‘ಇಲಾಖೆ ನೀಡಿರುವ ಅನುಮತಿ 10 ದಿನಗಳಲ್ಲಿ ಮುಗಿಯಲಿದೆ. ಹಾಗಾಗಿ, ಈಗಾಗಲೇ ಪ್ರವಾಸಕ್ಕೆ ಮುಂಗಡ ಪಾವತಿಸಿ, ಬಸ್, ರೈಲು, ವಸತಿ ಗೃಹಗಳನ್ನು ನಿಗದಿ ಮಾಡಿಕೊಂಡಿರುವ ಶಾಲೆಗಳು ಕೋವಿಡ್ ಮಾರ್ಗದರ್ಶಿ ಅನುಸರಿಸಿ, ಸುರಕ್ಷಿತವಾಗಿ ಮಕ್ಕಳನ್ನು ಕರೆದುಕೊಂಡು ಹೋಗಿ ಬರಲು ಷರತ್ತುಬದ್ಧ ಅನುಮತಿ ನೀಡಲಾಗಿದೆ. ಮುಂಗಡ ಪಾವತಿಸದ ಶಾಲೆಗಳಿಗೆ ಪ್ರವಾಸ ರದ್ದುಗೊಳಿಸಲು ಸೂಚಿಸಲಾಗಿದೆ’ ಎಂದು ಶಾಲಾ ಶಿಕ್ಷಣ ಇಲಾಖೆ ಆಯುಕ್ತೆ ಬಿ.ಬಿ.ಕಾವೇರಿ ಮಾಹಿತಿ ನೀಡಿದರು.
