ಮುಜಾಫರ್‌ನಗರ(ಐಎಎನ್‌ಎಸ್‌): ಕೋಮುಗಲಭೆ ಪೀಡಿತ ಮುಜಾಫರ್‌ನಗರ ಮತ್ತು ಸುತ್ತಮುತ್ತಲ ಪ್ರದೇಶದಿಂದ ಒಟ್ಟು 43,000 ಜನರು ಮನೆ ತೊರೆದಿದ್ದು 38 ಸಂತ್ರಸ್ತ ಕೇಂದ್ರಗಳಲ್ಲಿ ಅವರು ಆಶ್ರಯ ಪಡೆದಿದ್ದಾರೆ ಎಂದು ಉತ್ತರ ಪ್ರದೇಶದ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಮಧ್ಯೆ ಶುಕ್ರವಾರ ಬೆಳಿಗ್ಗೆ 7ರಿಂದ ಸಂಜೆ 7ರ ವರೆಗೆ ಕರ್ಫ್ಯೂ ಸಡಿಸಲಿಸಿದ್ದರು.‘ಈ ವಾರಾಂತ್ಯದ ವರೆಗೆ ರಾತ್ರಿ ವೇಳೆ ಕರ್ಫ್ಯೂ ಮುಂದುವರಿಯಲಿದೆ. ಪರಿಸ್ಥಿತಿ ಸಹಜ ಸ್ಥಿತಿಗೆ ಬಂದ ನಂತರ ಕರ್ಫ್ಯೂ ಹಿಂದಕ್ಕೆ ಪಡೆಯಲಾ-ಗುವುದು’ ಎಂದು ತಿಳಿಸಿದ್ದಾರೆ.
