ಲೈಂಗಿಕ ಶೋಷಿತರ ಮಕ್ಕಳನ್ನು ಶಿಕ್ಷಣದ ಮೂಲಕ ಸಮಾಜದ ಮುಖ್ಯವಾಹಿನಿಗೆ ತರುವುದಕ್ಕೆ ಪೂರಕವಾಗಿ ವಿಶ್ವವಿದ್ಯಾಲಯಗಳಲ್ಲಿ ಮೀಸಲಾತಿ ಸೌಲಭ್ಯ (ಪ್ರ.ವಾ., ಜುಲೈ 7) ಕಲ್ಪಿಸುವ ನಿರ್ಧಾರ ಸ್ವಾಗತಾರ್ಹ. ಆದರೆ ಇದಕ್ಕೆ ತದ್ವಿರುದ್ಧವೆಂಬಂತಹ ಮತ್ತೊಂದು ಸುದ್ದಿಯೂ ಇದೇ ದಿನ ಪ್ರಕಟವಾಗಿದೆ. ಲೈಂಗಿಕ ಶೋಷಣೆಗೆ ತುತ್ತಾದವರಿಗಾಗಿ ಜಾರಿಗೊಳಿಸಿರುವ ಸರ್ಕಾರಿ ಸೌಲಭ್ಯವು ನಾನಾ ಇಲಾಖೆ ಅಧಿಕಾರಿಗಳ ಹೊಣೆಗೇಡಿತನದಿಂದ ಅರ್ಹರಿಗೆ ದಕ್ಕದೆ ಆಕಾಶಕ್ಕೆ ಏಣಿ ಇಟ್ಟಂತಾಗಿದೆ.