ನುಡಿ ಬೆಳಗು: ಅನವಶ್ಯಕ ಮಾತನಾಡದಿರಿ..

ಗುರುಗಳು ಅವನ ಉತ್ಸಾಹವನ್ನು ಮುರಿಯುವವರಂತೆ ‘ಅವನಿಂದ ನಿನಗೇನಾದರೂ ತೊಂದರೆಯಾಯಿತೇ’ ಎಂದು ಕೇಳಿದರು ‘ಇಲ್ಲ ಗುರುಗಳೇ ಆದರೆ, ಅವನು ಆಡುತ್ತಿದ್ದ ಮಾತುಗಳು...’ ಎನ್ನುವಾಗ ಆ ಮಾತನ್ನು ಅರ್ಧಕ್ಕೆ ತುಂಡರಿಸುತ್ತಾ ‘ಅವನು  ಹೇಳಿದ್ದು ನಿನ್ನ ಬಗ್ಗೆಯಾ’ ಎಂದು ಕೇಳಿದರು.

‘ಇಲ್ಲ ಗುರುಗಳೇ’ ಎಂದ ಮಾಧವ. ಗುರುಗಳು ದೀರ್ಘವಾಗಿ ಉಸಿರು ತೆಗೆದುಕೊಳ್ಳುತ್ತಾ ‘ಹಾಗಾದರೆ  ಅದು  ನನ್ನ  ಬಗ್ಗೆಯೇ ಇರಬೇಕು’ ಎಂದರು. ಶಿಷ್ಯನಿಗೆ ಇನ್ನೂ ಬೇಸರವಾಯಿತು.

‘ಛೇ. ಇಲ್ಲ ಗುರುಗಳೇ ಅದು ನಿಮ್ಮ ಬಗ್ಗೆಯೂ ಅಲ್ಲ. ನನ್ನ ಬಗ್ಗೆಯೂ ಅಲ್ಲ’ ಎಂದ ಶಿಷ್ಯ.

‘ಸರಿ ನಮ್ಮಿಬ್ಬರ ಬಗ್ಗೆಯೂ ಅಲ್ಲ ಎಂದರೆ ಆ ಮಾತುಗಳಿಂದ ಯಾರಿಗಾದರೂ ಮನಸ್ಸಿಗೆ ನೋವಾಗುತ್ತಿದೆಯೇ’ ಮರುಪ್ರಶ್ನೆ ಗುರುಗಳದು.  ಶಿಷ್ಯ ಮತ್ತಷ್ಟು ತಗ್ಗಿದ, ‘ಇಲ್ಲ ಗುರುಗಳೇ’  ಎಂದ. ಮತ್ತೆ ಗುರುಗಳು  ‘ಅದರಿಂದ  ಯಾರಿಗಾದರೂ ಉಪಯೋಗವಾಗುತ್ತಿದೆಯೇ’  ಎಂದು ಕೇಳಿದರು. ಅದಕ್ಕೂ ಶಿಷ್ಯ ‘ಇಲ್ಲ’ ಎಂದ.

‘ಹಾಗಿದ್ದರೆ ನಾವಿಬ್ಬರೂ ಶ್ಯಾಮನ ಬಗ್ಗೆ ಮಾತನಾಡುವುದರಲ್ಲಿ ಅರ್ಥವೇ ಇಲ್ಲ. ನಿರ್ದಿಷ್ಟವಾಗಿ ಯಾರಿಗೂ ಸಂಬಂಧಿಸದ, ಯಾವ ಪ್ರಯೋಜನವೂ ಇಲ್ಲದ ಮಾತುಗಳಿಂದ ನಿನ್ನ ಅಧ್ಯಯನದ ಸಮಯವನ್ನು ವ್ಯರ್ಥ ಮಾಡಿಕೊಂಡೆ. ಮತ್ತುನನ್ನದನ್ನುಕೂಡಾ. ಇಂಥಾ ವಿಷಯಗಳಿಗೆ ಮನಸ್ಸು ಕೊಡುವ ಬದಲು ಆ ಸಮಯವನ್ನು ಸದುಪಯೋಗ ಮಾಡಿಕೋ’ ಎನ್ನುತ್ತ ತಮ್ಮ  ಅಧ್ಯಯನದಲ್ಲಿ ತೊಡಗಿಕೊಂಡರು. 

ಉಪಯುಕ್ತ ಮಾತುಗಳಿಗೆ ಮಾತ್ರವೇ ಮಹತ್ವಇರುವುದೆಂದು ಅರಿತ ಶಿಷ್ಯ ಮತ್ತೆಂದೂ ವ್ಯರ್ಥ ಮಾತುಗಳನ್ನು ಆಡಲಿಲ್ಲ.