ಸೆಲೆಬ್ರಿಟಿಗಳು ಮಾಧ್ಯಮ ಸಂದರ್ಶನ ಅಥವಾ ಟೆಲಿವಿಷನ್ ಷೋನಲ್ಲಿ ಪಾಲ್ಗೊಳ್ಳುವುದು ತಪ್ಪಲ್ಲ. ಆದರೆ, ಆ ಕಾರ್ಯಕ್ರಮದ ಬಗ್ಗೆ ಎಲ್ಲಾ ರೀತಿಯ ಮಾಹಿತಿ ಪಡೆದು, ಯಾವ ರೀತಿ ಅಲ್ಲಿ ತಮ್ಮನ್ನು ತಾವು ಅಭಿವ್ಯಕ್ತಗೊಳಿಸಿಕೊಳ್ಳಬೇಕು ಎಂಬುದನ್ನು ಅವರು ಅರಿತಿರಬೇಕು. ಮಾತುಗಾರಿಕೆ, ಹರಟೆ ಸೇರಿದಂತೆ ಆಟಗಾರರ ಎಲ್ಲ ಆಗುಹೋಗುಗಳನ್ನೂಸಮಾಜ ಗಮನಿಸುತ್ತಾ ಇರುತ್ತದೆ. ಹೀಗಿರುವಾಗ, ಕ್ರಿಕೆಟಿಗರು ತಮ್ಮ ಮುಕ್ತ ಲೈಂಗಿಕತೆಯ ಬಗ್ಗೆ ಎಗ್ಗಿಲ್ಲದೇ ಹೇಳಿಕೆ ನೀಡಿರುವುದು ತಪ್ಪು. ಕೆಲವು ಹೇಳಿಕೆಗಳು ಅವರವರ ಚಾರಿತ್ರ್ಯಕ್ಕೆ ಕನ್ನಡಿಹಿಡಿಯುತ್ತವೆ.