ಕೋವಿಡ್–19 | ಕ್ರಿಕೆಟ್ ಆಸ್ಟ್ರೇಲಿಯಾ ಜೊತೆ ನಾವಿದ್ದೇವೆ: ಹ್ಯಾಜಲ್‌ವುಡ್‌

‘ಕೊರೊನಾದಿಂದಾಗಿ ಮಂಡಳಿಯ ಆರ್ಥಿಕತೆಗೆ ದೊಡ್ಡ ಹೊಡೆತ ಬಿದ್ದಿರಬಹುದು. ಅದನ್ನು ಅಲ್ಲಗಳೆಯುವುದಿಲ್ಲ. ಸಿಎ ಆರ್ಥಿಕವಾಗಿ ಬಲಿಷ್ಠವಾಗಿದ್ದಾಗ ನಾವೆಲ್ಲಾ ಜೊತೆಗಿದ್ದೆವು. ಈಗ ಮಂಡಳಿಯು ಕಷ್ಟದಲ್ಲಿದೆ. ಈ ಸಮಯದಲ್ಲೂ ಅದರ ಜೊತೆಗೆ ಇರಬೇಕು. ಕೈಲಾದ ಸಹಾಯ ಮಾಡುವುದು ನಮ್ಮ ಕರ್ತವ್ಯ’ ಎಂದಿದ್ದಾರೆ.

ಈ ಮೂಲಕ ವೇತನ ಕಡಿತಕ್ಕೆ ಆಟಗಾರರೆಲ್ಲಾ ಒಪ್ಪಿಗೆ ಸೂಚಿಸುವ ಸುಳಿವು ನೀಡಿದ್ದಾರೆ.

ವೇತನದ ವಿಚಾರವಾಗಿ ಸಿಎ ಹಾಗೂ ಆಸ್ಟ್ರೇಲಿಯಾ ಕ್ರಿಕೆಟಿಗರ ಸಂಸ್ಥೆಯ (ಎಸಿಎ) ನಡುವೆ 2017ರಲ್ಲಿ ಸಂಘರ್ಷ ಏರ್ಪಟ್ಟಿತ್ತು.

ಈ ಕುರಿತು ಮಾತನಾಡಿರುವ ಹ್ಯಾಜಲ್‌ವುಡ್‌ ‘ಸಿಎ ಹಾಗೂ ಎಸಿಎ ನಡುವಣ ಸಂಬಂಧ ಈಗ ಸಾಕಷ್ಟು ಸುಧಾರಿಸಿದೆ. ಎರಡೂ ಸಂಸ್ಥೆಗಳು ಒಟ್ಟಾಗಿ ಕೆಲಸ ಮಾಡಿದರೆ ಕೊರೊನಾದಿಂದ ತಲೆದೋರಿರುವ ಹಣಕಾಸಿನ ಮುಗ್ಗಟ್ಟಿನಿಂದ ಶೀಘ್ರವೇ ಚೇತರಿಸಿಕೊಳ್ಳಬಹುದು’ ಎಂದಿದ್ದಾರೆ.