ಅಮೇಠಿ: ಎರಡು ಬೈಕ್‌ಗಳ ನಡುವೆ ಸಂಭವಿಸಿದ ಅಪಾಘತದಿಂದ ಅಣ್ಣ–ತಂಗಿ ಸಾವಿಗೀಡಾಗಿ ಇನ್ನು ಮೂವರು ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮೋಹನ್‌ಗಂಜ್ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಭಾನುವಾರ ಸಂಜೆ ಅಪಘಾತ ಸಂಭವಿಸಿದೆ ಎಂದು ಅವರು ತಿಳಿಸಿದ್ದಾರೆ.
ಸೂರಜ್ ಕುಮಾರ್ (29), ಅವರ ಸಹೋದರಿ ರೀಟಾ ದೇವಿ (18) ಹಾಗೂ ತಾಯಿ ನಂಕಾ ದೇವಿ (60) ಬೈಕ್‌ನಲ್ಲಿ ಪ್ರಯಾಣಿಸುತ್ತಿದ್ದರು. ಈ ವೇಳೆ ಎದುರಿನಿಂದ ಬರುತ್ತಿದ್ದ ಇನ್ನೊಂದು ಬೈಕ್‌ಗೆ ಡಿಕ್ಕಿ ಹೊಡೆದಿದೆ. ಅದರಲ್ಲಿ ಸಂಜಯ್‌ ಕುಮಾರ್ (25) ಹಾಗೂ ಮನೀಶ್ ಕುಮಾರ್ (24) ಪ್ರಯಾಣಿಸುತ್ತಿದ್ದರು.
ಸೂರಜ್ ಹಾಗೂ ರೀಟಾ ಸ್ಥಳದಲ್ಲೇ ಮೃತಪಟ್ಟಿದ್ದು, ಗಾಯಗೊಂಡಿದ್ದ ಉಳಿದವರನ್ನು ಚಿಕಿತ್ಸೆಗಾಗಿ ರಾಯ್‌ ಬರೇಲಿ ಸಮುದಾಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೃತರ ದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಒಳಪಡಿಸಲಾಗಿದೆ.
