ಪಾಕಿಸ್ತಾನ: ಚುನಾವಣಾ ರಾಜಕೀಯ ಪ್ರವೇಶಿಸಿದ ಆಸಿಫಾ ಭುಟ್ಟೊ

ಆಸೀಫಾ ಅವರು ಕೆಲವು ಸಮಯದಿಂದ ರಾಜಕೀಯದಲ್ಲಿ ಸಕ್ರಿಯರಾಗಿದ್ದಾರೆ. ಆದರೆ ಅವರನ್ನು ತಂದೆ ಜರ್ದಾರಿ ಅವರು ಸಂಸದೀಯ ರಾಜಕಾರಣದಿಂದ ದೂರ ಇರಿಸಿದ್ದರು. 

ಆಸೀಫಾ ಅವರು ಉಪಚುನಾವಣೆಯ ಉಮೇದುವಾರರಾಗಿ ಭಾನುವಾರ ತಮ್ಮ ನಾಮಪತ್ರ ಸಲ್ಲಿಸಿದ್ದಾರೆ. ಶಾಹೀದ್ ಬೆಂಜಿರಾಬಾದ್ ಕ್ಷೇತ್ರದಲ್ಲಿ ಜರ್ದಾರಿ ಗೆಲುವು ಸಾಧಿಸಿದ್ದರು. ಆದರೆ ಅಧ್ಯಕ್ಷರಾದ ನಂತರ ಅವರು ಕ್ಷೇತ್ರವನ್ನು ತೆರವು ಮಾಡಬೇಕಾಯಿತು. ಉಪ ಚುನಾವಣೆ ಏಪ್ರಿಲ್‌ 21ಕ್ಕೆ ನಿಗದಿಯಾಗಿದೆ. ಆಸೀಫಾ ಅವರು ಗೆಲುವು ಸಾಧಿಸುವುದು ಖಚಿತ ಎನ್ನಲಾಗಿದೆ.