ಗುರುವಾರ , ಫೆಬ್ರವರಿ 27, 2020
19 °C

ಬರದ ಹಾಡು

ಆರ್‌.ಪಿ. ಹೆಗಡೆ Updated:

ಅಕ್ಷರ ಗಾತ್ರ : | |

Prajavani

ಮಳಿ ಯಾಕ ಕೈಕೊಟ್ಟವೋ... ಹೇ ಶಿವನೆ ಬೆಳೆ ಸುಟ್ಟು ಉರಿದ್ಹೋದವೋ

ಮಳಿ ಯಾಕ ಕೈಕೊಟ್ಟವೋ... ಹೇ ಶಿವನೆ ಬೆಳೆ ಸುಟ್ಟು ಉರಿದ್ಹೋದವೋ

ಹೊಳೆ ಹಳ್ಳ ಬರಿದಾದೊ ಕೆರೆ ಕುಂಟೆ ತಳ ಕಂಡೊ

ನೆರಳಿಗೂ ಗತಿಯಿಲ್ಲವೋ... ಭೂಮ್ತಾಯಿ ಒಡಲೆಲ್ಲ ಹುಡಿಯಾದವೋ

ಜನರೆಲ್ಲ ತಳಮಳಿಸಿ ಕಂಗೆಟ್ಟವೋ

ಮಳಿಯಾಕ ಕೈಕೊಟ್ಟವೋ ಹೇ ಶಿವನೆ...

 

ಹಸಿರಿನ ಹೆಸರಿಲ್ಲ, ಮೇವು ನೀರುಗಳಿಲ್ಲ

ಹಸು– ಕರು ಹಣ್ಣಾದವೋ...  ಹಸಿವಿನಿಂದ ಅಸುನೀಗಿ ಮಣ್ಣಾದವೋ

ಹಣಕಾಗಿ ಕಟುಕರಿಗೆ ಬಲಿಯಾದವೋ

ಮಳಿ ಯಾಕ ಕೈಕೊಟ್ಟವೋ... ಹೇ ಶಿವನೆ...

 

ಹಣವು ಕೈಯೊಳಗಿಲ್ಲ ಉಣಲು ಧಾನ್ಯಗಳಿಲ್ಲ

ರೈತರು ಬಡವಾದರೋ... ಸಾಲಕ್ಕೆ ಹೊಲ ಮನಿ ಅಡವಾದವೋ

ಗುಳೆಯೆದ್ದು ಹಳ್ಳಿಗಳು ಬರಿದಾದವೋ

ಮಳಿ ಯಾಕ ಕೈಕೊಟ್ಟವೋ... ಹೇ ಶಿವನೆ...

 

ಉಳ್ಳವರ ಹರಕೆಯಲಿ, ಬರವೆಂಬ ಮಳೆಬಿದ್ದೊ

ಆಸೆಗಳು ಹಸಿಯಾದವೋ... ಧನಿಕರ ಕಣಜದಲಿ ಸಸಿಯಾದವೋ

ಹೊಡೆಯೊಡೆದು ಝಣಝಣ ಸದ್ದಾದವೋ...

ಮಳಿ ಯಾಕ ಕೈಕೊಟ್ಟವೋ... ಹೇ ಶಿವನೆ...

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)