7

ಗಾನಲೋಲನಿಗೆ ಸಂಗೀತ ಸೇವೆ: 90 ವೈಣಿಕರಿಂದ ವೀಣಾವಾದನ

Published:
Updated:
ಗಳೂರು ಮತ್ತು ಉಡುಪಿ ಜಿಲ್ಲೆಯ 90 ಮಂದಿ ವೀಣಾವಾದಕರು ಏಕಕಾಲದಲ್ಲಿ ವೀಣಾ ವೃಂದ ವಾದನ ಕಚೇರಿ ನಡೆಸಿಕೊಟ್ಟರು. ಪ್ರಜಾವಾಣಿ ಚಿತ್ರ

ಉಡುಪಿ: ‘ವೀಣೆ ನಮ್ಮ ದೇಶದ ಪ್ರಾಚೀನ ಸಂಗೀತ ವಾದ್ಯ. ಉಪನಿಷತ್ತಿನಲ್ಲಿಯೂ ಅದರ ಉಲ್ಲೇಖವಿದೆ. ಮನುಷ್ಯ ನಿರ್ಮಿಸಿ ನುಡಿಸುವ ವೀಣೆ ಒಂದು ರೀತಿಯದ್ದಾದರೆ, ಮಾನವ ಶರೀರ ದೇವರು ಕೊಟ್ಟಿರುವ ಇನ್ನೊಂದು ರೀತಿಯ ವೀಣೆ’ ಎಂದು ಪರ್ಯಾಯ ಪಲಿಮಾರು ಮಠದ ವಿದ್ಯಾಧೀಶ ಸ್ವಾಮೀಜಿ ತಿಳಿಸಿದರು.

ಪರ್ಯಾಯ ಪಲಿಮಾರು ಮಠ, ಶ್ರೀಕೃಷ್ಣಮಠ ಹಾಗೂ ಮಣಿಪಾಲ ಡಾ. ಪಳ್ಳತ್ತಡ್ಕ ಕೇಶವ ಭಟ್ ಸ್ಮಾಕರ ಟ್ರಸ್ಟ್ ಭಾನುವಾರ ರಾಜಾಂಗಣದಲ್ಲಿ  ಆಯೋಜಿಸಿದ್ದ ವೀಣಾ ವೃಂದವಾದನ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು. ‘ವೀಣೆಯನ್ನು ತಂತಿ ಇರುವ ತನಕ ಮಾತ್ರ ನುಡಿಸಲು ಸಾಧ್ಯ. ಅಂತೆಯೇ, ಉಸಿರು ಎನ್ನುವ ತಂತಿ ಇರುವ ತನಕ ಮಾತ್ರ ಮನುಷ್ಯ ಬದುಕಲು ಸಾಧ್ಯ. ಬೆಳಿಗ್ಗೆ ಎದ್ದಕೂಡಲೇ ದರ್ಶಿಸಬೇಕಾದ ಮಂಗಳದ್ರವ್ಯಗಳಲ್ಲಿ ವೀಣೆಯೂ ಒಂದಾಗಿದೆ. ಪಾಶ್ಚಾತ್ಯ ವಾದ್ಯಗಳ ಹಿಂದೆ ಸಾಗುವವರೇ ಹೆಚ್ಚಿರುವ ಈ ದಿನಗಳಲ್ಲಿ ಭಾರತದ ಪ್ರಾಚೀನ ಸಂಗೀತ ಉಪಕರಣದ ಕಲೆಯನ್ನು ಉಳಿಸಿ ಬೆಳೆಸುವುದು ನಮ್ಮೆಲ್ಲರ ಕರ್ತವ್ಯ’ ಎಂದರು.

ಕಾರ್ಯಕ್ರಮದಲ್ಲಿ ಏಕಕಾಲದಲ್ಲಿ 90 ಮಂದಿ ವೈಣಿಕರು ವೀಣೆ ನುಡಿಸುವ ಮೂಲಕ ಗಾನಲೋಲನಿಗೆ ಗಾನ ಸೇವೆ ಸಲ್ಲಿಸಿದರು. ಬೆಂಗಳೂರಿನ ಯೋಗವಂದನಾ ಸಂಸ್ಥೆಯ ದೇವಕಿ ಭಟ್‌,  ಡಾ.ಅನಸೂಯಾದೇವಿ ಟ್ರಸ್ಟ್‌ನ ಪವನ ಆಚಾರ್ಯ, ಡಾ. ಬಾಲಚಂದ್ರ ಆಚಾರ್ಯ ಇದ್ದರು. ಶಿಲ್ಪಾ ಜೋಶಿ ಸ್ವಾಗತಿಸಿದರು, ಪವನ ಆಚಾರ್ಯ ವಂದಿಸಿದರು.

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !