದೆ.</p>.<p>ಕ್ರಿಶ್ಚಿಯನ್ನ ಮುಂದುವರಿದ ಸಮುದಾಯಗಳು 73,713 (ಶೇ 13.5) ಮತ್ತು ಲ್ಯಾಟಿನ್ ಕ್ಯಾಥೋಲಿಕ್/ಲ್ಯಾಟಿನ್ ಕ್ರಿಶ್ಚಿಯನ್ನರು 22,542 (ಶೇ 4.13)ರಷ್ಟಿದ್ದಾರೆ. ಕೇರಳ ಜನಸಂಖ್ಯೆಯಲ್ಲಿ ಶೇ 18.3ರಷ್ಟು ಕ್ರೈಸ್ತರಿದ್ದಾರೆ.</p>.<p>ಒಟ್ಟು 5,45,423 ನೌಕರರಲ್ಲಿ 1,96,837 ಸಾಮಾನ್ಯ ವರ್ಗ, 2,85,335 ಒಬಿಸಿ, 51,783 ಎಸ್.ಸಿ, 10,513 ಎಸ್.ಟಿ ಸಮುದಾಯದವರು ಇದ್ದಾರೆ. 955 ನೌಕರರು ಯಾವುದೇ ವರ್ಗವನ್ನು ನಮೂದಿಸಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>