‘ಈ ಸಲಾನೂ ಪ್ರೊಮೋಷನ್ ಲಿಸ್ಟಲ್ಲಿ ನನ್ನ ಹೆಸ್ರು ಬರ್ಲಿಲ್ಲಾಂತ ಬೇಜಾರಾಗಿ ಆಫೀಸ್ಗೆ ಹೋಗ್ದೆ ಮನೇಲಿ ಕೂತಿದ್ದೆ. ಶಂಕ್ರ ಬಂದ. ವಿಷ್ಯ ತಿಳ್ದೋನೇ ‘ಇದ್ಕೆಲ್ಲಾ ವರಿ ಮಾಡ್ಕೋಬೇಡ. ನನ್ನ ಹೆಂಡ್ತೀಗೂ ಅವಳಾಫೀಸ್ನಲ್ಲಿ ಪ್ರಮೋಷನ್ ಸಿಕ್ಕಿರ್ಲಿಲ್ಲ. ಕೊನೆಗೆ ಟೀವಿಯಲ್ಲಿ ಜನ್ಮಾಂತರ ರಹಸ್ಯಗಳನ್ನು ಬಿಡಿಸೋ ಗುರೂಜೀನ ಭೇಟಿ ಮಾಡಿದ್ವಿ. ಹಿಂದಿನ ಜನ್ಮದಲ್ಲಿ ಅವ್ಳು ಮಾಡಿದ್ದ ಯಾವ್ದೋ ಪಾಪಾನ ಅವ್ರು ಹುಡ್ಕಿ ತಕ್ಕ ಪ್ರಾಯಶ್ಚಿತ್ತ ಮಾಡ್ಸಿದ್ರು. ಅದಾದ ಆರು ತಿಂಗ್ಳಿಗೇ ಅವ್ಳಿಗೆ ಪ್ರಮೋಷನ್ ಬಂತು’ ಎಂದ. ಸರಿ, ಒಂದು ಟ್ರಯಲ್ ಮಾಡ್ಬಿಡೋಣಾಂತ ಒಪ್ಕೊಂಡೆ.