ಓದುಗರ ಪತ್ರಗಳು

- ಜಯರಾಮ ಹೆಗಡೆ, ಶಿರಸಿ

ಬರಗೂರರ ಗಾಂಧಿಯ ಹುಡುಕಾಟ ಎಂಬ ಪ್ರವಾಸ ಕಥನ ಕಾವ್ಯವೂ ಆಗಿದೆ. ಸಾಮಾಜಿಕ, ಆರ್ಥಿಕ ಸರ್ವಾಧಿಕಾರಗಳನ್ನು ವಿರೋಧಿಸಿ ಹಿಮ್ಮೆಟ್ಟಿಸುವ ಸಮಾನತೆಯ ಹೋರಾಟ ಮಾತ್ರವೇ `ಎರಡನೇ ಸ್ವಾತಂತ್ರ್ಯ ಹೋರಾಟ~ ಎನ್ನುವ ಅವರ ಅನಿಸಿಕೆಯಲ್ಲಿ ಸತ್ಯವಿದೆ. ಅಂತೆಯೇ ಬರಗೂರರು ಮುಂದಿಡುವ `ಗಾಂಧಿ ಮಾದರಿ~ ಹಾಗೂ `ಮೋದಿ ಮಾದರಿ~ಗಳ ಬಗ್ಗೆ ಸಾಕಷ್ಟು ಚಿಂತನೆ ನಡೆಯಬೇಕಾಗಿದೆ. 

- ಪೂ.ಸೂ. ಲಕ್ಷ್ಮೀನಾರಾಯಣರಾವ್, ಬೆಂಗಳೂರು

ಗಾಂಧಿ ಹಾಗೂ ದಸರೆಯ ನೆನಪುಗಳನ್ನು ಅನನ್ಯವಾಗಿ ಚಿತ್ರಿಸಿದ ಅ.2ರ ಸಾಪ್ತಾಹಿಕ ಪುರವಣಿ ಅಪರೂಪದ್ದು. `ಅರಸು ಸಮುದಾಯ~ ಸಾಗಿಬಂದ ಹಾದಿ ಹಾಗೂ ಅವರ ಇಂದಿನ ಸ್ಥಿತಿಗತಿ ಬಗೆಗಿನ ರವೀಂದ್ರ ಭಟ್ ಬರಹ ಮಾಹಿತಿಪೂರ್ಣವಾಗಿತ್ತು. ನಾಡಿಗೆ ಮೈಸೂರು ಅರಸರು ನೀಡಿದ ಕೊಡುಗೆ ಸದಾ ಸ್ಮರಣೀಯ. 

- ಬಿ.ಎಸ್.ಮುಳ್ಳೂರ,  ಹಲಗತ್ತಿ